Aafisanko'en 2:2 - Fulfulde Nigeria

² E carel ngel on tokka ɗate duuniyaaru kalluɗe; on tokka Ceyɗan laamiiɗo ginni. Kanko woni tokkinoowo ɓerɗe ganyuɓe tokka ko Allah wi'i.

Aafisanko'en 2:2 ပူးပေါင်းရင်းမြစ်များ

Aafisanko'en 6:12

Ngam naa' yimɓe kondeten, ammaa en konda e ginni gonɗi dow, laamotooɗi, e gooduɗi bawɗe, e jogiiɗi laamu duuniyaaru ndu'u ndu jaamanu nyiwre.

1 Yahaya 5:19

En andi enen ɗum ɓe Allah, koo nde duuniyaaru fuu e ley laamu Ceyɗan.

Aafisanko'en 2:3

Goonga, non ngikku meeɗen wa'unoo: en ngaɗa ko ngiɗɗen, en tokka ko ɓalli meeɗen e ɓerɗe meeɗen ngiɗi. En danyiraama ngikku kalluɗum bo horiiɓe nder duuniyaaru, monnere Allah boo e dow meeɗen.

Yahaya 12:31

Jooni woni carel ngel ɗum waɗanta yimɓe duuniyaaru ndu'u kiita. Jooni ɗum riiway laamiiɗo duuniyaaru ndu'u.

Aafisanko'en 5:6

To' goɗɗo ƴoyra'on e boliiɗe meere, ngam iri kuuɗe ɗe'e waɗii monnere Allah waroyta dow yimɓe ganyuɓe ngaɗa ko o wi'i.

Yahaya 8:44

Onon on ɓiɓɓe nyaako mooɗon Ceyɗan, ko ngiɗɗon woni ngaɗon ko nyaako mooɗon yiɗi. Daga arande o gaɗoowo warhoore. Walaa ko wannimo e goonga, ngam o walaa goonga. To o fewii, ɗum ngikku maako, ngam o pewoowo, nyaako fewre.

Aafisanko'en 4:22

Alee ngikku ɗum wooɗaa ɗum ngaɗaynooɗon ndenno, ɗum suuno duuniyaaru wonni, majjini.

1 Korintiyanko'en 6:11

Ndenno non woɓɓe mooɗon mba'i. Ammaa jooni ɗum lootii hakke mooɗon, on ngartiraama yimɓe Allah, on ngartiraama aadili'en barka Yeesu Almasiihu Joomiraawo meeɗen e Ruuhu Allah.

2 Korintiyanko'en 4:4

Ceyɗan laamiiɗo duuniyaaru ndu'u wumnii ɓerɗe yimɓe ɓe koolaaki Yeesu, ngam to' ɓe ngi'a jayngol Habaru Belɗum ɗum teddungal Almasiihu nanduɗo e Allah.

1 Yahaya 5:4

Ngam fuu ɓiɗɗo Allah waaway heɓuki jaalorgal dow duuniyaaru. Hoolaare meeɗen dow Almasiihu, kayre waɗi keɓuɗen jaalorgal dow duuniyaaru.

1 Yahaya 3:10

Raa no ɗum feerootirta ɓiɓɓe Allah e ɓiɓɓe Ceyɗan. Fuu mo waɗataa ko wooɗi koo yiɗaa bandiraaɓe muuɗum, kanko naa' o ɓiɗɗo Allah.

1 Biiturus 1:14

Ngaɗee jonde bo ɓiɓɓe gaɗooɓe ko ɗum wi'iɓe. To' on tokkiran suuno mooɗon ngo ndenno, ngo ngoodunooɗon carel ko on andaa koo ɗume.

Wahayu Yahaya 20:2

Sey o nangi mbooga ngan, waato mbooga ngan ɗon nga daga ndenno bi'eteenga Ganyo koo Ceyɗan, o haɓɓiringa ɓoggol ngol haa duuɓi 1,000.

1 Yahaya 4:4

Onon ɓiɓɓe am, onon ɗum ɓe Allah, nden on keɓii jaalorgal dow annabo'en fewre ɓen ɗon. Ngam bawɗe Ruuhu Allah gonɗum nder mooɗon ɓurii bawɗe Ceyɗan laamotooɗo yimɓe duuniyaaru sembe.

1 Biiturus 4:3

Jonde nde ngaɗɗon ndenno iri nde yimɓe ɓe andaa Allah ngiɗi, nde heƴii non. Ndenno on ngaɗi ka halleende, e suunooji kalluɗi, e yareyareeji pooɗooji jonde meere, e mawninki gunkiiji fii koo wooɗaa.

