Aafisanko'en 2:16 - Fulfulde Nigeria

¹⁶ Barka mayde maako dow gaafaangal, o ittii nganyaandi ngondi hakkunde maaji. Mayde maako hawtii ko'e lenyi ɗin ngartii go'o. O so''iiɗi to Allah.

Aafisanko'en 2:16 ပူးပေါင်းရင်းမြစ်များ

Roomanko'en 5:10

Ndenno en wanywanyɓe Allah, ammaa ɗum siryootirii'en e maako barka mayde ɓiɗɗo maako. Jooni nde en ciryootirii e Allah, en ɓuray tabbitinki Almasiihu hisnay'en ngam e mo foofa.

Koloosiyanko'en 2:14

Allah woggii fuu ko wooɗaa ɗum ngaɗɗen bindaaɗum ɗum um nangiri'en. O ittiiɗum dow meeɗen nde Almasiihu fiyanaa kuusaaje dow gaafaangal.

Aafisanko'en 2:15

Mayde maako ittii sembe Attawra e dookaaji Yahuudanko'en, ngam nder lenyi ɗiɗi o wurtinana hoore maako lenyol go'o kesol. Nde o waɗi non o siryootirii lenyi ɗin.

Galaatiyanko'en 2:20

Min bo mi wardaama e Almasiihu dow gaafaangal. Jooni jonde nde ngaɗaymi naa' min e hoore am waɗatande, ammaa ɗum Almasiihu jooɗiiɗo nder am. Jooni jonde nde njooɗiimi nder ɓandu, e mi waɗande nder hoolaaki Ɓiɗɗo Allah, giɗɗoyam hokki yonki muuɗum ngam am.

Roomanko'en 8:3

Ko Attawra waawaayi waɗuki, ngam ngikku hakke ɗum neɗɗo woodi, Allah waɗiiɗum. Nde o lili ɓiɗɗo maako nder nandi ɓandu meeɗen ndu hakke ngam o warta cakkiri ngam hakke meeɗen, o sankitii laamu hakke nder ɓandu.

Roomanko'en 8:7

Ngam yowuki ɓernde dow ko ɓandu yiɗi ɗum wanyuki Allah, ɗum tokkataa ko dooka Allah wi'i, ɗum waawataa waɗukiɗum.

Roomanko'en 6:6

En andi ngikku meeɗen ɗum ndenno ɗum wardaama e Almasiihu dow gaafaangal, ngam ɓandu meeɗen ndu hakke halkee, ngam to' puɗɗiten ngarten maccuɓe hakke.

1 Korintiyanko'en 10:17

Nde buroodi ɗum ɗum go'otum, enen ɗuɗɓe en ngartii bo ɓandu go'o, ngam en fuu buroodi go'o nyaameten.

Aafisanko'en 3:6

Sirru ɗum woni barka Habaru Belɗum dow Yeesu Almasiihu yimɓe naa' Yahuudanko'en keɓay koo ɗume ko Allah hokkata Yahuudanko'en. Ɓe ngartii bo ɓandu go'o e Yahuudanko'en. Hawti e Yahuudanko'en ɓe keɓay ko Allah waɗi alkawal barka Yeesu Almasiihu.

Aafisanko'en 4:4

En ngartii bo ɓandu go'o, en ngoodi Ruuhu go'o, non maa en ngoodi kammunde wo'oyre nde Allah noddiri'en.

Koloosiyanko'en 3:15

Jam ƴiwoyɗum to Almasiihu walla'on cuɓon ko haani ngaɗon, nde Allah noddii'on ngam ngarton bo ɓandu go'o njooɗodooɗon jam. Ngartee gettooɓe Allah koo ndeye.