Aafisanko'en 2:3 - Fulfulde Nigeria

³ Goonga, non ngikku meeɗen wa'unoo: en ngaɗa ko ngiɗɗen, en tokka ko ɓalli meeɗen e ɓerɗe meeɗen ngiɗi. En danyiraama ngikku kalluɗum bo horiiɓe nder duuniyaaru, monnere Allah boo e dow meeɗen.

Aafisanko'en 2:3 ပူးပေါင်းရင်းမြစ်များ

Tiitus 3:3

Ngam enen maa ndenno en andaano ko ngaɗeten, en tokkataa ko ɗum wi'i'en, en majjinaama. Suuno duuniyaaru haɓɓii'en, en ngiɗi koo iri ɗume fii kalluɗum. En ngaɗii jonde meeɗen nder halleende e lawliiru, yimɓe nganyii'en, enen maa en nganyiiɓe.

1 Biiturus 1:14

Ngaɗee jonde bo ɓiɓɓe gaɗooɓe ko ɗum wi'iɓe. To' on tokkiran suuno mooɗon ngo ndenno, ngo ngoodunooɗon carel ko on andaa koo ɗume.

Aafisanko'en 4:22

Alee ngikku ɗum wooɗaa ɗum ngaɗaynooɗon ndenno, ɗum suuno duuniyaaru wonni, majjini.

Roomanko'en 13:14

Ammaa, ngikku mooɗon warta iri ngikku Yeesu Almasiihu Joomiraawo, nden to' on ngaɗu hakkiilo mooɗon dow no mbelnanton suunooji ɓalli mooɗon.

Roomanko'en 6:12

Ngam non, to' on alu hakke laamoo dow ɓalli mooɗon maayayɗi haa tokkon ko suuno ɓalli mooɗon ngiɗi.

1 Yahaya 2:16

Ngam koo ɗume ko woni nder duuniyaaru, bo suuno ɓandu, e suuno gite, e mawninki hoore ngam jawdi, naa' daga to Allah ɗum ƴiwoyi. Daga to duuniyaaru ɗum ƴiwoyi.

Aafisanko'en 2:2

E carel ngel on tokka ɗate duuniyaaru kalluɗe; on tokka Ceyɗan laamiiɗo ginni. Kanko woni tokkinoowo ɓerɗe ganyuɓe tokka ko Allah wi'i.

Yahaya 8:44

Onon on ɓiɓɓe nyaako mooɗon Ceyɗan, ko ngiɗɗon woni ngaɗon ko nyaako mooɗon yiɗi. Daga arande o gaɗoowo warhoore. Walaa ko wannimo e goonga, ngam o walaa goonga. To o fewii, ɗum ngikku maako, ngam o pewoowo, nyaako fewre.

2 Korintiyanko'en 7:1

Too, bandiraaɓe am ɓe ngiɗumi, nde en ngaɗanaama alkawal dow fuu ɗu'um, en laaɓin ko'e meeɗen daga koo ɗume gaɗoojum ɓalli meeɗen e ɓerɗe meeɗen ngarta ko laaɓaa yeeso Allah. En ngartu ɓe senaaki keewuki, kulooɓe Allah.

1 Korintiyanko'en 4:7

Moye wartirmaa mawɗo dow horiiɓe? Koo ɗume ɗum ngooduɗaa naa' Allah hokkumaaɗum? To ɗum non, ngam ɗume a fiya gabaare maaɗa bo ko ngooduɗaa naa' caahu keɓuɗaaɗum?

Roomanko'en 7:18

E mi andi walaa goɗɗum boɗɗum nder am, waato nder ngikku am ɗum hakke. E mi yiɗi waɗuki fii boɗɗum, ammaa mi waawataa waɗukiɗum.

Markus 4:19

ammaa wannuki e fii duuniyaaru, e yidde jawdi, e suuno feere‑feere natti ɓerɗe maɓɓe ɓiɗɗi wolde nden kaɗinde wallukiɓe ɓe ngaɗa ko Allah yiɗi.

Roomanko'en 11:30

Ndenno onon yimɓe naa' Yahuudanko'en, on nganyiino Allah, ammaa jooni o yurminanii'on ngam Yahuudanko'en nganyii ngaɗa ko o wi'i.

