Aafisanko'en 4:1 - Fulfulde Nigeria

¹ Ngam non, e mi toroo'on, min curaaɗo ngam huwanki Joomiraawo meeɗen, ngaɗee jonde pottudunde e ko Allah noddiri'on.

Aafisanko'en 4:1 ပူးပေါင်းရင်းမြစ်များ

Koloosiyanko'en 1:10

E min ngaɗana'on nde'e do'aare ngam mbaawon ngaɗon jonde haanunde tokkuɓe Joomiraawo ngaɗa, nden ngarton belnanooɓemo ɓernde koo ndeye, jonde mooɗon wurtina koo iri ɗeye kuuɗe boɗɗe, nden ɓeydon anduki Allah.

Filibiyanko'en 1:27

Ko ɓuri woni ngaɗee jonde pottudunde e Habaru Belɗum dow Almasiihu, ngam koo mi warii mi yi'i'on, koo mi walaa ɗon, mi nana habaru on ɗon ndarii boɗɗum nder nyumo go'o, ko ngiɗɗon go'o. On piida ngam suranki ko Habaru Belɗum wi'i,

1 Tasaloonikanko'en 2:12

Min mbagginii'on, min cembiɗinii'on, min mbi'ii'on doole ngaɗon jonde belnanaynde Allah ɓernde nodduɗo'on nder Laamu maako e teddungal maako.

2 Biiturus 1:3

Allah nder bawɗe muuɗum hokkii'en fuu ko haani ngam waɗuki jonde kulol maako. O hokkii'enɗum ngam en andi Yeesu Almasiihu nodduɗo'en barka teddungal maako e ngikku maako boɗɗum.

2 Timooti 1:9

Kanko hisni'en, noddi'en ngam ngarten yimɓe maako kuwen kuugal maako. O waɗu non naa' ngam goɗɗum boɗɗum ɗum ngaɗɗen, ammaa non o yiɗiri fii ɗum waɗoroo e yidde nde o holli'en nder Yeesu Almasiihu ko duuniyaaru tagee.

1 Korintiyanko'en 4:16

Ngam non, e mi toroo'on, ekkitee iri ngikku am.

2 Tasaloonikanko'en 1:11

Kanjum waɗi koo ndeye e min ngaɗana'on do'aare. E min toroo Allah meeɗen wartira'on yimɓe gaɗooɓe iri jonde nde o noddi'on ngaɗon. Barka bawɗe maako o hebbina koo ɗume boɗɗum ɗum ngiɗɗon waɗuki ngam on koolake Yeesu.

Aafisanko'en 4:17

E mi wi'a'on ɗu'um, e mi ɓeyda wagginki'on nder inde Joomiraawo, alee jonde iri nde heeferɓe ɓe nyumooji meere.

Roomanko'en 12:1

Ngam maajum bandiraaɓe am, ngam yurmeende mawnde nde Allah holli'en, e mi toroo'on, kokkee Allah ko'e mooɗon bo cakkiri ciryaandi ngam kuugal maako, mbelnanayndimo ɓernde. Non woni no haani mawniniron Allah.

Koloosiyanko'en 2:6

Nde on njaɓii Yeesu Almasiihu o Joomiraawo, ngaɗee ka sumpootirki e maako.

1 Biiturus 3:9

To' on ngaato halleende e halleende, koo huɗuki e huɗuki, ammaa ngaatoree barkiɗinki, ngam Allah noddii'on ngaɗon non ngam o barkiɗina'on.

2 Korintiyanko'en 6:1

Minon, min kuudooɓe e Allah. Ngam maajum e min toroo'on to' on alu caahu Allah ɗum keɓuɗon warta meere.

2 Yahaya 1:5

Jooni e mi toroo'on, en ngiɗindir. Ɗu'um naa' ɗum dooka kesum mbindanmi'on, ammaa ɗum dooka ɗum ngoodunooɗen daga arande.

1 Biiturus 5:10

Nden gaɗa on njarii torra carel seɗɗa, Allah gooduɗo yidde fuu, nodduɗo'on ngam keɓon geɗal nder teddungal maako tabotoongal barka Almasiihu, kanko e hoore maako o wartiray'on keewuɓe, o joɗɗina'on, o sembiɗina'on bo tafaare.

