2 Timooti 2:22 - Fulfulde Nigeria

²² Doggu suuno ngo wooɗaa ngo sukaaku, waɗu ko mbaawataa waɗuki tokkaa aadilaaku, e hoolaaki Yeesu, e yidde, e jonde jam, hawti e yimɓe tokkooɓe Joomiraawo e ɓernde lamnde.

2 Timooti 2:22 ပူးပေါင်းရင်းမြစ်များ

1 Biiturus 2:11

Onon ɓe ngiɗumi, on hoɓɓe nder duuniyaaru ndu'u, onon naa' ɗum ɓe ɗo'o. Ngam non e mi toroo'on, cendiree e suunooji ɓandu giɗɗi halkuki'on.

1 Biiturus 3:11

O ala waɗuki ko halli, o waɗa aadilaaku; o ɗaɓɓita jam e ɓernde go'o.

1 Korintiyanko'en 6:18

Ngoɗɗitee waɗuki njeenu! Koo ɗume hakke ɗum neɗɗo waɗata, ɗum meemataa ɓandu maako, ammaa gaɗoowo njeenu e wonna ɓandu muuɗum.

1 Timooti 6:11

Ammaa an, nde a hoolake Allah, woɗɗita fuu fii ɗu'um. Waɗu hoore maaɗa dow waɗuki ko wooɗi, e tokkuki Allah, e hoolaakimo, e yidde, e munyal, e hakkiilo.

Ibraaniyanko'en 12:14

Ngaɗee ko mbaawoton waɗuki njooɗodooɗon jam e koo moye ngarton ceniiɓe, ngam to naa' e jonde ceniinde walaa gi'ayɗo Joomiraawo.

1 Timooti 4:12

Taa' jaɓu koo moye yawana sukaaku maaɗa, ammaa wartu misaalu to tokkuɓe Yeesu nder meto maaɗa, e ngikku maaɗa, e yidde maaɗa, e hoolaare maaɗa, e jonde maaɗa lamnde.

1 Korintiyanko'en 10:14

Ngam non, onon ɓe ngiɗumi, ngoɗɗitee mawninki gunkiiji.

1 Timooti 1:5

Ko waɗi mbiimi ngaɗaa non woni ngam ɗum waɗa'en ngiɗindiren yidde ƴiwoynde nder ɓernde lamnde e ɓernde kollaynde en ngaɗa ko wooɗi, e ɓernde kooliinde Yeesu e goonga.

3 Yahaya 1:11

Higo am Gaayus mo ngiɗumi, taa' ekkita halleende, ammaa ekkita ngikku boɗɗum. Koo moye gaɗoowo ko wooɗi o ɓiɗɗo Allah. Koo moye gaɗoowo ko halli o andaa Allah koo seɗɗa.

1 Korintiyanko'en 1:10

E mi toroo'on bandiraaɓe ngam inde Joomiraawo meeɗen Yeesu Almasiihu, on fuu njaɓee ko mbi'oton warta go'o ngam to' ɗum heɓa feerootirol hakkunde mooɗon, ammaa nyumo mooɗon e ɓerɗe mooɗon warta go'o.

Roomanko'en 14:19

Ngam maajum, en ngaɗu ko mbaaweten waɗuki ngaɗen ko waddata jonde jam e ko sembiɗindirta'en.

1 Korintiyanko'en 14:1

Ngaɗee ko mbaawoton waɗuki ngarton gooduɓe yidde, nden ɗaɓɓitee dokke Ruuhu Allah, ko ɓuri woni dokkal waɗuki annabaaku.

1 Korintiyanko'en 1:2

Min mbindanngol kawtal yimɓe Allah wonɓe Korinti, ɓe Allah noddi ngarta yimɓe muuɗum. Min mbindanngol yimɓe fuu gonɓe koo toye gaɗooɓe do'aare nder inde Yeesu Almasiihu Joomiraawo meeɗen. Kanko woni Joomiraawo meeɗen e maɓɓe fuu.

Roomanko'en 14:17

Ngam Laamu Allah naa' ɗum nyaamuki e yarki, ammaa ɗum aadilaaku, e jonde jam, e belɗum ɓernde keɓeteeɗum barka Ruuhu Allah.

Kuuɗe Lilaaɓe 9:14

O wardii e ɗerewol ɗo'o daga to mawɓe ardiiɓe diina, ngam o nanga noddiraaɓe inde maaɗa fuu.”

1 Timooti 2:8

Ngam non e mi yiɗi to tokkuɓe Yeesu kawriti fuu, worɓe ngaɗa do'aare e ɓe ƴefta juuɗe ceniiɗe naa' nder monnere koo geddi.

1 Timooti 1:14

Joomiraawo meeɗen yaafanakeyam hakke caahu, nden o hokkiiyam hoolaare e yidde gonde nder Yeesu Almasiihu.

Kuuɗe Lilaaɓe 7:59

E ɓe kuboroomo kaaƴe, kanko boo e mo waɗa do'aare e mo wi'a, “Yaa Yeesu Joomiraawo, jaɓu yonki am!”