Aafisanko'en 4:15 - Fulfulde Nigeria

¹⁵ Ammaa en mbi'u goonga nder yidde, en mawnu e koo ngole laawol ngarten bo Almasiihu. Misaalu, tokkuɓemo ngoni bo ɓandu maako, kanko woni bo hoore mayru.

Aafisanko'en 4:15 ပူးပေါင်းရင်းမြစ်များ

1 Yahaya 3:18

Onon ɓiɓɓe am, to' en kollu yidde meeɗen e honduko tan, ammaa en kollu yidde meeɗen e goonga nder kuuɗe.

Aafisanko'en 4:25

Ngam maajum alee fewre! Koo moye mooɗon doole wi'a bandiraawo muuɗum goonga, ngam en fuu en ngartii bo ɓandu go'o nder tokkuki Yeesu.

1 Biiturus 1:22

Tokkuki goonga laaɓinanii'on ɓerɗe on ngiɗindiri yidde nde goonga. Ngam maajum, ngiɗindiree e ɓernde go'o.

2 Biiturus 3:18

Ammaa ɓeydee yidde e yurmeende e anduki Joomiraawo meeɗen Kisnoowo meeɗen Yeesu Almasiihu. Teddungal tabbita to maako jooni e haa abadaa! Aamin.

Aafisanko'en 2:21

Kanko jogii maadi ndin o mawninindi ndi warti wuro ceniingo ngo Joomiraawo.

Aafisanko'en 1:22

Allah waɗii koo ɗume ley laamu maako. O wartiriimo ardiiɗo koo ɗume e ardiiɗo kawtal tokkuɓemo.

1 Biiturus 2:2

No ɓikkoy keccoy ngiɗiri enɗam, onon maa ngiɗiree Wolde Allah non ngam nde waɗa'on cembiɗon nder kisndam ɗam keɓuɗon,

Roomanko'en 12:9

Kollee yimɓe yidde nde goonga. Nganyee koo iri ndeye halleende, njogee ko wooɗi sembee.

Yahaya 1:47

Nde Yeesu yi'i Nataaniyal e waroya to muuɗum, sey meti dow maako, wi'i, “Raa Israa'iilankeejo mo goonga mo fewataa.”

Aafisanko'en 5:23

Ngam gorko woni ardiiɗo debbo muuɗum non no Almasiihu woni ardiiɗo tokkuɓemo. Kanko e hoore maako woni kisnoowoɓe.

2 Korintiyanko'en 4:2

Min nganyii huwuki kuuɗe cuuɗiiɗe cemtiniiɗe. Min majjintaa yimɓe, min ngaylitataa ma'ana Wolde Allah. Ammaa e min mbi'a goonga e njayri. Laawol waɗuki non, koo moye anday nder ɓernde muuɗum yeeso Allah minon e min ngoodi goonga.

2 Korintiyanko'en 8:8

Naa' e mi wi'a doole ngaɗɗon non. Mi hokku'on habaru ballal mangal ngal woɓɓe mballi ngam mi anda koo yidde nde ngiɗɗon woɓɓe nde goonga.

1 Korintiyanko'en 11:3

Ammaa e mi yiɗi andon, Almasiihu woni ardiiɗo koo moye gorko, nden gorko woni ardiiɗo debbo muuɗum, Allah woni ardiiɗo Almasiihu.

Aafisanko'en 1:4

Ko duuniyaaru tagee, Allah suɓii'en ngarten ɓe maako barka Yeesu, ngam ngarten ceniiɓe ɓe ngalaa toɓɓel hakke yeeso maako.