Aafisanko'en 2:10 - Fulfulde Nigeria

¹⁰ Allah wartirii'en ko ngonɗen jooni, barka Yeesu Almasiihu o tagitake'en ngam kuwen kuuɗe boɗɗe ɗe o yiɗi ngaɗen daga arande.

Aafisanko'en 2:10 ပူးပေါင်းရင်းမြစ်များ

Filibiyanko'en 2:13

Ngam Allah e huwa nder ɓerɗe mooɗon ngam o waɗa'on ngiɗon waɗuki ko o yiɗi, mbaawon waɗukiɗum.

Koloosiyanko'en 1:10

E min ngaɗana'on nde'e do'aare ngam mbaawon ngaɗon jonde haanunde tokkuɓe Joomiraawo ngaɗa, nden ngarton belnanooɓemo ɓernde koo ndeye, jonde mooɗon wurtina koo iri ɗeye kuuɗe boɗɗe, nden ɓeydon anduki Allah.

Ibraaniyanko'en 13:21

o waɗa'on mbaawon waɗuki koo ngale kuugal bongal ngal o yiɗi ngaɗon. O wartira'on ko welnantamo ɓernde barka Yeesu Almasiihu. Mangu tabbita to Yeesu haa abadaa abadin. Aamin.

2 Korintiyanko'en 5:17

Ngam non, fuu gartuɗo mo Almasiihu o wartii neɗɗo keso. Koo ɗume ɗum ndenno ƴaɓɓake, koo ɗume wartii kesum.

2 Korintiyanko'en 9:8

Allah e waawa hokkuki'on koo iri ɗume barka ɓurɗum ko ngiɗɗon, ngam koo ndeye keɓon koo ɗume ko heƴata'on e ko mballirton woɓɓe.

Aafisanko'en 4:24

Puɗɗee ngikku kesum iri ɗum Allah nder aadilaaku e cenaaki.

Filibiyanko'en 1:6

Mi tabbitinii on ɗon puɗɗuɗo kuugal bongal nder mooɗon o yottinayngal haa yaaki nyalnde wartoyki Yeesu Almasiihu.

2 Timooti 3:17

Ɗe mballay kuwanoowo Allah warta kuwoowo boɗɗo ciryiiɗo ngam huwuki koo iri ngale kuugal bongal.

Aafisanko'en 4:1

Ngam non, e mi toroo'on, min curaaɗo ngam huwanki Joomiraawo meeɗen, ngaɗee jonde pottudunde e ko Allah noddiri'on.

2 Timooti 2:21

Non maa to neɗɗo alii waɗuki ko wooɗaa, o wartay kuutirteeɗo ngam fii boɗɗum. Jeyɗomo suɓaymo wartiramo neɗɗo mo o huutirta, ciryiiɗo ngam huwa koo iri ngale kuugal bongal.

Tiitus 2:14

Yeesu hokkii hoore muuɗum ngam meeɗen ngam o rimɗina'en daga koo ndeye halleende, o wartira'en yimɓe maako laɓɓe, giɗɓe waɗuki boɗɗum.

Aafisanko'en 1:4

Ko duuniyaaru tagee, Allah suɓii'en ngarten ɓe maako barka Yeesu, ngam ngarten ceniiɓe ɓe ngalaa toɓɓel hakke yeeso maako.

1 Timooti 6:18

Wi'uɓe ɓe ngaɗa ko wooɗi, ɓe ngarta gaɗooɓe kuuɗe boɗɗe, ɓe ngarta kokkooɓe caahu ɓernde go'o, giɗɓe senduduki ko ɓe ngoodi e woɓɓe.

Tiitus 3:14

Doole yimɓe meeɗen ekkitoo waɗuki kuuɗe boɗɗe, ngam ɓe mbaawa walluki haanuɓe walleeki nden ngam to' ɓe njooɗoo jonde meere.

Ibraaniyanko'en 10:24

En ngaɗu hakkiilo meeɗen dow no mballindirten ngam kollen yidde e waɗuki kuuɗe boɗɗe.

Tiitus 3:8

Fii ɗu'um ɗum mbiimaami ɗum goonga. E mi yiɗi cembiɗinaa horiiɓe dow maajum ngam kooliiɓe Allah ngaata hakkiilo maɓɓe dow waɗuki kuuɗe boɗɗe. Fuu fii ɗu'um e wooɗi ɗum nafanay koo moye.

Koloosiyanko'en 3:10

Jooni on ɓornake ngikku kesum. Allah taguɗo ngikku ɗum, e mo mo''inaɗum ɗum warta iri ngikku maako, ngam andonmo boɗɗum.

Tiitus 2:7

Ammaa an wartu ko ɓe ekkitotoo nder ko ngaɗataa fuu. Waɗu hakkiilo e goonga nder ekkitinki maaɗa.

1 Korintiyanko'en 3:9

Ngam minon, min kuudooɓe e Allah. Onon boo on ngesa maako, maadi maako.