Roomanko'en 9:22

Non kuuɗe Allah mba'i. O yiɗiino o holla monnere maako, nden o wangina bawɗe maako dow kaanuɓe o monnanaɓe, kewtuɓe kalkee, ammaa o munyaniiɓe munyal mangal.

Yahaya 1:13

Ɓe ngartaayi ɓiɓɓe Allah ngam ɓe ndanyaama no ɗum danyirta yimɓe, koo ngam yimɓe ngiɗi non waɗa. Allah e hoore muuɗum wartiriɓe ɓiɓɓe maako.

2 Biiturus 2:18

ngam e ɓe mawnina ko'e maɓɓe e metemeteeji meereeji. E ɓe kuutira suuno ɓalli ngam ɓe pooɗoya hakkiilo yimɓe soɓtiiɓe ko neeɓaayi daga nder yimɓe jooɗiiɓe nder hakke.

2 Biiturus 2:14

Koo ndeye ɗaɓɓutuki rewɓe woni nyumo maɓɓe. Ɓe comataa waɗuki hakke. E ɓe majjina ɓe cembiɗaa nder tokkuki Yeesu. Ɓe ekkitini ɓerɗe maɓɓe yidde ceede. Allah boo laaniiɓe.

1 Timooti 6:9

Ammaa giɗɓe riskuki, saɗaa ɓe ngaɗa ko halli, ɓe njana nder tarkowol suuno fuu fii meerejum. Suuno ngon fooɗanayɓe torra ɓe lalla ɓe kalka.

Galaatiyanko'en 3:22

Ammaa aayaare wi'ii hakke haɓɓii koo moye gonɗo nder duuniyaaru, ngam ko Allah waɗi alkawal keɓeteeɗum to ɗum hoolake Yeesu Almasiihu, ɗum hokkayɗum kooliiɓemo.

Roomanko'en 1:24

Ngam non, Allah aliiɓe ɓe tokka suunooji ɓerɗe maɓɓe nefniiɗi ngam ɓe ngaɗindira ko semtinii e ɓalli maɓɓe.

1 Yahaya 2:8

Fuu e non, e mi windana'on dooka kesum, jonde Almasiihu e jonde mooɗon hollii ɗum goonga, ngam nyiwre e dilla, jayngol goongawol yaadake yeynake.

Kuuɗe Lilaaɓe 14:16

Nder jaamanuuji ƴaɓɓiiɗi Allah alii leƴƴi duuniyaaru fuu tokka ɗate ɗe ngiɗi.

Roomanko'en 2:14

To yimɓe naa' Yahuudanko'en ɓe ngalaa Attawra ngaɗii ko Attawra wi'i nder yidde ko'e maɓɓe, ɓe kollii e ɓe andi ko haani ɗum waɗa, koo nde ɓe ngalaa Attawra.

Roomanko'en 5:9

Nde jooni en ngartii aadili'en barka ƴiiƴam Almasiihu, fii ɓurɗum tabbutuki woni o hisnay'en daga monnere Allah garaynde.

Roomanko'en 5:10

Ndenno en wanywanyɓe Allah, ammaa ɗum siryootirii'en e maako barka mayde ɓiɗɗo maako. Jooni nde en ciryootirii e Allah, en ɓuray tabbitinki Almasiihu hisnay'en ngam e mo foofa.

Koloosiyanko'en 1:21

Ndenno on ngoɗɗitake Allah, on wanywanyɓe maako ngam ɓerɗe mooɗon nganyiimo nden ngam on kuwa kuuɗe kalluɗe.

1 Tasaloonikanko'en 4:13

Bandiraaɓe, e min ngiɗi andon goonga dow ɓen ɗon tokkuɓe Yeesu mayɓe ngam to' ngaɗon ka wannuki bo yimɓe horiiɓe ɓe ngalaa kammunde.

1 Tasaloonikanko'en 5:6

Ngam non, to' en ɗaano no woɓɓe ngaɗata, ammaa en njooɗo en ciryii, en curi ko'e meeɗen.