Aafisanko'en 2:8 - Fulfulde Nigeria

⁸ On kisii ngam yidde Allah barka hoolaaki Yeesu. Naa' on kisu ngam goɗɗum ɗum ngaɗɗon, ammaa ɗum caahu Allah,

Aafisanko'en 2:8 ပူးပေါင်းရင်းမြစ်များ

Aafisanko'en 2:5

Koo nde en nandi e mayɓe ngam hakke meeɗen, o hokkii'en yonki nder Almasiihu. Yidde maako waɗi kisuɗen.

Roomanko'en 4:16

Ngam non, yimɓe kooliiɓe Allah ngoni keɓooɓe ko o waɗi alkawal, ngam ɗum heɓa ko o waɗi alkawal caahu, nden fuu ɓiɓɓe ɓiɓɓeeji Ibraahim tabbitina heɓukiɗum, naa' tokkooɓe Attawra tan, ammaa haa e kooliiɓe Allah non no Ibraahim hooloriimo. Ngam Ibraahim woni nyaako meeɗen en fuu.

Roomanko'en 10:17

Ngam non, hoolaaki Allah e heɓee laawol nanki habaru Almasiihu, nden habaru Almasiihu e nanee laawol wa'ajinki dow maako.

Kuuɗe Lilaaɓe 16:31

Ɓe nootii ɓe mbi'i, “Hoola Yeesu Joomiraawo, an e wuro maaɗa fuu, on kisay.”

Yahaya 6:37

Koo moye mo Nyaako am hokkiyam waray to am, nden fuu garɗo to am mi riiwataamo.

Yahaya 5:24

“E mi wi'a'on goonga, koo moye nanɗo boliiɗe am hoolii on ɗon liloyɗoyam e woodi yonki ki re'ataa, o taƴantaake kiita, o yaadake o ƴaɓɓake mayde o heɓii yonki ki re'ataa.

Yahaya 4:10

Yeesu wi'imo, “Daa a andi caahu ɗum Allah yiɗi hokkukima, kadin daa a andi ƴamuɗoma ndiyam njareteeɗam, daa a torakemo, daa o hokkiima ndiyam kokkoojam yonki.”

Luka 7:50

Yeesu wi'i debbo on, “A hisii ngam a hoolakeyam, yahu jam.”

Markus 16:16

Koo moye kooliiɗoyam waɗanaa baptisma o hisay, ammaa fuu mo hoolaakiyam ɗum taƴanaymo kiita.

Yahaya 3:36

Koo moye kooliiɗo Ɓiɗɗo on e woodi yonki ki re'ataa. Ammaa koo moye mo tokkaayi ko Ɓiɗɗo on wi'i, o heɓataa yonki ki re'ataa, ammaa monnere Allah e dow maako haa abadaa.”

Roomanko'en 4:5

Neɗɗo mo waɗaayi ɓernde muuɗum dow kuuɗe muuɗum, ammaa o waɗi ɓernde maako dow Allah gaɗoowo gaɗooɓe hakke ngarta aadili'en, ɗum nodday hoolaaki maako aadilaaku.

Aafisanko'en 2:10

Allah wartirii'en ko ngonɗen jooni, barka Yeesu Almasiihu o tagitake'en ngam kuwen kuuɗe boɗɗe ɗe o yiɗi ngaɗen daga arande.

Galaatiyanko'en 3:22

Ammaa aayaare wi'ii hakke haɓɓii koo moye gonɗo nder duuniyaaru, ngam ko Allah waɗi alkawal keɓeteeɗum to ɗum hoolake Yeesu Almasiihu, ɗum hokkayɗum kooliiɓemo.

Kuuɗe Lilaaɓe 13:39

Kooliiɗomo fuu, o rimɗinaymo daga hakke ɗum Attawra waawaayi rimɗinkiɗum.

Galaatiyanko'en 3:14

Yeesu Almasiihu rimɗinii'en, ngam barka maako yimɓe naa' Yahuudanko'en keɓa barka ɗum Allah waɗani Ibraahim alkawal. O waɗu non ngam barka hoolaakimo keɓen Ruuhu ɗum Allah waɗi alkawal hokkuki.

