2 Timooti 4:8 - Fulfulde Nigeria

⁸ Jooni giifol e ton heɗiiyam, ngol ɗum hokkata gaɗuɓe jonde bonde, ngol Joomiraawo gaɗoowo kiita goonga hokkatayam Nyalnde Jaango. Naa' min tan, ammaa fuu giɗɓe yiiki gartol maako.

2 Timooti 4:8 ပူးပေါင်းရင်းမြစ်များ

Yaakubu 1:12

O barkiɗinaaɗo fuu munyuɗo nder torra, ngam to o heɓii jaalorgal dow torra kan, Allah hokkaymo giifol ngol o waɗani yiɗuɓemo alkawal, waato yonki ki re'ataa.

Wahayu Yahaya 2:10

To' on kulu torra ka njaroton yeeso ɗo'o. Raɗɗum Ceyɗan siryake maɓɓa woɓɓe mooɗon nder suudu cural ngam ɗum foonda'on. On ngaɗay balɗe sappo on njara torra kalluka. Ammaa njogee ko kooliiɗon koo ɗum waray'on. Min boo mi hokkay'on yonki, kanki woni dokkal heɓuki jaalorgal mooɗon.

1 Biiturus 5:4

Ngam to Almasiihu laamiiɗo woynaaɓe wartoyii, on keɓay giifol mangu ngol haa abadaa.

1 Biiturus 1:4

en keɓay ndonu ngu lallataa, ngu wonnataako, nden ngu re'ataa, ngu ɗum resani'on ton dow.

2 Timooti 1:12

Kanjum waɗi e mi yara bone ɗu'um niini, ammaa fuu e non mi semtaayi ngam e mi andi mo kooliimi. Mi tabbitinii o waaway reenuki ko o hokkiyam yaaki Nyalnde Jaango.

1 Korintiyanko'en 9:25

Fuu giɗɓe keɓa jaalorgal nder fijo e ɓe elta ɓalli maɓɓe. E ɓe ngaɗa non ngam ɓe keɓa giifol koo nde giifol ngol ngol de'oowol. Ammaa enen giifol tabbitayngol keɓeten.

Koloosiyanko'en 1:5

On ngaɗa non ngam on tabbitinii on keɓay mbarjaari ndi Allah resani'on ton dow. On nanii habaru ɗu'um fii ɗum kammiiɗon daga arande nder wolde goonga, waato Habaru Belɗum

Wahayu Yahaya 1:7

Raɗɗum e mo wara nder duule, koo moye yi'aymo haa maa e barɓemo. Fuu yimɓe duuniyaaru mboyay ngam gartol maako! Goonga, ɗum waɗay. Aamin.

Tiitus 2:13

En keɗoo nyalnde barkiɗinaande nde kaaɓuɗen, nyalnde nde teddungal Allah meeɗen mawɗo Yeesu Almasiihu Kisnoowo wangata.

Wahayu Yahaya 19:11

Sey ngiimi dow e omtii, sey raa wongu puccu ndanewu gonɗo dow maggu, e wi'ee Gaɗoowo Ko Haani, Gooduɗo Goonga. E mo waɗa aadilaaku nder kiita e konu.

2 Timooti 2:5

Walaa keɓoowo dokkal nder fijo to o tokkaayi dooka fijo ngon.

2 Timooti 4:1

E mi wagginmaa yeeso Allah e Yeesu Almasiihu gaɗanoowo ɓe yonki e mayɓe kiita. Ngam so''oyaaki maako duuniyaaru e laamu maako, e mi wi'umaa,

1 Timooti 6:19

To ɓe ngaɗii non, ɓe ndesanii ko'e maɓɓe risku tabbutuɗum ngam Nyalnde Jaango, ngam ɓe mbaawa heɓuki yonki tabbitayki.

1 Korintiyanko'en 2:9

Ammaa non no ɗum windiraa, “Ko hitere meeɗaayi yiiki, ko nowru meeɗaayi nanki, ko neɗɗo meeɗaayi nyumuki, kanjum Allah siryanii yiɗuɓemo.”

Wahayu Yahaya 22:20

On ɗon ceydinɗo fii ɗu'um fuu e wi'a, “Goonga e mi waroya naa' ko neeɓi.” Aamin. Woroy Yeesu Joomiraawo!

