Aafisanko'en 1:18 - Fulfulde Nigeria

¹⁸ E mi waɗa do'aare kadin Allah maɓɓita ɓerɗe mooɗon ngam andon kammunde nde o noddiri'on e barka mawɗum ɗum o waɗani yimɓe maako alkawal.

Aafisanko'en 1:18 ပူးပေါင်းရင်းမြစ်များ

Kuuɗe Lilaaɓe 26:18

A wumtinayɓe, ɓe mburtoyoo nder nyiwre, ɓe ngarta nder jayngol, ɓe mburtoo nder laamu Ceyɗan, ɓe co''oo to Allah, ngam ɓe keɓa yaafaneeki hakke, ɓe natta nder yimɓe gartuɓe ceniiɓe ngam ɓe koolakeyam.’

2 Korintiyanko'en 4:6

Ngam Allah biiɗo jayngol wurtoyoo daga nder nyiwre, kanko waɗi jayngol maako yeynii nder ɓerɗe amin ngam min anda teddungal Allah ngal ɗum yi'ii e yeeso Yeesu Almasiihu.

Luka 24:45

Nden o maɓɓiti faamu maɓɓe ngam ɓe paama Deftere Ceniinde.

Aafisanko'en 1:7

Sumpootirki e Yeesu rimɗinii'en barka ƴiiƴam maako o yaafanake'en hakke meeɗen, ngam yidde nde Allah holli'en keerol walaa. Yidde nden nde mawnde.

Aafisanko'en 5:8

Ngam ndenno nder nyiwre ngonɗon, ammaa jooni nde on ngartii yimɓe Joomiraawo, on nder jayngol. Ngam maajum sey ngaɗon jonde iri nde yimɓe gonɓe nder jayngol.

Aafisanko'en 3:16

E mi toroomo daga nder risku mangu maako o sembiɗina'on, o hokka'on bawɗe laawol Ruuhu maako ngarton cembiɗɓe nder ɓerɗe mooɗon,

Aafisanko'en 4:4

En ngartii bo ɓandu go'o, en ngoodi Ruuhu go'o, non maa en ngoodi kammunde wo'oyre nde Allah noddiri'en.

Tiitus 3:7

Too, nde yidde maako wartirii'en ɓe ngalaa hakke yeeso maako, jooni e mo yiɗi ngarten donooɓe yonki ki re'ataa ki ngaɗɗen ɓerɗe en keɓay.

2 Tasaloonikanko'en 1:11

Kanjum waɗi koo ndeye e min ngaɗana'on do'aare. E min toroo Allah meeɗen wartira'on yimɓe gaɗooɓe iri jonde nde o noddi'on ngaɗon. Barka bawɗe maako o hebbina koo ɗume boɗɗum ɗum ngiɗɗon waɗuki ngam on koolake Yeesu.

Aafisanko'en 4:1

Ngam non, e mi toroo'on, min curaaɗo ngam huwanki Joomiraawo meeɗen, ngaɗee jonde pottudunde e ko Allah noddiri'on.

1 Timooti 6:12

Waɗu keerol ko mbaawataa waɗuki nder hoolaaki Yeesu Almasiihu. Keɓanaa hoore maaɗa yonki ki re'ataa, ngam kanjum waɗi ɗum noddumaa carel ko njaɓuɗaa Yeesu yeeso yimɓe ɗuɗɓe.

1 Biiturus 5:10

Nden gaɗa on njarii torra carel seɗɗa, Allah gooduɗo yidde fuu, nodduɗo'on ngam keɓon geɗal nder teddungal maako tabotoongal barka Almasiihu, kanko e hoore maako o wartiray'on keewuɓe, o joɗɗina'on, o sembiɗina'on bo tafaare.

Aafisanko'en 1:11

Allah suɓii'en wartirii'en yimɓe maako barka Yeesu Almasiihu. Ko duuniyaaru tagee o siryii fii ɗu'um, ngam kanko woni gaɗoowo fuu ko yiɗi non no o yiɗi.

Ibraaniyanko'en 10:32

Ammaa ciftoree balɗe arandeeje ɗe ɗum famtini'on dow Almasiihu. On munyii nder yarki torra kalluka.

1 Tasaloonikanko'en 2:12

Min mbagginii'on, min cembiɗinii'on, min mbi'ii'on doole ngaɗon jonde belnanaynde Allah ɓernde nodduɗo'on nder Laamu maako e teddungal maako.

2 Korintiyanko'en 4:4

Ceyɗan laamiiɗo duuniyaaru ndu'u wumnii ɓerɗe yimɓe ɓe koolaaki Yeesu, ngam to' ɓe ngi'a jayngol Habaru Belɗum ɗum teddungal Almasiihu nanduɗo e Allah.

Tiitus 2:13

En keɗoo nyalnde barkiɗinaande nde kaaɓuɗen, nyalnde nde teddungal Allah meeɗen mawɗo Yeesu Almasiihu Kisnoowo wangata.

2 Tasaloonikanko'en 2:16

Joomiraawo meeɗen Yeesu Almasiihu e hoore muuɗum, e Allah Nyaako meeɗen Mo Dow, giɗɗo'en cembiɗinɗo'en sembiɗinki ki re'ataa kokkuɗo'en kammunde bonde barka yidde maako,

1 Tasaloonikanko'en 5:8

Ammaa enen, nde en yimɓe nyalawma, sey paamanen ko'e meeɗen. En ɓorno hoolaare e yidde nde warta bo toggoore njamndi meeɗen nde konu, waɗuki ɓerɗe meeɗen dow heɓuki kisndam warta bo humneere njamndi nde konu meeɗen.

