Aafisanko'en 3:8 - Fulfulde Nigeria

⁸ Koo nde mi pamaro nder yimɓe Allah fuu, Allah suɓiiyam mi wa'ajinana yimɓe naa' Yahuudanko'en dow barka ɗum limataako keɓeteeɗum to Almasiihu.

Aafisanko'en 3:8 ပူးပေါင်းရင်းမြစ်များ

Koloosiyanko'en 1:27

Allah suɓii andinaɓe barka mawɗum gonɗum nder sirru ɗu'um ɗum o siryanii yimɓe naa' Yahuudanko'en. Sirru ɗum woni Almasiihu e jooɗoo nder ɓerɗe mooɗon, non waɗay tabbitinon on njooɗodoto e maako nder teddungal maako.

1 Korintiyanko'en 15:9

Ngam min woni ɓurɗo famɗuki nder lilaaɓe maako. Mi hewtaayi maa mi noddee lilaaɗo maako, ngam mi torrii kawtal yimɓe Allah.

Aafisanko'en 3:16

E mi toroomo daga nder risku mangu maako o sembiɗina'on, o hokka'on bawɗe laawol Ruuhu maako ngarton cembiɗɓe nder ɓerɗe mooɗon,

Aafisanko'en 2:7

Allah waɗii ɗu'um ngam e jaamanuuji garayɗi o holla yidde maako nde walaa keerol ngam ko Yeesu Almasiihu waɗi.

1 Timooti 2:7

Ngam maajum ɗum suɓiiyam mi warta ga'ajinoowo e lilaaɗo e ekkitinoowo yimɓe naa' Yahuudanko'en dow hoolaaki goongahi. Goonga mbi'aymi, naa' mi feway!

1 Timooti 1:13

Koo nde ndenno mi metii haalaaji kalluɗi dow maako, mi torrii tokkuɓemo, mi huɗiimo, ammaa Allah yurminaniiyam, ngam e carel ngel, mi andaa ko ngaɗaymi, mi hoolaaki Yeesu Almasiihu.

Galaatiyanko'en 1:16

wanginankiyam Ɓiɗɗo maako, ngam mi wa'ajinamo nder yimɓe naa' Yahuudanko'en. Nde non waɗi, mi yahaayi to goɗɗo ngam hokkayam caawori,

Roomanko'en 11:33

Goonga, yidde Allah, e faamu maako, e andal maako e ɗum luggi. Walaa baawayɗo anda ko o suɓi waɗuki. Ko o waɗata ɓurii sembe faamu neɗɗo.

Roomanko'en 2:4

Koo an a yawana yidde Allah mawnde, e ciya yaawuki monnere maako, e munyal maako? A andaa yidde Allah e fooɗumaa tuubaa?

2 Timooti 1:11

Ngam hokkuki Habaru Belɗum ɗu'um, Allah wartiriyam ga'ajinoowo e lilaaɗo e ekkitinoowo.

Aafisanko'en 3:19

Kadin e mi yiɗi andon yidde Almasiihu nde ɓurii sembe andal, ngam keɓon keewon ngikku Allah.

1 Korintiyanko'en 2:9

Ammaa non no ɗum windiraa, “Ko hitere meeɗaayi yiiki, ko nowru meeɗaayi nanki, ko neɗɗo meeɗaayi nyumuki, kanjum Allah siryanii yiɗuɓemo.”

Roomanko'en 12:10

Njogootiree, ngiɗindiree bo bandiraaɓe, kokkee yimɓe mangu bo ɓe ɓurii'on.

Kuuɗe Lilaaɓe 5:41

Lilaaɓe ɓen mburtoyii nder Kawtal Mawɓe e welwelo ngam Allah mawniniiɓe haa ɓe kewtii semtineeki ngam Yeesu.

Wahayu Yahaya 3:18

Ngam non e mi hokka'on caawori. Coodee jiinaari to am ɗum um seɗiri hiite ngam ndiskon, e kolte daneeje ngam cuddon ɓalli mooɗon to' cemton, e nebbam ngam moytanon gite keɓon ngi'on.

1 Timooti 1:15

Yeesu Almasiihu warii nder duuniyaaru ngam hisna gaɗooɓe hakke. Haala ka'a ka tabbutuka ka hewtii ɗum jaɓaka. Min boo, mi ɓurii koo moye waɗuki hakke.

Kuuɗe Lilaaɓe 9:15

Ammaa Joomiraawo wi'imo, “Yahu ngaɗaa ko mbiimaami, ngam mi suɓiimo o huwanayam, o andina inde am yeeso yimɓe naa' Yahuudanko'en e laamiiɓe maɓɓe, e Israa'iilanko'en.

Filibiyanko'en 4:19

Allah am hokkay'on koo ɗume ko ngiɗɗon daga nder risku maako ɗuɗɗum barka Yeesu Almasiihu.

Galaatiyanko'en 2:8

Ngam no Allah wartiri Biiturus lilaaɗo to Yahuudanko'en, non o wartiriyam lilaaɗo yaaki to yimɓe naa' Yahuudanko'en.

Filibiyanko'en 2:3

To' on ngaɗu koo ɗume nder yidde hoore koo nder mangu hoore, ammaa nder lesnuki hoore koo moye hocca bandiraawo muuɗum ɓuriimo.

Aafisanko'en 3:2

Goonga on nanii Allah hokkiiyam kuugal nga'al mi huwangal ngam ɓeydaari mooɗon.

1 Korintiyanko'en 1:30

O wartirii'on ɓe Yeesu Almasiihu. Allah wartiriimo faamu meeɗen. Laawol maako ɗum wartiri'en aadili'en, ceniiɓe, rimɗinaaɓe.

Yahaya 1:16

Ngam yidde mawnde nde o yiɗi'en, o barkiɗinii'en en fuu, barka dow barka.

Aafisanko'en 3:1

Kanjum waɗi min, Bulus, ɗum maɓɓiyam nder suudu cural ngam e mi wa'ajina habaru Yeesu Almasiihu to onon yimɓe naa' Yahuudanko'en.

Luka 14:22

Gaɗa maccuɗo on wartoyii wi'i joomu wuro muuɗum, ‘Ko mbiiɗaa ɗum waɗa waɗaama, ammaa fuu e non njayri e horii.’