Koloosiyanko'en 1:21

Ndenno on ngoɗɗitake Allah, on wanywanyɓe maako ngam ɓerɗe mooɗon nganyiimo nden ngam on kuwa kuuɗe kalluɗe.

Galaatiyanko'en 1:4

Yeesu hokkii hoore muuɗum ngam hakke meeɗen ngam o hisna'en daga jaamanu kalluɗum ɗu'um. Non ɗum cuɓol Allah Nyaako meeɗen Mo Dow.

Roomanko'en 12:2

To' on njaɓu nyumo mooɗon warta iri ngo yimɓe ɓe tokkaayi Yeesu, ammaa alee Allah mo''ina jonde mooɗon e nyumol mooɗon, ngam paamon ko o yiɗi ngaɗon, waato ko wooɗi, e ko welnantamo ɓernde, e no njooɗortooɗon jonde kewnde.

Yaakubu 4:4

On nyaamooɓe amaana! On andaa waaduki higaaku e duuniyaaru ɗum wanyuki Allah? Ngam non, fuu cuɓuɗo waada higaaku e duuniyaaru, o wartirii hoore maako ganyo Allah.

1 Korintiyanko'en 5:10

Naa' e mi meta dow yimɓe ɓe duuniyaaru ndu'u gaɗooɓe njeenu, koo gooduɓe suuno ceede, koo wuyɓe, koo mawninooɓe gunkiiji. Ngam to ni mi wi'ii'on, to' kawton ko'e e iri yimɓe ɓe'e, too, sey ni alon duuniyaaru.

Kuuɗe Lilaaɓe 5:3

Biiturus wi'imo, “Hanaaniya, ngam ɗume aluɗaa Ceyɗan natti ɓernde maaɗa haa pewanɗaa Ruuhu Allah, cuuɗuɗaa goɗɗe ceede nder ceede ngesa kan?

Yahaya 15:19

Daa duuniyaaru ndu'u jeyi'on, daa ndu yiɗay'on no ndu yiɗiri ɓe mayru. Ammaa mi suɓii'on daga nder duuniyaaru, ngam onon naa' ɗum ɓe duuniyaaru. Kanjum waɗi yimɓe mayru nganyi'on.

Yahaya 14:30

Mi neeɓataa e mi medda e mooɗon, ngam laamiiɗo duuniyaaru ndu'u e wara. O walaa bawɗe dow am.

2 Biiturus 2:14

Koo ndeye ɗaɓɓutuki rewɓe woni nyumo maɓɓe. Ɓe comataa waɗuki hakke. E ɓe majjina ɓe cembiɗaa nder tokkuki Yeesu. Ɓe ekkitini ɓerɗe maɓɓe yidde ceede. Allah boo laaniiɓe.

Yahaya 16:11

Ɓe paamaayi ko woni kiita Allah, ngam laamiiɗo duuniyaaru ndu'u yaadake taƴanaama kiita.

Yahaya 13:27

Gaɗa Yahuuda jaɓii ŋoccitel ngel, Ceyɗan natti ɓernde maako. Yeesu wi'imo, “Yawnu ngaɗaa ko ngiɗɗaa waɗuki.”

Yahaya 13:2

Yeesu e tokkuɓemo e ɓe kirtoo. Ceyɗan yaadake waɗii nyumo hokkitirki Yeesu nder ɓernde Yahuuda Iskariyooti ɓiɗɗo Siiman.

Yahaya 8:23

Ammaa Yeesu wi'iɓe, “Onon daga duuniyaaru ndu'u ƴiwoyɗon, min boo daga dow ƴiwoymi. Onon duuniyaaru jeyi'on, min naa' duuniyaaru jeyiyam.

Yahaya 7:7

Jooni duuniyaaru heɓaayi ko wanyirta'on, ammaa e ndu wanyiiyam ngam e mi wi'a kuuɗe mayru ɗe kalluɗe.

Maatiyu 13:38

Ngesa kan woni duuniyaaru. Nden awdi mbondi ndin woni ɓiɓɓe Laamu Allah. Geene ɗen ngoni ɓiɓɓe Ceyɗan.

Wahayu Yahaya 13:8

Fuu yimɓe jooɗiiɓe e duuniyaaru ɓe mawninayndi, sey ni ɓe ɗum windi inɗe maɓɓe ko duuniyaaru tagee nder deftere yonki nde Karoori baraandi.

1 Yahaya 3:8

Fuu gaɗɗo ka waɗuki hakke, Ceyɗan jeyimo, ngam daga arande Ceyɗan o gaɗoowo hakke. Ko waɗi Ɓiɗɗo Allah wari duuniyaaru woni ngam o halka kuuɗe Ceyɗan.

Yaakubu 1:7

Iri maako to' o kammoo o heɓay goɗɗum to Joomiraawo.

