Aafisanko'en 4:2 - Fulfulde Nigeria

² Koo ndeye ngartee gooduɓe hakkiilo, lestinon ko'e mooɗon, ngarton ɓe munyal, munymunytiron nder yidde.

Aafisanko'en 4:2 ပူးပေါင်းရင်းမြစ်များ

1 Korintiyanko'en 13:7

E mo munya nder koo ɗume. Hoolaare maako, e kammunde maako, e munyal maako re'ataa.

Roomanko'en 15:1

Enen cembiɗɓe nder tokkuki Yeesu, e haani munyanen ɓe cembiɗaa nder tokkuki Yeesu. Nden to' en mbelnan ko'e meeɗen ɓerɗe tan.

Maatiyu 11:29

Tokkee ko mbi'aymi'on. Ekkitee to am, ngam e mi woodi hakkiilo, mi lestinɗo hoore, nden ɓerɗe mooɗon mbaltoto.

1 Timooti 6:11

Ammaa an, nde a hoolake Allah, woɗɗita fuu fii ɗu'um. Waɗu hoore maaɗa dow waɗuki ko wooɗi, e tokkuki Allah, e hoolaakimo, e yidde, e munyal, e hakkiilo.

1 Biiturus 3:15

Ammaa mawninee Almasiihu nder ɓerɗe mooɗon ngam kanko woni Joomiraawo. Koo ndeye njooɗee on ciryii nootaaki koo moye ƴamuɗo'on dow waɗuki ɓernde ki ngaɗɗon dow Almasiihu. Ngaɗee non nder lesnuki hoore e mawninki.

2 Timooti 2:25

O warta pamtinoowo geddooɓe ekkitinol maako nder hakkiilo. Ɗum gaɗotooɗum Allah waɗa ɓe tuuba, ɓe paama goonga,

Galaatiyanko'en 6:2

Mballindiree nder torraaji mooɗon. To on ngaɗii non, on ngaɗii ko dooka Almasiihu wi'i.

Aafisanko'en 1:4

Ko duuniyaaru tagee, Allah suɓii'en ngarten ɓe maako barka Yeesu, ngam ngarten ceniiɓe ɓe ngalaa toɓɓel hakke yeeso maako.

Kuuɗe Lilaaɓe 20:19

Mi huwanii Joomiraawo nder lestinki hoore e gonɗi ɗuɗɗi, koo nde mi yarii torraaji ɗuɗɗi e juuɗe Yahuudanko'en.

Markus 9:19

Yeesu nootii wi'i, “Onon yimɓe jaamanu ɗu'um ɗum hoolaakiyam, haa ndeye njooɗodotoomi e mooɗon e mi munyida e mooɗon? Ngaddaneeyam suka on.”

Yaakubu 1:21

Ngam maajum, kubinee fuu kuuɗe ɗe mbooɗaa e kuuɗe kalluɗe. Lestinee ko'e mooɗon, njaɓon Wolde Allah nde o aawi nder ɓerɗe mooɗon, baawaynde hisnuki'on.

Koloosiyanko'en 1:11

Allah sembiɗina'on e fuu sembe bawɗe maako tedduɗe, o waɗa'on ndarooɗon e sembe ngam mbaawon munyon nder koo ɗume ko heɓi'on,

1 Biiturus 3:8

Jooni e mi yiɗi yottinki ko mbi'aymi e wiiki, on fuu nyumo mooɗon warta go'o. Njurmindiree, ngiɗindiree no haani tokkuɓe Yeesu ngaɗa, mballindiree, lestinee ko'e mooɗon.