Aafisanko'en 4:10 - Fulfulde Nigeria

¹⁰ Kanko garɗo nder duuniyaaru ndu'u, kanko on woni ƴentuɗo ton dow to ɓuri koo toye ngam o hebbina koo ɗume.

Aafisanko'en 4:10 ပူးပေါင်းရင်းမြစ်များ

Ibraaniyanko'en 7:26

Iri o'o Mawɗo Mawɓe Ardiiɓe Diina haanani'en. O ceniiɗo, o walaa goɗɗum kalluɗum, o walaa hakke, o wurtinaama nder gaɗooɓe hakke o mawninaa dow koo ɗume ton dow.

Ibraaniyanko'en 4:14

Nde en ngoodi Mawɗo Mawɓe Ardiiɓe Diina jaaɗo dow haa yeeso Allah, waato Yeesu, Ɓiɗɗo Allah, en njogo ko kooliiɗen boɗɗum.

Koloosiyanko'en 2:9

Almasiihu e woodi fuu ngikku e bawɗe Allah nder ɓandu maako.

Koloosiyanko'en 1:19

Ngam Allah suɓii waɗa fuu ngikku muuɗum e bawɗe muuɗum nder Ɓiɗɗo muuɗum.

Maatiyu 24:34

E mi wi'a'on goonga, jaamanu ɗu'um ɗum re'ataa naa fuu fii ɗu'um waɗii.

1 Timooti 3:16

Walaa wongo seko, sirru diina meeɗen e mawni, wiiki: Almasiihu warii nder ɓandu neɗɗo, Ruuhu Allah hollii e mo waɗa ko Allah yiɗi, malaa'ika'en ngi'iimo, ɗum hokkii habaru maako nder lenyi, ɗum hoolakemo nder duuniyaaru, ɗum hocciimo yaaki dow nder mangu maako.

Aafisanko'en 3:19

Kadin e mi yiɗi andon yidde Almasiihu nde ɓurii sembe andal, ngam keɓon keewon ngikku Allah.

Kuuɗe Lilaaɓe 1:9

Gaɗa o wi'ii non, o hoccaa yaaki dow. E ɓe ndaaramo haa duule cuddimo.

Ibraaniyanko'en 8:1

Jooni fuu ko min mbi'ata kanjum woni, en ngoodi Mawɗo Mawɓe Ardiiɓe Diina. E mo jooɗii e jungo nyaamo jooɗorgal Joomu Mangu ton dow.

Kuuɗe Lilaaɓe 3:18

Non Allah hebbiniri ko annabo'en muuɗum fuu mbi'i ko neeɓi, ɓe mbi'ii Almasiihu torroto.

Kuuɗe Lilaaɓe 2:33

Allah mawniniimo, jooɗiniimo e jungo muuɗum nyaamo hokkimo Ruuhu muuɗum no o waɗunoo alkawal. Kanko boo o hokkiiminɗum. Kanjum woni ko ngi'oton e ko nanoton jooni.

Kuuɗe Lilaaɓe 1:11

Worɓe ɓen mbi'iɓe, “Onon yimɓe Galiili, ngam ɗume ndariiɗon ɗo'o on ndaara dow? Yeesu on ɗon koccaaɗo nder mooɗon yaaki dow, o so''oyto non no ngiiruɗon o hocciraama dow.”

Yahaya 19:36

Ɗu'um waɗu ngam ko aayaare wi'i heewa, “Walaa ƴiƴal maako geweteengal.”

Yahaya 19:28

Gaɗa maajum, Yeesu e andi koo ɗume yottinaama. Ngam ko aayaare wi'i heewa, o wi'i, “E mi nana ɗonka.”

Yahaya 19:24

Sooji'en ɓen mbi'i hakkunde maɓɓe, “To' en ceekunde, en ngaɗu caaca dow mayre ngi'en moye nyaamatande.” Ɗu'um waɗu ngam ko aayaare wi'i heewa: “Ɓe cendii kolte am hakkunde maɓɓe; ɓe ngaadii caaca e toggoore am.” Ɗu'um kanjum woni ko sooji'en ɓen ngaɗi.

Yahaya 1:16

Ngam yidde mawnde nde o yiɗi'en, o barkiɗinii'en en fuu, barka dow barka.

Luka 24:44

Nden o wi'iɓe, “Ɗu'um woni ko mbiinoomi'on carel ko ngondunoomi e mooɗon: Koo ɗume ko windaa nder Attawra, e Defte Annabo'en, e Jabuura dow am doole ɗum heewa.”

2 Korintiyanko'en 12:2

E mi andi goɗɗo tokkuɗo Almasiihu duuɓi sappo e nayi ƴaɓɓiiɗi o hoccaama yaaki dow tataɓum. Koo nder ɓandu o hoccaa, koo naa' nder ɓandu, mi andaa, Allah tan andi.