2 Timooti 4:10

Dimas sendirii e am ngam yidde fii duuniyaaru ndu'u, o dillii Tasaloonika. Kirijen boo dillii Galaatiya, Tiitus kadimaa dillii Dalmaatiya.

Kuuɗe Lilaaɓe 19:35

Ammaa nde bindoowo gariiri ndin de''itiniɓe, o wi'iɓe, “Onon Aafisanko'en, koo moye e andi ɗo'o Aafisa woni to ɗum reenata suudu mawninki Artemis mawɗo e hayre maako janoynde daga dow.

Luka 22:31

“Siiman, Siiman, raɗɗum Ceyɗan ƴamii laawol foonda'on, boo o hokkaama. E mo yiɗi o seɗa'on no ɗum seɗirta alkamaari e nyaande.

Luka 16:8

Joomu wuro on mani paamanoowo jawdi mo walaa goonga on, ngam e mo woodi ƴoyre. Mi hokku'on misaalu ɗu'um ngam andon yimɓe ɓe tokkaayi Allah ɓurii yimɓe tokkuɓemo ƴoyre dow fii duuniyaaru.

Maatiyu 11:19

Ɓii Neɗɗo boo warii e nyaama e yara, sey ɓe mbi'i, ‘Raa o'o, o beelaaɗo o jaroowo, higo jaɓooɓe ceede leydi e gaɗooɓe hakke.’ Fuu e non, tokkuɓe laawol Allah fuu e ɓe kolla kangol woni goongawol.”

Wahayu Yahaya 16:17

Nden malaa'ikaajo njoweeɗiɗaɓo wayli ko woni nder tummude muuɗum e njayri dow. Sey wonde hononde cembinde wurtoyii daga jooɗorgal laamu nder wuro ceniingo ton dow e nde wi'a, “Ɗum heenyii!”

Wahayu Yahaya 13:14

Ndi majjini yimɓe wonɓe duuniyaaru e kayɗiniiɗum ɗum um alindi ndi waɗa e yeeso mardi arandeeri nawniraandi kaafahi ammaa e ndi woodi yonki. Nden ndi wi'iɓe ɓe ngaɗa ngunkiwa nandunga e mardi arandeeri ndin ngam hokkukindi mangu.

Wahayu Yahaya 12:9

Ɗum hubinoyinga nder duuniyaaru. Kanga woni mbooga nga daga ndenno bi'eteenga Gullotooɗo koo Ceyɗan, majjinoowo duuniyaaru. Ɗum hubininga nder duuniyaaru fuu e malaa'ika'en maako.

Maatiyu 13:22

Janundi nder gi'e woni misaalu nanɓe Wolde Allah, ammaa wannuki e fii duuniyaaru, e yidde jawdi, ɓiɗɗi wolde nden kaɗinde wallukiɓe ɓe ngaɗa ko Allah yiɗi.

Markus 4:19

ammaa wannuki e fii duuniyaaru, e yidde jawdi, e suuno feere‑feere natti ɓerɗe maɓɓe ɓiɗɗi wolde nden kaɗinde wallukiɓe ɓe ngaɗa ko Allah yiɗi.

Aafisanko'en 1:21

Ton Yeesu laamii dow koo moye laamiiɗo, e laamu, e bawɗe, e ardiiɗo, e koo iri ɗume laamu gonɗum dow e ley, naa' jooni tan, ammaa haa abadaa.

Aafisanko'en 2:11

Ngam maajum, ciftoree no mbaanooɗon. Onon naa' on Yahuudanko'en daga danyngol, kamɓe noddirooɓe ko'e maɓɓe “naadaaɓe,” e ɓe noddira'on “ɓe naadaaka.” Raa boo naaduki kin ɗum ki ɓandu tan, ki ɗum waarata juuɗe.

Aafisanko'en 2:13

Ammaa jooni onon goɗɗitiiɓe Allah ndenno, barka ƴiiƴam Yeesu Almasiihu on ngaddaama haade maako.

Aafisanko'en 4:17

E mi wi'a'on ɗu'um, e mi ɓeyda wagginki'on nder inde Joomiraawo, alee jonde iri nde heeferɓe ɓe nyumooji meere.

Aafisanko'en 5:8

Ngam ndenno nder nyiwre ngonɗon, ammaa jooni nde on ngartii yimɓe Joomiraawo, on nder jayngol. Ngam maajum sey ngaɗon jonde iri nde yimɓe gonɓe nder jayngol.

Yaakubu 1:27

Diina laaɓuka ka Allah Nyaako meeɗen Mo Dow yiɗi, kanka woni walluki maraaya'en e rewɓe ɓe worɓe mu''en maayi torrotooɓe, nden e suruki hoore daga hoccuki tuundi duuniyaaru.