Aafisanko'en 3:8

Koo nde mi pamaro nder yimɓe Allah fuu, Allah suɓiiyam mi wa'ajinana yimɓe naa' Yahuudanko'en dow barka ɗum limataako keɓeteeɗum to Almasiihu.

Maatiyu 13:15

Ngam ɓerɗe yimɓe ɓen ɗon ɗe cembiɗɗe, nden ɓe cukkii noppi maɓɓe, ɓe maɓɓii gite maɓɓe, ngam to' ɓe ngi'a e gite maɓɓe, to' ɓe nana e noppi maɓɓe, ɓe paama nder ɓerɗe maɓɓe haa ɓe ngarta to am, mi yamɗitina ɓerɗe maɓɓe.’

1 Biiturus 3:9

To' on ngaato halleende e halleende, koo huɗuki e huɗuki, ammaa ngaatoree barkiɗinki, ngam Allah noddii'on ngaɗon non ngam o barkiɗina'on.

Ibraaniyanko'en 6:4

Ngam ɗum waɗataako aluɓe jayngol Allah co''ee tuuba kadin, meemuɓe dokkal maako, keɓuɓe Ruuhu maako.

Koloosiyanko'en 3:15

Jam ƴiwoyɗum to Almasiihu walla'on cuɓon ko haani ngaɗon, nde Allah noddii'on ngam ngarton bo ɓandu go'o njooɗodooɗon jam. Ngartee gettooɓe Allah koo ndeye.

Koloosiyanko'en 1:23

On ngartay non to nii on nyamrii yeeso e hoolaaki Yeesu, on cembiɗii, on darake boɗɗum dow kammunde nde ngaɗɗon carel ngel nanɗon Habaru Belɗum. Habaru Belɗum ɗum wa'ajinanaama koo ɗume ko tagaa gonɗum nder duuniyaaru. Min Bulus, mi wartii maccuɗo ɗu'um Habaru Belɗum.

Koloosiyanko'en 1:5

On ngaɗa non ngam on tabbitinii on keɓay mbarjaari ndi Allah resani'on ton dow. On nanii habaru ɗu'um fii ɗum kammiiɗon daga arande nder wolde goonga, waato Habaru Belɗum

Aafisanko'en 2:12

Ciftoree e ngel ton carel on andaano Almasiihu, on ngalaa nder yimɓe ɓe Allah suɓi, on ngalaa nder alkawal ngal Allah waɗi, on ngalaa kammunde, on ngalaa Allah nder duuniyaaru.

Galaatiyanko'en 5:5

En tabbitinii daga to Ruuhu Allah, o jaɓay'en en aadili'en ngam en koolake Almasiihu. En kaaɓii yiikiɗum.

1 Biiturus 1:3

Yettoore tabbita to Allah, Nyaako Joomiraawo meeɗen Yeesu Almasiihu. Ngam yurmeende maako mawnde o hokkii'en yonki kesum barka ummaaki Yeesu daga mayde. Ngam maajum en ngoodi kammunde tabbutunde,

Kuuɗe Lilaaɓe 16:14

Nder maɓɓe e woodi goɗɗo debbo bi'eteeɗo Liidiya, ƴiwoyɗo gariiri Tayaatira kuloowo Allah. E mo soora kolte boɗeeje ɗe ceede. Joomiraawo maɓɓiti ɓernde maako o hettindanii ko Bulus wi'ata.

Filibiyanko'en 3:14

E mi nyamra yeeso ngam mi heɓa jaalorgal mi hokkee dokkal, waato noddol yaaki dow ngol Allah noddiyam barka Yeesu Almasiihu.

Markus 10:17

Yeesu nangi laawol won ɗon, sey goɗɗo neɗɗo doggi yahi diccii yeeso maako. Neɗɗo on ƴamimo, wi'i, “Moodibbo geeto, ko haani mi waɗa mi heɓa yonki ki re'ataa?”

Roomanko'en 2:4

Koo an a yawana yidde Allah mawnde, e ciya yaawuki monnere maako, e munyal maako? A andaa yidde Allah e fooɗumaa tuubaa?

Roomanko'en 11:29

Ngam Allah waylitataa ɓernde muuɗum dow mo o suɓi e mo o barkiɗini.

Koloosiyanko'en 1:12

on ngetta Nyaako Mo Dow nder belɗum ɓernde. Kanko woni gartirɗo'on kewtuɓe keɓa geɗal nder ko o resani yimɓe maako nder laamu maako ɗum jayngol.

Koloosiyanko'en 1:27

Allah suɓii andinaɓe barka mawɗum gonɗum nder sirru ɗu'um ɗum o siryanii yimɓe naa' Yahuudanko'en. Sirru ɗum woni Almasiihu e jooɗoo nder ɓerɗe mooɗon, non waɗay tabbitinon on njooɗodoto e maako nder teddungal maako.

Koloosiyanko'en 2:2

Mi waɗu non ngam ɗum sembiɗina ɓerɗe maɓɓe, nden ɓe ɓeyda yiɗindirki, ɓe keɓa fuu barka keɓeteeɗum laawol faamu kewɗum, ngam ɓe mbaawa anduki sirru Allah, waato Almasiihu e hoore maako.