Wahayu Yahaya 4:10

sey mawɓe 24 ɓen njana yeeso jooɗiiɗo dow jooɗorgal ngal ɓe mawninamo, kanko gooduɗo yonki haa abadaa abadin. Ɓe ndesa giifi maɓɓe yeeso jooɗorgal ngal e ɓe mbi'a,

Wahayu Yahaya 4:4

Haade maagal e woodi goɗɗe jooɗorle kanje 24 e ɗe piliingal. Nden woɓɓe mawɓe kamɓe 24 e njooɗii dow maaje. E ɓe bornii kolte daneeje e ɓe taari giifi jiinaari to ko'e maɓɓe e ɓe njooɗii dow jooɗorle ɗen.

Ibraaniyanko'en 9:28

non maa Almasiihu sakkaama nde go'o ngam o itta hakke yimɓe ɗuɗɓe. O wartoyay gartol ɗiɗaɓol naa' ngam o itta hakke, ammaa ngam o hisna ɓen ɗon keɗiiɓemo.

2 Timooti 1:18

Joomiraawo meeɗen yurminanamo Nyalnde Jaango. A andi boɗɗum no o walliriyam nder gariiri Aafisa.

1 Tasaloonikanko'en 1:10

nden keɗooɗon wartoyki Ɓiɗɗo maako daga dow, mo o ummini daga mayde, waato Yeesu kisnayɗo'en daga monnere Allah garaynde.

Roomanko'en 8:23

Ammaa naa' ko tagaa tan ottata, haa maa e enen. Enen gooduɓe Ruuhu Allah, dokkal maako arandewal nder ko o hokkata'en, en otta nder ɓerɗe meeɗen, en kaaɓii Allah wartira'en ɓiɓɓe maako, ɗonmaa o rimɗina ɓalli meeɗen.

Roomanko'en 2:5

Ammaa ɓernde maaɗa nde caatunde ganyunde tuubuki. Ngam non, a hawritana hoore maaɗa monnere Allah, Nyalnde monnere maako nde o waɗata kiita goonga.

Maatiyu 24:36

“Walaa anduɗo nden ɗon nyalnde koo ngel ɗon carel ngel fii ɗum ɗon waɗata. Koo malaa'ika'en wonɓe dow andaa, koo Ɓiɗɗo on maa andaa, sey Nyaako Mo Dow tan andi.

Maatiyu 7:22

E Nyalnde Jaango yimɓe ɗuɗɓe mbi'ayyam, ‘Moodibbo, Moodibbo! Naa' min nga'ajinii nder inde maaɗa? Naa' min mburtinii ginni nder inde maaɗa? Naa' min ngaɗii kayɗiniiɗum ɗuɗɗum nder inde maaɗa?’

1 Tasaloonikanko'en 5:4

Ammaa onon bandiraaɓe, naa' nder nyiwre ngonɗon, hakko nyalnde nden ɗon uddoo'on bo gujjo.

2 Korintiyanko'en 5:2

Jooni e min otta e min kaaɓii naa' seɗɗa ngam ɗum ɓornamin ɓandu amin ndu dow.

Luka 10:12

E mi wi'a'on, e Nyalnde Jaango Allah ɓuray yurminanki yimɓe gariiri Sodom dow yimɓe gariiri ndin ɗon.”

1 Korintiyanko'en 3:13

wooɗuki kuugal maako wurtoto e njayri Nyalnde Jaango. E nden ɗon nyalnde hiite wanginay kuugal koo moye, nge foonday kuugal ngal nge holla no ngal wontindiri.

Filibiyanko'en 3:11

ngam fuu no ɗum waɗi mi heɓa mi ummoo daga mayde.

2 Tasaloonikanko'en 2:8

Gaɗa ɗon ɗum wanginay Kalluɗo on, sey Yeesu Joomiraawo wariramo e foofaango honduko muuɗum, nden halkiramo teddungal wartuki muuɗum.

2 Timooti 1:10

Jooni boo o wanginanii'en yidde nden barka Kisnoowo meeɗen Yeesu Almasiihu, gartirɗo sembe mayde meere. Kanko holli'en laawol ngol tokketen kisen keɓen yonki ki re'ataa barka Habaru Belɗum.

Ibraaniyanko'en 12:11

Carel ngel ɗum eltata neɗɗo, ɗum welaa, sey nawɗum. Ammaa gaɗa ɗon, ɗum wadday aadilaaku e jam nder jonde eltaaɗo'on.