Yahaya 6:40

Ngam ko Nyaako am yiɗi woni koo moye daaruɗo Ɓiɗɗo on hooliimo heɓa yonki ki re'ataa, nden min boo mi umminaymo Nyalnde Jaango.”

Yahaya 6:35

Yeesu wi'iɓe, “Min woni nyamndu kokkayndu yonki. Fuu garɗo to am fuɗɗitataa nana weelo, fuu kooliiɗoyam fuɗɗitataa nana ɗonka.

Aafisanko'en 1:19

Ɗonmaa, e mi waɗa do'aare andon no bawɗe maako mawɗe kuwirta nder meeɗen, enen tokkuɓe Yeesu. Bawɗe ɗen ɗe go'o e bawɗe cembiɗɗe

Kuuɗe Lilaaɓe 14:27

Nde ɓe njottii, ɓe kawriti kawtal tokkuɓe Yeesu, ɓe ɗiiwitaniɓe ko Allah waɗi laawol maɓɓe, e no o maɓɓitirani leƴƴi ɗi naa' Yahuudanko'en dammugal hoolaaki Yeesu.

Yahaya 6:65

Sey o wi'iɓe, “Kanjum waɗi mbiimi'on walaa garayɗo to am sey to Nyaako Mo Dow jaɓii o wara.”

Koloosiyanko'en 2:12

Ngam carel ko ɗum waɗani'on baptisma, bo on uwida e Almasiihu, kadin bo on ummidinaama e maako daga mayde. Non waɗi ngam on koolake bawɗe Allah, umminɗomo daga mayde.

Yahaya 6:44

Walaa garayɗo to am sey to Nyaako am liloyɗoyam waddiimo, min boo mi umminaymo Nyalnde Jaango.

1 Biiturus 1:5

Onon bawɗe Allah e surana'on barka hoolaaki Yeesu, ngam keɓon kisndam ɗam o siryii wanginki nyalnde re'uki duuniyaaru.

Filibiyanko'en 1:29

O barkiɗinii'on. Barka ɗum woni naa' keɓon koolooɗon Almasiihu tan, ammaa haa keɓon njaron torra ngam maako.

Roomanko'en 10:14

Ammaa no ɗum waɗata yimɓe toroo mo ɓe koolaaki? Nden no waɗata ɓe kooloomo to ɓe meeɗaayi nanki habaru maako? Nden no waɗata ɓe nana habaru maako to naa' goɗɗo wa'ajinaniɓe?

Maatiyu 16:17

Yeesu nootii wi'imo, “A barkiɗinaaɗo, Siiman ɓii Inuusa, ngam naa' ɗum neɗɗo wi'imaaka, sey ni Nyaako am Mo Dow.

Kuuɗe Lilaaɓe 16:14

Nder maɓɓe e woodi goɗɗo debbo bi'eteeɗo Liidiya, ƴiwoyɗo gariiri Tayaatira kuloowo Allah. E mo soora kolte boɗeeje ɗe ceede. Joomiraawo maɓɓiti ɓernde maako o hettindanii ko Bulus wi'ata.

2 Tasaloonikanko'en 1:9

Ɓe njaray torra halkere nde haa abadaa, ɗum ittayɓe daga yeeso Joomiraawo e yeeso mangu bawɗe maako.

Kuuɗe Lilaaɓe 15:11

Aa'a! Non no tokkirɗen Yeesu Joomiraawo keɓɗen kisndam barka yidde maako, non kamɓe maa ɓe kisrata.”

Roomanko'en 9:16

Ngam non, Allah e suɓa neɗɗo naa' ngam neɗɗo e yiɗi Allah suɓamo koo ngam tiinaare maako, ammaa ɗum yurmeende Allah tan.

Ibraaniyanko'en 6:4

Ngam ɗum waɗataako aluɓe jayngol Allah co''ee tuuba kadin, meemuɓe dokkal maako, keɓuɓe Ruuhu maako.

Maatiyu 20:9

Nde koccaaɓe faro njamndi jowi alaasara ngari, koo moye hokkaa yamnde ajurfaari go'o.