Aafisanko'en 3:1 - Fulfulde Nigeria

¹ Kanjum waɗi min, Bulus, ɗum maɓɓiyam nder suudu cural ngam e mi wa'ajina habaru Yeesu Almasiihu to onon yimɓe naa' Yahuudanko'en.

Aafisanko'en 3:1 ပူးပေါင်းရင်းမြစ်များ

Koloosiyanko'en 1:24

Jooni e mi nana belɗum nder torraaji ɗi njaraymi ngam mooɗon. E mi yottina torra ka Yeesu siryaniiyam mi yara nder ɓandu ngam ɓeydaari ɓandu maako, waato tokkuɓemo.

Aafisanko'en 4:1

Ngam non, e mi toroo'on, min curaaɗo ngam huwanki Joomiraawo meeɗen, ngaɗee jonde pottudunde e ko Allah noddiri'on.

2 Timooti 1:8

Ngam maajum taa' semtu hokkuki yimɓe habaru Joomiraawo meeɗen, taa' boo semtam min maɓɓaaɗo ngam tokkuki Yeesu. Ammaa en njardu torra hokkuki habaru Yeesu nder bawɗe Allah.

Aafisanko'en 6:20

Ngam hokkuki Habaru ɗum ngartumi lilaaɗo Yeesu, koo nde jooni e mi nder suudu cural. Ngaɗee do'aare ngam mi waɗa ka hokkuki Habaru ɗum no haani kulol walaa.

Filimon 1:9

Ammaa ngam e mi yiɗumaa, mi ɓurii yiɗuki mi toromaa, min Bulus nayeejo, mo Yeesu lili, jooni boo e mi suraa ngam tokkuki Yeesu.

Filibiyanko'en 1:7

Ɗum wooɗaniiyam mi nyumira nihi dow mooɗon on fuu, ngam on nder ɓernde am. Koo nder suruki ki ɗum suriyam, koo nder suranki mangu Habaru Belɗum e tabbitinkiɗum, on fuu on keɓii barka Allah hawti e am.

Filimon 1:1

Ɗerewol ngo'ol ƴiwoyii daga jungo am, min Bulus, e bandiraawo meeɗen Timooti. Mi maɓɓaaɗo ngam wa'ajinki habaru Yeesu Almasiihu. E mi windanmaa, Filimon, an kuudoowo e amin, giɗaaɗo,

Kuuɗe Lilaaɓe 23:18

Sey ardiiɗo sooji'en on yaarimo to mawɗo on, o wi'imo, “Nangaaɗo bi'eteeɗo Bulus noddiyam, toriiyam mi wadda kayeejo o'o to maaɗa, ngam e woodi ko o wi'atama.”

Luka 21:12

Ammaa ko fii ɗu'um fuu waɗa, yimɓe nangay'on, torray'on, ɓe ngaɗay'on nder juuɗe mawɓe cuuɗi do'aare, ɓe ngaɗa'on nder cuuɗi cural, ɗum yaaray'on yeeso laamiiɓe e mawɓe leydi, ngam on tokkuɓeyam.

Filimon 1:23

Abaafaras mo min ngondi nder suudu cural ngam tokkuki Yeesu Almasiihu, e mo hownumaa.

Kuuɗe Lilaaɓe 26:29

Bulus wi'imo, “Koo nder carel seɗɗa, koo naa' nder carel seɗɗa, e mi toroo Allah ngam maaɗa an e nanɓeyam hande fuu ngarton ko ngartumi, ammaa naa' e ɗi'i ɓoggi njamndi.”

2 Timooti 1:16

Joomiraawo yurminana wuro Onesiforus ngam nde ɗuɗɗum e mo sembiɗinayam, o semtaayiyam nde ɗum maɓɓiyam nder suudu cural.

Koloosiyanko'en 4:18

Min Bulus windi kownol ngo'ol e jungo am. To' on ngejjutu e mi ɗon haɓɓiraa ɓoggi njamndi nder suudu cural. Allah barkiɗina'on.

