Aafisanko'en 2:12 - Fulfulde Nigeria

¹² Ciftoree e ngel ton carel on andaano Almasiihu, on ngalaa nder yimɓe ɓe Allah suɓi, on ngalaa nder alkawal ngal Allah waɗi, on ngalaa kammunde, on ngalaa Allah nder duuniyaaru.

Aafisanko'en 2:12 ပူးပေါင်းရင်းမြစ်များ

Galaatiyanko'en 4:8

Ndenno ko on andaa Allah, on maccuɓe tokkooɓe allaaji fewre.

Koloosiyanko'en 1:21

Ndenno on ngoɗɗitake Allah, on wanywanyɓe maako ngam ɓerɗe mooɗon nganyiimo nden ngam on kuwa kuuɗe kalluɗe.

1 Biiturus 1:3

Yettoore tabbita to Allah, Nyaako Joomiraawo meeɗen Yeesu Almasiihu. Ngam yurmeende maako mawnde o hokkii'en yonki kesum barka ummaaki Yeesu daga mayde. Ngam maajum en ngoodi kammunde tabbutunde,

1 Tasaloonikanko'en 4:13

Bandiraaɓe, e min ngiɗi andon goonga dow ɓen ɗon tokkuɓe Yeesu mayɓe ngam to' ngaɗon ka wannuki bo yimɓe horiiɓe ɓe ngalaa kammunde.

Aafisanko'en 4:18

Ɓerɗe maɓɓe e keewi nyiwre. Ɓe ngalaa nder keɓayɓe yonki ki Allah hokkata, ngam ɓe nganyii andal, e ɓe ngoodi ko'e caatuɗe.

1 Tasaloonikanko'en 4:5

naa' nder suuno ngo wooɗaa non no heeferɓe ɓe andaa Allah ngaɗata.

Yahaya 15:5

“Min woni layol inabohi, onon ngoni lice maagol. Koo moye jooɗiiɗo e jokkootiri e am, min maa e mi jokkootiri e maako, o wartay bo lisal dimayngal ɓikkoy ɗuɗkoy. Ngam to naa' on kawtu e am, on mbaawataa ngaɗon goɗɗum.

Ibraaniyanko'en 6:18

Fii ɗiɗum ɗu'um, waato alkawal ngal e hunayeere nden ɗum waylitataako haa abadaa, ngam ɗum waɗataako Allah fewa. Non e sembiɗina'en, enen dogguɓe njahi to maako, njogooɗen kammunde gonde yeeso meeɗen boɗɗum.

Roomanko'en 9:8

Ɗu'um hollii ɓiɓɓe danyaaɓe no ɗum danyiri koo moye naa' kamɓe ngoni ɓiɓɓe Allah. Ammaa ɓiɓɓe ɓe ɗum danyani Ibraahim ngam Allah waɗaniimo alkawal maɓɓe, kamɓe ngoni ɓiɓɓe maako ɓe goonga.

1 Biiturus 3:15

Ammaa mawninee Almasiihu nder ɓerɗe mooɗon ngam kanko woni Joomiraawo. Koo ndeye njooɗee on ciryii nootaaki koo moye ƴamuɗo'on dow waɗuki ɓernde ki ngaɗɗon dow Almasiihu. Ngaɗee non nder lesnuki hoore e mawninki.

Kuuɗe Lilaaɓe 28:20

Kanjum waɗi noddumi'on ngam mi yi'a'on, mi medda e mooɗon. Ngam kammunde Israa'iilanko'en kaɓɓiraami ɓoggi njamndi ɗi'i.”

Kuuɗe Lilaaɓe 3:25

Fuu annabaakuuji ɗi annabo'en ngaɗi ɗi ngaɗa ngam mooɗon. Onon ngoni ronooɓe alkawal ngal Allah waɗani maama'en meeɗen nde o wi'i Ibraahim, ‘Daga danyngol maaɗa mi barkiɗinay leƴƴi duuniyaaru fuu.’

1 Yahaya 3:3

Fuu gaɗuɗo ɓernde dow Almasiihu non, o laaɓina hoore maako no Almasiihu laaɓiri.

1 Biiturus 1:21

Barka maako kooliiɗon Allah, umminɗomo daga mayde, hokkimo mangu. Ngam non, e hoolaare mooɗon e kammunde mooɗon dow Allah ɗum woni.

Ibraaniyanko'en 11:34

Ɓe nyifii hiite kallunge, ɓe ndaɗii wardeeki e kaafaaje. Ɓe tampuɓe, ammaa ɓe ngartii cembiɗɓe. Ɓe ngartii wawɓe konu, ɓe ndiiwii sooji'en goɗɗe leyɗe.

1 Timooti 1:1

Ɗerewol ngo'ol ƴiwoyii daga jungo am, min Bulus. Allah Kisnoowo meeɗen e Yeesu Almasiihu mo ngaɗɗen ɓernde dow muuɗum wi'ii mi warta lilaaɗo maako.

2 Tasaloonikanko'en 2:16

Joomiraawo meeɗen Yeesu Almasiihu e hoore muuɗum, e Allah Nyaako meeɗen Mo Dow, giɗɗo'en cembiɗinɗo'en sembiɗinki ki re'ataa kokkuɗo'en kammunde bonde barka yidde maako,

Koloosiyanko'en 1:27

Allah suɓii andinaɓe barka mawɗum gonɗum nder sirru ɗu'um ɗum o siryanii yimɓe naa' Yahuudanko'en. Sirru ɗum woni Almasiihu e jooɗoo nder ɓerɗe mooɗon, non waɗay tabbitinon on njooɗodoto e maako nder teddungal maako.

Koloosiyanko'en 1:5

On ngaɗa non ngam on tabbitinii on keɓay mbarjaari ndi Allah resani'on ton dow. On nanii habaru ɗu'um fii ɗum kammiiɗon daga arande nder wolde goonga, waato Habaru Belɗum

Yahaya 10:16

E mi woodi goɗɗi baali ɗi ngalaa nder hoggo ngo'o. Doole mi waddaɗi kanji maa. Ɗi kettindanto hononde am. Ngam non ɗi ngartay ornde go'o, gaynaako go'o.

Yahaya 4:22

Onon Samaariyanko'en on mawnina ko on andaa, ammaa minon Yahuudanko'en e min mawnina ko min andi, ngam daga to Yahuudanko'en kisndam ƴiwoyi.

Luka 1:72

O wi'iino o yurminanay maama'en meeɗen, o yejjitataa alkawal maako ceniingal,

Kuuɗe Lilaaɓe 2:39

Ngam Allah waɗii alkawal muuɗum ngam mooɗon, e ɓiɓɓe mooɗon haa e yimɓe woɗɗuɓe, e koo moye mo Allah meeɗen noddi wara to muuɗum.”

Aafisanko'en 2:19

Ngam maajum, onon yimɓe naa' Yahuudanko'en, naa' on hoɓɓe koo garɓe. Jooni on nder lenyol yimɓe Allah e iyaalu maako.

Ibraaniyanko'en 8:6

Ammaa jooni Yeesu hokkaama kuugal ardiiɗo diina ɓurngal wooɗuki, non no alkawal ngal o siryii hakkunde Allah e yimɓe ngal ɓurii wooɗuki. Alkawal ngal ɗon ngal ɓurii wooɗuki ngam ngal waɗaama dow fii ɗum Allah wi'i waɗanay'en ɓurɗum ɗum ndenno.