Aafisanko'en 2:17 - Fulfulde Nigeria

¹⁷ Yeesu warii wa'ajinanii'on Habaru Belɗum ɗum jam, onon yimɓe naa' Yahuudanko'en goɗɗitiiɓe Allah e Yahuudanko'en gonɓe haade maako.

Aafisanko'en 2:17 ပူးပေါင်းရင်းမြစ်များ

Kuuɗe Lilaaɓe 10:36

On andi habaru ɗum Allah lildoyi Israa'iilanko'en. Kanjum woni ɓe nga'ajina Habaru Belɗum, ɗum jam keɓaaɗum barka Yeesu Almasiihu. Kanko woni Joomiraawo yimɓe fuu.

Kuuɗe Lilaaɓe 2:39

Ngam Allah waɗii alkawal muuɗum ngam mooɗon, e ɓiɓɓe mooɗon haa e yimɓe woɗɗuɓe, e koo moye mo Allah meeɗen noddi wara to muuɗum.”

Roomanko'en 5:1

Ngam non, nde Allah wartiri'en aadili'en ngam en koolake Yeesu Almasiihu, en ciryootirii e Allah barka Joomiraawo meeɗen Yeesu Almasiihu.

2 Korintiyanko'en 5:20

Ngam non, min metooɓe ko Almasiihu wi'imin, bo Allah torotoo'on laawol amin. E min toroo'on ngam Almasiihu, ciryootiree e Allah.

Luka 2:14

“En mawnin Allah Mo Dow, jam jooɗoo nder duuniyaaru e dow yimɓe ɓe o nanata belɗum maɓɓe.”

Maatiyu 10:13

To yimɓe wuro ngon njaɓɓake'on boɗɗum, alee barka mooɗon jooɗoo dow maɓɓe. Ammaa to ɓe njaɓɓaaki'on boɗɗum, alee barka mooɗon warta to mooɗon.

Roomanko'en 10:14

Ammaa no ɗum waɗata yimɓe toroo mo ɓe koolaaki? Nden no waɗata ɓe kooloomo to ɓe meeɗaayi nanki habaru maako? Nden no waɗata ɓe nana habaru maako to naa' goɗɗo wa'ajinaniɓe?

Aafisanko'en 4:21

Mi tabbitinii on nanii habaru Yeesu. Ɗum ekkitinii'on goonga ngonka nder maako.

Luka 15:8

“Misaalu, to debbo e woodi jamɗe sappo ɗe ajurfaari, go'o majjii, ay o waɗay hiite e fitilaaru, o wuuwa wuro ngon, o ɗaɓɓita e seese‑seese koo toye naa o heɓtii yamnde majjunde nden.