1 Biiturus 2:12

Kollee ngikku boɗɗum nder yimɓe ɓe andaa Allah, ngam to ɓe mbi'ay on kalluɓe, sey ɓe ngi'a kuuɗe mooɗon ɗe boɗɗe, ɓe mawnina Allah nyalnde wartuki maako.

Tiitus 3:1

Ciftoranaa tokkuɓe Yeesu ɓe tokka laamiiɓe e ardiiɓe ɓe ngaɗa ko ɓe mbi'i, ɓe ciryoo ngam huwuki koo iri ngale kuugal bongal.

1 Yahaya 2:6

Fuu biiɗo e sumpootira e Allah, haanii o jooɗoroo no Yeesu Almasiihu jooɗorii.

Maatiyu 5:16

Non onon maa, alee jayngol mooɗon yeynanoo yimɓe, ngam ɓe ngi'a kuuɗe mooɗon boɗɗe, ɓe mawnina Nyaako mooɗon Mo Dow.

Yahaya 3:21

Ammaa koo moye gaɗoowo goonga e natta jayngol, ngam ɗum yi'a e njayri e mo waɗa ko Allah yiɗi.”

2 Tasaloonikanko'en 2:17

o fukkinana'on ɓerɗe, o sembiɗina'on nder koo ngale kuugal bongal e wolde bonde.

Roomanko'en 8:29

Allah e andiɓe daga arande o suɓiiɓe ko duuniyaaru tagee ngam ɓe ngarta bo Ɓiɗɗo maako, ngam Ɓiɗɗo on warta afo nder bandiraaɓe ɗuɗɓe.

Kuuɗe Lilaaɓe 9:31

Gaɗa maajum kawtal tokkuɓe Yeesu nder leyɗe Yahuudiya e Galiili e Samaariya fuu keɓi jonde jam. Ruuhu Allah walliɓe, ɓe cembiɗi, ɓe ɓeydi kulol Joomiraawo, ɓe ɗuuɗi.

2 Korintiyanko'en 5:5

Allah e hoore muuɗum siryiimin ngam ɗu'um, o hokkiimin Ruuhu maako ngam tabbitinankimin ko o waɗantamin yeeso ɗo'o.

1 Timooti 5:25

Non maa kuuɗe boɗɗe e njayri ɗe ngoni, koo maa e ɗe cuuɗii ɗe mburtoyto.

1 Timooti 2:10

sey ni ɓe kuwa kuuɗe boɗɗe no rewɓe kulooɓe Allah haani ngaɗa.

1 Timooti 5:10

Doole o warta mo ɗum andiri waɗuki kuuɗe boɗɗe, ekkitinɗo ɓiɓɓe maako boɗɗum, jaɓɓotooɗo hoɓɓe, gaɗanoowo tokkuɓe Yeesu fii boɗɗum nder lesnuki hoore, balloowo yimɓe nattuɓe torra, gaɗuɗo hoore muuɗum dow waɗuki boɗɗum nder koo ɗume.

1 Yahaya 1:7

Ammaa to en njooɗake nder jayngol non no Allah jooɗorii nder jayngol, en cumpootira hakkunde meeɗen won ɗon. Ɗonmaa ƴiiƴam Yeesu Ɓiɗɗo maako e lootana'en hakkeeji fuu.

Kuuɗe Lilaaɓe 9:36

Nder gariiri Joffa boo e woodi goɗɗo debbo tokkuɗo Yeesu bi'eteeɗo Tabiita. (Ma'ana Tabiita nder Helenankoore woni Dookas, waato lelwa.) E mo huwa kuuɗe boɗɗe, e mo walla ɓe ngalanaa.

Galaatiyanko'en 6:15

Ngam walaa feerootirol hakkunde naadaaɗo e mo naadaaka. Ko ɓuri woni Allah wartira neɗɗo keso.

Roomanko'en 8:1

Ngam non, jooni ɗum taƴantaa ɓen ɗon cumpootirooɓe e Yeesu Almasiihu kiita halkere.

Aafisanko'en 2:2

E carel ngel on tokka ɗate duuniyaaru kalluɗe; on tokka Ceyɗan laamiiɗo ginni. Kanko woni tokkinoowo ɓerɗe ganyuɓe tokka ko Allah wi'i.

Aafisanko'en 1:1

Min Bulus mo Allah suɓi mi warta lilaaɗo Yeesu Almasiihu, windi ɗerewol ngo'ol. Mi windan yimɓe Allah gonɓe nder gariiri Aafisa kooliiɓe Yeesu Almasiihu e ɓernde go'o.

Aafisanko'en 2:6

O ummidinii'en e Yeesu Almasiihu daga mayde, o jooɗidini'en e maako ton dow.

Aafisanko'en 2:13

Ammaa jooni onon goɗɗitiiɓe Allah ndenno, barka ƴiiƴam Yeesu Almasiihu on ngaddaama haade maako.

Aafisanko'en 2:15

Mayde maako ittii sembe Attawra e dookaaji Yahuudanko'en, ngam nder lenyi ɗiɗi o wurtinana hoore maako lenyol go'o kesol. Nde o waɗi non o siryootirii lenyi ɗin.