Aafisanko'en 2:18 - Fulfulde Nigeria

¹⁸ Jooni, barka Almasiihu en fuu, Yahuudanko'en e naa' Yahuudanko'en, en mbaaway njahen to Nyaako meeɗen Mo Dow nder laawol go'o, waato Ruuhu Allah.

Aafisanko'en 2:18 ပူးပေါင်းရင်းမြစ်များ

Aafisanko'en 3:12

Barka Yeesu e hoolaaki ki kooliiɗenmo, jooni en mbaawi yaaki yeeso Allah kulol walaa, en tabbitina o jaɓay'en.

1 Korintiyanko'en 12:13

Yahuudanko'en, e leƴƴi feere, e maccuɓe, e naa' maccuɓe, en fuu en ngaɗanaama baptisma nder Ruuhu go'otum ngam ngarten bo ɓandu go'o, nden en fuu Allah hokkii'en Ruuhu ɗum.

Roomanko'en 5:2

Barka maako keɓuɗen laawol heɓuki ɗu'um caahu Allah ɗum gonɗen nder jooni. Ɗonmaa en mbelmbelta ngam en tabbitinii Allah hollay'en teddungal muuɗum.

Aafisanko'en 4:4

En ngartii bo ɓandu go'o, en ngoodi Ruuhu go'o, non maa en ngoodi kammunde wo'oyre nde Allah noddiri'en.

Yahaya 14:6

Yeesu wi'imo, “Min woni laawol, min woni goonga, min woni yonki. Walaa jahayɗo to Nyaako Mo Dow sey to tokkiiyam.”

Yahaya 10:9

Min woni dammugal. Fuu tokkirɗo to am natti hisay, o nattay, o wurtoo, o heɓa ko o marortoo.

Yahaya 10:7

Ngam non Yeesu fuɗɗiti wi'iɓe, “E mi wi'a'on goonga, min woni dammugal baali.

Koloosiyanko'en 1:12

on ngetta Nyaako Mo Dow nder belɗum ɓernde. Kanko woni gartirɗo'on kewtuɓe keɓa geɗal nder ko o resani yimɓe maako nder laamu maako ɗum jayngol.

Galaatiyanko'en 4:6

Ngam on ɓiɓɓe Allah, o liloyi Ruuhu Ɓiɗɗo maako nder ɓerɗe meeɗen, e ɗum nodda Allah e ɗum wi'a, “Nyaako am, Nyaako am.”

Roomanko'en 8:15

Ngam Allah hokkaayi'on Ruuhu gartirayɗum'on maccuɓe haa puɗɗiton ngaɗon jonde nder kulol, ammaa o hokku'on Ruuhu gartirayɗum'on ɓiɓɓe maako. Barka Ruuhu ɗum en mbaaway nodden Allah “Abba! Nyaako meeɗen!”

1 Biiturus 3:18

Ngam Almasiihu maayii nde go'o ngam ittuki hakkeeji meeɗen. Kanko o gooduɗo aadilaaku, ammaa o maayii ngam ɓe ngalaa aadilaaku ngam o yaara'en to Allah. Ɗum wariimo, ammaa Ruuhu Allah hokkiimo yonki.

Aafisanko'en 6:18

Koo ndeye ngaɗee ka waɗuki do'aare no Ruuhu Allah holliri'on nder koo ɗume ɗum ngaɗoton. Kadin ngaɗon ka toraaki Allah walla'on. Ngam fii ɗu'um, paamee, to' on njaɓu comon, koo ndeye ngaɗee ka waɗanki yimɓe Allah fuu do'aare.

1 Korintiyanko'en 8:6

Fuu e non, to meeɗen Allah o go'oto, Nyaako Mo Dow, taguɗo koo ɗume, nden en ngaɗa jonde ngam maako. Ɗonmaa e woodi Joomiraawo go'oto, waato Yeesu Almasiihu. Barka maako koo ɗume tagaa, nden barka maako keɓuɗen yonki.

Ibraaniyanko'en 7:19

Ngam Attawra waɗataa koo ɗume warta kewɗum. Ammaa jooni ɗum hokkii'en ko ɓuri wooɗuki ɗum ngaɗeten kammunde dow maajum. Laawol maajum ɓaddotooɗen haade Allah.

Aafisanko'en 3:14

Ngam maajum, e mi diccoo e mi toroo Nyaako Mo Dow.

Yahuuda 1:20

Ammaa onon ɓe ngiɗumi, cembiɗinee ko'e mooɗon dow hoolaare mooɗon ceniinde. Ngaɗee do'aare nder bawɗe Ruuhu Allah.

1 Biiturus 1:21

Barka maako kooliiɗon Allah, umminɗomo daga mayde, hokkimo mangu. Ngam non, e hoolaare mooɗon e kammunde mooɗon dow Allah ɗum woni.

1 Biiturus 1:17

On nodda Allah Nyaako Mo Dow nder do'aare mooɗon. Nde e mo waɗana koo moye kiita dow kuuɗe ɗe waɗi, o hollataa feerootirol, ngaɗee jonde mooɗon nde koɗaaku e duuniyaaru ndu'u nder kulol Allah.

Maatiyu 28:19

Ngam non, njahee ngartiron fuu lenyi duuniyaaru tokkuɓeyam, ngaɗanonɓe baptisma nder inde Allah Nyaako Mo Dow, e Ɓiɗɗo, e Ruuhu Allah,

Yaakubu 3:9

E maagal mantirten Joomiraawo Nyaako meeɗen Mo Dow, nden e maagal kuɗirten yimɓe ɓe ɗum tagi nder nandi Allah.