2 Timooti 4:5 - Fulfulde Nigeria

⁵ Ammaa an, suru hoore maaɗa koo ndeye, munyu nder torra ka njarataa, huwu kuugal wa'ajinki, waɗu fuu kuugal ngal Allah hokkumaa boɗɗum.

2 Timooti 4:5 ပူးပေါင်းရင်းမြစ်များ

2 Timooti 1:8

Ngam maajum taa' semtu hokkuki yimɓe habaru Joomiraawo meeɗen, taa' boo semtam min maɓɓaaɗo ngam tokkuki Yeesu. Ammaa en njardu torra hokkuki habaru Yeesu nder bawɗe Allah.

1 Biiturus 1:13

Ngam non, ciryee ɓerɗe mooɗon, curee ko'e mooɗon, ngaɗee kammunde mooɗon fuu dow barka ɗum um hokkata'on nyalnde wartoyki Yeesu Almasiihu.

2 Timooti 2:3

Munyu nder torra ka njareten bo soojiijo Yeesu Almasiihu boɗɗo.

Koloosiyanko'en 4:17

Mbi'ee Arkibus, “Tabbitin a yottinii kuugal ngal Joomiraawo hokkumaa.”

1 Timooti 4:12

Taa' jaɓu koo moye yawana sukaaku maaɗa, ammaa wartu misaalu to tokkuɓe Yeesu nder meto maaɗa, e ngikku maaɗa, e yidde maaɗa, e hoolaare maaɗa, e jonde maaɗa lamnde.

Kuuɗe Lilaaɓe 21:8

Nde fini min ali ɗon, min njahi gariiri Kaysaariya. Min natti wuro Filibus ga'ajinoowo Habaru Belɗum, min njippii to maako. Kanko o go'oto nder ɓen ɗon njoweeɗiɗo ɓe ɗum suɓi ngam kuwana tokkuɓe Yeesu.

1 Timooti 4:15

Waɗu ka waɗuki fuu fii ɗu'um, waɗu ɓernde maaɗa dow maajum ngam koo moye yi'a yahuki yeeso maaɗa.

1 Tasaloonikanko'en 5:6

Ngam non, to' en ɗaano no woɓɓe ngaɗata, ammaa en njooɗo en ciryii, en curi ko'e meeɗen.

Wahayu Yahaya 3:2

Ummee, ndarooɗon! Mo''inee ko horanii'on ngam ɗum ɓadake lalluki, ngam mi yi'ii kuuɗe mooɗon ɗe keewaayi yeeso Allah.

Aafisanko'en 4:11

O suɓii woɓɓe ngarta lilaaɓe, woɓɓe gaɗooɓe annabaaku, woɓɓe wa'ajinooɓe, woɓɓe pasto'en e ekkitinooɓe.

Ibraaniyanko'en 13:17

Tokkee ardiiɓe'on ngaɗon ko ɓe mbi'i'on. E ɓe paamana yonkiiji mooɗon: Allah boo ƴamayɓe dow no ɓe paamirani'on. Tokkee ko ɓe mbi'i ngam ɓe ngaɗa kuugal ngal nder belɗum ɓernde naa' nder teddoral. To ɗum wartii teddoral, non wartay walaa ko nafanta'on.

2 Timooti 2:10

Ngam maajum mi munyii nder koo ɗume ngam yimɓe ɓe Allah suɓi, ngam kamɓe maa ɓe keɓa kisndam to Yeesu Almasiihu, hawti e mangu tabbitayɗum.

Luka 12:37

Ɓe barkiɗinaaɓe maccuɓe ɓe joomu wuro maɓɓe tawi e ndeena to o wartoyii. E mi wi'a'on goonga, o taadoto ngam kuugal, o joɗɗinaɓe, o waddanaɓe nyamndu.

Markus 13:37

Ko mbiimi'on, e mi wi'aka koo moye, kanjum woni njooɗee on ciryii!”

Koloosiyanko'en 1:25

Mi wartii maccuɗo tokkuɓe Yeesu barka kuugal ngal Allah hokkiyam. Kuugal ngal woni mi wa'ajina fuu wolde maako.

Roomanko'en 15:19

e kuuɗe kayɗiniiɗe ɗe ngaɗumi laawol bawɗe Ruuhu Allah. Daga Urucaliima mi filake haa yaaki gariiri Iliirikum, mi wa'ajini Habaru Belɗum dow Almasiihu e ɗen ɗon bigeeje fuu.

Markus 13:34

Ɗum bo neɗɗo gaɗuɗo yaadu. Nde o wari dilluki o ali wuro maako nder juuɗe maccuɓe maako, o hokki koo moye kuugal ngal waɗata, o wi'i deenoowo dammugal ngal o daroo e mo reena.

Aafisanko'en 4:12

O waɗu non ngam o siryoo yimɓe maako ngam ɓe kuwa kuugal maako, ngam tokkuɓemo mawna, cembiɗa nder tokkukimo.

2 Timooti 4:17

Ammaa Joomiraawo walliiyam sembiɗiniiyam ngam mi wa'ajina fuu wolde maako ngam yimɓe naa' Yahuudanko'en fuu nana. O hisniiyam daga mayde no ɗum hisnirta neɗɗo daga honduko sembindu.

Maatiyu 25:16

Jaɓuɗo jakaaje jowi on, ɗon e ɗon o dilli o waadi luumo e ceede ɗen haa o heɓi bo maaje.