Koloosiyanko'en 4:3

Non maa ngaɗaneemin do'aare ngam Allah maɓɓitanamin laawol min nga'ajina sirru maako, waato habaru Almasiihu. Dow maajum ɗum suriyam.

2 Korintiyanko'en 11:23

To ɓe kuwanooɓe Almasiihu, min mi ɓuriiɓe. E mi meta bo kaaŋaaɗo! Mi ɓuriiɓe huwuki naa' seɗɗa, mi ɓuriiɓe maɓɓeeki nder suudu cural, mi ɓuriiɓe fiyeeki, mi ɓadake mayde nde ɗuɗɗum.

2 Korintiyanko'en 10:1

E mi toroo'on nder lestinki hoore e munyal Almasiihu, min Bulus noddeteeɗo “lestinɗo hoore” to e mi wondi e mooɗon, ammaa to mi wondaa e mooɗon e mi noddee “metanoowo'on e sembe.”

Kuuɗe Lilaaɓe 21:33

Mawɗo on ɓattii Bulus wi'i o nangee o haɓɓiree ɓoggi njamndi ɗiɗi. Nden o ƴami Bulus kanko o moye, ɗume o waɗi?

Wahayu Yahaya 2:10

To' on kulu torra ka njaroton yeeso ɗo'o. Raɗɗum Ceyɗan siryake maɓɓa woɓɓe mooɗon nder suudu cural ngam ɗum foonda'on. On ngaɗay balɗe sappo on njara torra kalluka. Ammaa njogee ko kooliiɗon koo ɗum waray'on. Min boo mi hokkay'on yonki, kanki woni dokkal heɓuki jaalorgal mooɗon.

Aafisanko'en 3:13

Ngam non, e mi toroo'on, to' on ngewru dow torra ka njaraymi ngam mooɗon, ngam torra kan wartanay'on fii boɗɗum.

Galaatiyanko'en 5:11

Onon bandiraaɓe am, to haa jooni e mi wa'ajina wiiki doole yimɓe naadee, ngam ɗume haa jooni e ɗum torrayam? Daa e mi wa'ajina dow ɗum naada, daa wa'ajinki am dow mayde Almasiihu dow gaafaangal fooɗataa caɗɗum.

Galaatiyanko'en 5:2

Nanee ko mbi'aymi! Min Bulus, e mi wi'a'on, to on alii on naadaama, Almasiihu wartay walaa ko nafi to mooɗon won ɗon.

Kuuɗe Lilaaɓe 9:15

Ammaa Joomiraawo wi'imo, “Yahu ngaɗaa ko mbiimaami, ngam mi suɓiimo o huwanayam, o andina inde am yeeso yimɓe naa' Yahuudanko'en e laamiiɓe maɓɓe, e Israa'iilanko'en.

2 Korintiyanko'en 1:6

To min torraama, min torra ngam ɗum waltina ɓerɗe mooɗon nden ngam kisndam mooɗon. To boo Allah waltinii ɓerɗe amin, o waltinɗe ngam minon maa min mbaltina ɓerɗe mooɗon ngam keɓon sembe munyon nder torraaji ɗi njaroton iri ɗi min njarata.

Galaatiyanko'en 5:24

Yimɓe ɓe Yeesu Almasiihu jeyi, ɓe mbarii kuuɗe kalluɗe ɗe ɓandu e fuu suunooji mayru dow gaafaangal, waato ɓe cendirii e maajum.

Aafisanko'en 3:8

Koo nde mi pamaro nder yimɓe Allah fuu, Allah suɓiiyam mi wa'ajinana yimɓe naa' Yahuudanko'en dow barka ɗum limataako keɓeteeɗum to Almasiihu.

Aafisanko'en 3:11

Ɗu'um ɗum waɗaama non no Allah yiɗi waɗirkiɗum daga arande, o hebbiniiɗum barka ko Yeesu Almasiihu Joomiraawo meeɗen waɗi.