1 Biiturus 2:11

Onon ɓe ngiɗumi, on hoɓɓe nder duuniyaaru ndu'u, onon naa' ɗum ɓe ɗo'o. Ngam non e mi toroo'on, cendiree e suunooji ɓandu giɗɗi halkuki'on.

Ibraaniyanko'en 13:21

o waɗa'on mbaawon waɗuki koo ngale kuugal bongal ngal o yiɗi ngaɗon. O wartira'on ko welnantamo ɓernde barka Yeesu Almasiihu. Mangu tabbita to Yeesu haa abadaa abadin. Aamin.

Filibiyanko'en 3:14

E mi nyamra yeeso ngam mi heɓa jaalorgal mi hokkee dokkal, waato noddol yaaki dow ngol Allah noddiyam barka Yeesu Almasiihu.

Aafisanko'en 5:2

Ngaɗee jonde yidde, non no Almasiihu yiɗiri'en hokki yonki muuɗum ngam meeɗen. O wartii cakkiri ndi Allah nani belɗum mayri bo urde welnde.

Aafisanko'en 4:4

En ngartii bo ɓandu go'o, en ngoodi Ruuhu go'o, non maa en ngoodi kammunde wo'oyre nde Allah noddiri'en.

Aafisanko'en 3:1

Kanjum waɗi min, Bulus, ɗum maɓɓiyam nder suudu cural ngam e mi wa'ajina habaru Yeesu Almasiihu to onon yimɓe naa' Yahuudanko'en.

Galaatiyanko'en 4:12

Onon bandiraaɓe am, e mi toroo'on, ngartee bo am, ngam min maa mi wartii bo mooɗon. On ngaɗanaayiyam goɗɗum ko wooɗaa.

Ibraaniyanko'en 3:1

Ngam non, bandiraaɓe am tokkuɓe Yeesu ɓe Allah noddi, nyumee dow Yeesu, lilaaɗo, Mawɗo Mawɓe Ardiiɓe Diina mo mbi'eten yimɓe en tokka.

2 Korintiyanko'en 10:1

E mi toroo'on nder lestinki hoore e munyal Almasiihu, min Bulus noddeteeɗo “lestinɗo hoore” to e mi wondi e mooɗon, ammaa to mi wondaa e mooɗon e mi noddee “metanoowo'on e sembe.”

Tiitus 2:10

to' ɓe ngujjanaɓe. Ammaa koo ndeye ɓe kolla ɓe gaɗooɓe boɗɗum e ɓe ngaɗa ko haani ɓe ngaɗa, ngam nder koo ɗume ɗum ɓe ngaɗata ɓe mawnina ekkitinol Allah Kisnoowo meeɗen.

Koloosiyanko'en 4:12

Abaafaras e howna'on, kanko maa e mo nder kawtal mooɗon, o maccuɗo Yeesu Almasiihu. Koo ndeye e mo toroo Allah sembiɗina'on, ngarton tokkuɓe Yeesu keewuɓe, gaɗooɓe ko Allah yiɗi ɓe ngalaa seko.

2 Korintiyanko'en 5:20

Ngam non, min metooɓe ko Almasiihu wi'imin, bo Allah torotoo'on laawol amin. E min toroo'on ngam Almasiihu, ciryootiree e Allah.

Kuuɗe Lilaaɓe 9:31

Gaɗa maajum kawtal tokkuɓe Yeesu nder leyɗe Yahuudiya e Galiili e Samaariya fuu keɓi jonde jam. Ruuhu Allah walliɓe, ɓe cembiɗi, ɓe ɓeydi kulol Joomiraawo, ɓe ɗuuɗi.

Roomanko'en 11:29

Ngam Allah waylitataa ɓernde muuɗum dow mo o suɓi e mo o barkiɗini.

Aafisanko'en 2:10

Allah wartirii'en ko ngonɗen jooni, barka Yeesu Almasiihu o tagitake'en ngam kuwen kuuɗe boɗɗe ɗe o yiɗi ngaɗen daga arande.