2 Timooti 4:17 - Fulfulde Nigeria

¹⁷ Ammaa Joomiraawo walliiyam sembiɗiniiyam ngam mi wa'ajina fuu wolde maako ngam yimɓe naa' Yahuudanko'en fuu nana. O hisniiyam daga mayde no ɗum hisnirta neɗɗo daga honduko sembindu.

2 Timooti 4:17 ပူးပေါင်းရင်းမြစ်များ

1 Biiturus 5:8

Curee ko'e mooɗon, njooɗooɗon on ciryii. Ganyo mooɗon Ceyɗan e mo woosoo bo sembindu ɓernundu e mo ɗaɓɓita mo o halkata.

Kuuɗe Lilaaɓe 9:15

Ammaa Joomiraawo wi'imo, “Yahu ngaɗaa ko mbiimaami, ngam mi suɓiimo o huwanayam, o andina inde am yeeso yimɓe naa' Yahuudanko'en e laamiiɓe maɓɓe, e Israa'iilanko'en.

Ibraaniyanko'en 11:33

ngam e ɓe koolii Allah waɗi ɓe koni leyɗe ɗuɗɗe ɓe nyaamiɗe. Ɓe laamorake aadilaaku, ɓe keɓi ko Allah waɗi alkawal. Ɓe maɓɓii konduɗe cembiɗɗi.

Kuuɗe Lilaaɓe 23:11

Nder jemmaare nden Joomiraawo wangi haade Bulus, wi'imo, “Taa' hulu! Non no andinirɗaa habaru am nder Urucaliima, doole ngaɗaa non nder gariiri Rooma.”

2 Biiturus 2:9

Fuu fii ɗu'um hollii'en Joomiraawo e andi no hisnirta kulooɓemo daga torraaji, e no o waɗata ka torrirki kalluɓe haa o hiitooɓe Nyalnde Jaango.

Maatiyu 10:19

Fuu carel ngel ɗum nangi'on ɗum yaari'on yeeso laamu, to' on ngannu dow no metirton, koo ko mbi'oton, ngam nder carel ngel ɗum wi'ay'on ko mbi'oton.

2 Timooti 3:11

e bone ɗum um hokkiyam, e torraaji ɗi njarmi, e ko heɓiyam e Antaakiya e Ikooniya e Listira. Ammaa fuu e non, Joomiraawo hisniiyam nder torraaji ɗin fuu.

1 Timooti 1:12

Mi yettii Yeesu Almasiihu Joomiraawo meeɗen kokkuɗoyam sembe kuugal am. Mi yettiimo ngam o yiiriiyam goonga o suɓiiyam mi huwanamo.

Aafisanko'en 3:8

Koo nde mi pamaro nder yimɓe Allah fuu, Allah suɓiiyam mi wa'ajinana yimɓe naa' Yahuudanko'en dow barka ɗum limataako keɓeteeɗum to Almasiihu.

2 Korintiyanko'en 12:9

ammaa e mo wi'ayam, “Yidde am heƴiima, ngam carel ngel ndulluɗaa sembe, sey bawɗe am kewɗe mbanga.” Ngam non, nder belɗum ɓernde mi ɓeyday mantoraaki ciya sembe am, ngam bawɗe Almasiihu njooɗoo nder am.

Luka 21:15

Ngam mi hokkay'on boliiɗe e andal, haa walaa goɗɗo nder ganyooɓe mooɗon baawayɗo do''uki'on koo yedduki ko mbiiɗon.

Luka 1:1

Yaa Tiyoofilus mawɗo, Yimɓe ɗuɗɓe fuɗɗii winduki habaru dow ko Yeesu waɗi nder amin.

Roomanko'en 15:31

Toree Allah hisnayam daga juuɗe ganyuɓe tokka Yeesu gonɓe leydi Yahuudiya, nden toreemo o waɗa kooliiɓe Yeesu gonɓe Urucaliima njaɓa ceede ɗe njaaranaymiɓe,

2 Timooti 2:1

An, ɓiɗɗo am Timooti, sembuɗu nder barka gonɗum nder sumpootirki e Yeesu Almasiihu.

2 Timooti 2:9

Kanjum waɗi torrotoomi jooni e mi haɓɓiraa ɓoggi njamndi bo gujjo calorɗo, ammaa Wolde Allah haɓɓaaki.

2 Timooti 4:5

Ammaa an, suru hoore maaɗa koo ndeye, munyu nder torra ka njarataa, huwu kuugal wa'ajinki, waɗu fuu kuugal ngal Allah hokkumaa boɗɗum.

Tiitus 1:3

Nde carel maako waɗi, kanko Allah Kisnoowo meeɗen o wanginii goonga kan nder wa'aju, o wi'ii mi wa'ajinaka.