Aafisanko'en 1:11 - Fulfulde Nigeria

¹¹ Allah suɓii'en wartirii'en yimɓe maako barka Yeesu Almasiihu. Ko duuniyaaru tagee o siryii fii ɗu'um, ngam kanko woni gaɗoowo fuu ko yiɗi non no o yiɗi.

Aafisanko'en 1:11 ပူးပေါင်းရင်းမြစ်များ

Roomanko'en 8:28

En andi nder koo ɗume Allah e huwa ngam ɓeydaari yimɓe giɗɓemo, ɓe o suɓi non no o yiɗiri.

1 Biiturus 1:4

en keɓay ndonu ngu lallataa, ngu wonnataako, nden ngu re'ataa, ngu ɗum resani'on ton dow.

Aafisanko'en 1:14

Nde en ngoodi Ruuhu Allah, en tabbitinii en keɓay koo ɗume boɗɗum ɗum Allah waɗani'en alkawal. Nden ɗum rimɗinay'en ngam ɗum manta mangu Allah.

Aafisanko'en 3:11

Ɗu'um ɗum waɗaama non no Allah yiɗi waɗirkiɗum daga arande, o hebbiniiɗum barka ko Yeesu Almasiihu Joomiraawo meeɗen waɗi.

Aafisanko'en 1:5

O darwii nder yidde ngarten ɓiɓɓe maako barka Yeesu Almasiihu, ngam kanjum woni ko o yiɗani'en. Non welaniimo.

Galaatiyanko'en 3:18

Ngam to barka ɗum keɓuɗen to Allah en keɓuɗum ngam tokkuki Attawra, too, en keɓaayiɗum ngam alkawal ngal o waɗi. Ammaa Allah barkiɗinii Ibraahim ngam alkawal ngal Allah waɗanimo.

Ibraaniyanko'en 6:17

Non maa, nde Allah waɗi alkawal ngal, sey o hunii ngam o tabbitinana donooɓengal wiiki o waylitataa nyumo maako.

Tiitus 3:7

Too, nde yidde maako wartirii'en ɓe ngalaa hakke yeeso maako, jooni e mo yiɗi ngarten donooɓe yonki ki re'ataa ki ngaɗɗen ɓerɗe en keɓay.

Roomanko'en 8:17

Jooni nde en ɓiɓɓe, en ngartii donooɓe. En ndonay fii boɗɗum ɗum Allah resani yimɓe maako, kadin en donidooɓe e Almasiihu, to ni en njardii torra e maako ngam keɓen teddungal hawti e maako.

Koloosiyanko'en 1:12

on ngetta Nyaako Mo Dow nder belɗum ɓernde. Kanko woni gartirɗo'on kewtuɓe keɓa geɗal nder ko o resani yimɓe maako nder laamu maako ɗum jayngol.

Koloosiyanko'en 3:24

Ngam on andi on keɓay mbarjaari daga to Joomiraawo. Almasiihu woni Joomiraawo mo kuwanton.

Kuuɗe Lilaaɓe 26:18

A wumtinayɓe, ɓe mburtoyoo nder nyiwre, ɓe ngarta nder jayngol, ɓe mburtoo nder laamu Ceyɗan, ɓe co''oo to Allah, ngam ɓe keɓa yaafaneeki hakke, ɓe natta nder yimɓe gartuɓe ceniiɓe ngam ɓe koolakeyam.’

Kuuɗe Lilaaɓe 20:32

“Jooni, mi waɗii'on nder jungo Allah e wolde maako, baawaynde sembiɗinki'on hokka'on ndonu ngu o resani ceniiɓe maako fuu.

Kuuɗe Lilaaɓe 2:23

Fuu e non on kokkitiriimo nder juuɗe kalluɓe. On ngaɗii ɓe ɓiliimo dow gaafaangal, ɓe mbarimo. Fuu e non, non Allah siryorii fii ɗum waɗira.

Kuuɗe Lilaaɓe 20:27

Ngam mi wa'ajinanii'on ko Allah yiɗi fuu, mi suuɗaayi'on koo ɗume.

Kuuɗe Lilaaɓe 4:28

ngam fuu ko ɓe kuwi daga arande e bawɗe maaɗa a siryakeno non ɗum waarata.

1 Biiturus 3:9

To' on ngaato halleende e halleende, koo huɗuki e huɗuki, ammaa ngaatoree barkiɗinki, ngam Allah noddii'on ngaɗon non ngam o barkiɗina'on.

Roomanko'en 11:34

Aayaare wi'i, “Moye meeɗi anduki ko woni nder ɓernde Joomiraawo? Moye meeɗi wartuki kokkayɗomo caawori?

Yaakubu 2:5

Bandiraaɓe am ɓe ngiɗumi, nanee ko mbi'aymi. Naa' Allah suɓii ɓe ngalanaa nder duuniyaaru ndu'u ɓe ngarta kooliiɓe Yeesu ɓe ndona barka gonɗum nder laamu Allah ɗum o waɗani yiɗuɓemo alkawal?

Kuuɗe Lilaaɓe 13:48

Nde yimɓe naa' Yahuudanko'en nani non, ɓe nani belɗum, ɓe teddini Wolde Joomiraawo. Nden ɓen ɗon ɓe Allah siryanii heɓuki yonki ki re'ataa tokki Yeesu.

Roomanko'en 8:29

Allah e andiɓe daga arande o suɓiiɓe ko duuniyaaru tagee ngam ɓe ngarta bo Ɓiɗɗo maako, ngam Ɓiɗɗo on warta afo nder bandiraaɓe ɗuɗɓe.

Roomanko'en 8:30

Ɓen ɗon ɓe o suɓi, o noddiiɓe, o wartiriiɓe aadili'en, o nattiniiɓe teddungal maako.

Roomanko'en 9:11

Ammaa ko siwtaaɓe ɓen ndanyee, koo ko ɓe ngaɗa goɗɗum boɗɗum koo goɗɗum ɗum wooɗaa, Allah wi'ii Rifkatu, “Ɓiɗɗo mawɗo on o jagganto pamaro on.” Ɗu'um tabbitinii Allah e suɓa yimɓe naa' ngam kuuɗe ɗe ɓe ngaɗi, ammaa ngam non o yiɗi ɗum waɗoroo.

Aafisanko'en 1:9

Nder faamu maako e andal maako, o hollii'en sirru ko o yiɗi o waɗa barka Almasiihu.

Aafisanko'en 1:18

E mi waɗa do'aare kadin Allah maɓɓita ɓerɗe mooɗon ngam andon kammunde nde o noddiri'on e barka mawɗum ɗum o waɗani yimɓe maako alkawal.

Tiitus 2:14

Yeesu hokkii hoore muuɗum ngam meeɗen ngam o rimɗina'en daga koo ndeye halleende, o wartira'en yimɓe maako laɓɓe, giɗɓe waɗuki boɗɗum.