2 Timooti 2:7 - Fulfulde Nigeria

⁷ Nyumu dow ko mbiimi, ngam Joomiraawo hokkete faamu nder koo ɗume.

2 Timooti 2:7 ပူးပေါင်းရင်းမြစ်များ

Yaakubu 1:5

To goɗɗo nder mooɗon dullii faamu, sey o toroo Allah kokkoowo koo moye ɓernde go'o metitataako, o hokkaymo.

1 Yahaya 5:20

En andi Ɓiɗɗo Allah warii duuniyaaru hokki'en andal, ngam anden Allah mo goonga. Barka Yeesu Almasiihu, jooni Allah mo goonga jeyi'en. Kanko woni Allah mo goonga, kokkoowo yonki ki re'ataa.

Luka 24:45

Nden o maɓɓiti faamu maɓɓe ngam ɓe paama Deftere Ceniinde.

Yahaya 14:26

Ammaa e woodi Ballayɗum, waato Ruuhu Allah ɗum Nyaako Mo Dow liloyta nder inde am. Ɗum ekkitinay'on koo ɗume, ɗum siftoranay'on fuu ko mbiimi'on.

Yaakubu 3:17

Ammaa andal ƴiwoyngal daga dow, arande ngal lamngal, nden ngal waddataa wannaare, e ngal wadda hakkiilo, ngal walaa mangu hoore, e ngal heewi yurmeende e kuuɗe boɗɗe. Ngal hollataa feerootirol, ngal walaa ciya goonga.

1 Timooti 4:15

Waɗu ka waɗuki fuu fii ɗu'um, waɗu ɓernde maaɗa dow maajum ngam koo moye yi'a yahuki yeeso maaɗa.

Koloosiyanko'en 1:9

Ngam maajum, daga nyalnde nde min nani habaru ɗum e min ngaɗana'on do'aare. E min toroo Allah waɗa'on ngarton gooduɓe faamu kewɗum dow ko o yiɗi ngaɗon. Ɗonmaa e min toroomo keɓon faamu e andal ɗum Ruuhu Allah hokkata.

Yahaya 16:13

Ammaa carel ngel Ruuhu Allah kollayɗum goonga warii, ɗum andinay'on goonga fuu. Ɗum metataa boliiɗe ɗe hoore maajum, ko ɗum nani tan ɗum metata, nden ɗum wi'ay'on ko waɗata yeeso.

Luka 21:15

Ngam mi hokkay'on boliiɗe e andal, haa walaa goɗɗo nder ganyooɓe mooɗon baawayɗo do''uki'on koo yedduki ko mbiiɗon.

Ibraaniyanko'en 13:7

Nyumee dow ardiiɓe'on, wa'ajinanɓe'on Wolde Allah. Nyumee dow no ɓe njooɗorii, ekkitee no ɓe koolorii Allah.

Ibraaniyanko'en 12:3

Nyumee dow no o munyiri nde gaɗooɓe hakke nganyimo. Non wallay'on to' ngewron itton kammunde.

Ibraaniyanko'en 7:4

Ndaaree iri mangu ɗum o woodi, haa Ibraahim maama maama'en meeɗen hokkiimo jakka nder fuu ko heɓi to konu.

Ibraaniyanko'en 3:1

Ngam non, bandiraaɓe am tokkuɓe Yeesu ɓe Allah noddi, nyumee dow Yeesu, lilaaɗo, Mawɗo Mawɓe Ardiiɓe Diina mo mbi'eten yimɓe en tokka.

Filibiyanko'en 4:8

E re'irde bandiraaɓe am, ngaɗee ka nyumuki dow koo ɗume ko woni ɗum goonga, e ko mawninee, e ko haani, e ko laaɓi, e ko welnanta yimɓe ɓerɗe, e ko ɗum yi'ata e wooɗi, e koo ɗume ngikku boɗɗum, e ko hewti manteeki.

1 Korintiyanko'en 12:8

Ruuhu ɗum, kanjum hokkata goɗɗo dokkal wolde faamu, goɗɗo boo dokkal wolde andal.

Kuuɗe Lilaaɓe 7:10

hisnimo daga torraaji fuu, hokkimo faamu haa Fir'awna laamiiɗo Masar andi ka maako. Fir'awna wartirimo mawɗo nder leydi Masar haa dow wuro muuɗum fuu.

Yaakubu 3:15

Iri nga'al andal naa' daga dow ngal ƴiwoyi, ɗum ngal duuniyaaru. Nden naa' daga to Ruuhu Allah ngal ƴiwoyi, to Ceyɗan ngal ƴiwoyi.

Luka 9:44

“Paamee boɗɗum nanon ko mbi'aymi'on! Ɗum hokkitiray Ɓii Neɗɗo nder juuɗe yimɓe.”

2 Timooti 2:6

Demoowo fijo walaa, kanko haani arta heɓuki ko remaa.

2 Timooti 2:8

Siftor Yeesu Almasiihu. O ummake daga mayde, o warii daga lenyol Dawda, non no nga'ajinirmi.