2 Timooti 2:15 - Fulfulde Nigeria

¹⁵ Waɗu ko mbaawataa waɗuki ngam ngartiraa hoore maaɗa ko jaɓetee to Allah, kuwoowo mo nanataa cemtuɗum, ekkitinoowo wolde goonga no nde wontindiri.

2 Timooti 2:15 ပူးပေါင်းရင်းမြစ်များ

1 Tasaloonikanko'en 2:4

Ammaa non no Allah hooloriimin hokkimin kuugal wa'ajinki Habaru Belɗum, non min nga'ajinirtaɗum, naa' ngam min mbelnana yimɓe ɓerɗe, ammaa ngam min mbelnana Allah ɓernde kanko poondoowo ɓerɗe amin.

2 Biiturus 1:10

Ngam non, bandiraaɓe, ngaɗee ko mbaawoton waɗuki tabbitinon noddol e cuɓol ngol Allah waɗani'on. To on ngaɗii non, on njanataa.

1 Timooti 4:6

Taa ekkitinii tokkuɓe Yeesu niini, a wartay kuwanoowo Yeesu Almasiihu boɗɗo mawnoowo nder boliiɗe goonga ɗe hoolaaki Yeesu e ekkitinol bongol ngol tokkuɗaa.

2 Korintiyanko'en 10:18

Ngam naa' manoowo hoore muuɗum woni jaɓaaɗo; jaɓaaɗo woni mo Joomiraawo mani.

2 Korintiyanko'en 5:9

Ngam non, ko min ngiɗi woni min mbelnanamo ɓernde, koo e min nder ndu'u ɓandu koo e ton dow.

2 Korintiyanko'en 4:2

Min nganyii huwuki kuuɗe cuuɗiiɗe cemtiniiɗe. Min majjintaa yimɓe, min ngaylitataa ma'ana Wolde Allah. Ammaa e min mbi'a goonga e njayri. Laawol waɗuki non, koo moye anday nder ɓernde muuɗum yeeso Allah minon e min ngoodi goonga.

2 Biiturus 3:14

Ngam non, onon ɓe ngiɗumi, nde on keɗii nden ɗon nyalnde, ngaɗee ko mbaawoton waɗuki njooɗooɗon jonde lamnde e aadilaaku yeeso Allah e ɓernde waltiinde.

Galaatiyanko'en 1:10

Too, jooni yidde yimɓe ɗaɓɓitaymi, koo yidde Allah? Koo boo e mi ɗaɓɓita welnanki yimɓe ɓerɗe? Naa' non! Daa haa jooni yimɓe ɗaɓɓitaymi welnanki ɓerɗe, daa mi wartaayi maccuɗo Almasiihu.

2 Biiturus 1:15

Mi waɗay ko mbaawaymi waɗuki mi yi'a on njogake fii ɗu'um nder ɓerɗe mooɗon koo ngele carel gaɗa mi alii duuniyaaru ndu'u.

Aafisanko'en 1:13

Onon maa, on ngartii yimɓe Allah carel ko nanɗon wolde goonga, waato Habaru Belɗum dow Yeesu gaddanɗum'on kisndam. On koolakemo, Allah boo hokkii'on Ruuhu muuɗum ɗum o waɗani'on alkawal. Ruuhu ɗum hollii on ngartii ɓe maako.

1 Tasaloonikanko'en 5:14

Ɗonmaa e min toroo'on bandiraaɓe, kaɓanee ɓe ngiɗaa kuugal, cembiɗinee gewruɓe, mballee ɓe cembiɗaa, ngaadee munyal e koo moye.

2 Korintiyanko'en 3:6

Kanko waɗi min mbaawi wartuki ekkitinooɓe Alkawal Kesal. Alkawal ngal boo daraaki dow dooka bindaaɗum, ammaa dow Ruuhu maako ngal dari. Ngam dooka bindaaɗum e fooɗa mayde, ammaa Ruuhu e hokka yonki ki re'ataa.

Roomanko'en 14:18

Ngam koo moye kuwanoowo Almasiihu e waɗa iri ngikku ɗu'um o belnanoowo Allah ɓernde; yimɓe boo kokkaymo mangu.

Ibraaniyanko'en 4:11

Ngam non en ngaɗu ko mbaaweten waɗuki ngam natten siwtaare nden ɗon. To' goɗɗo meeɗen waɗa no ɓen ton, wanya ko Allah wi'i dulla siwtaare nden.

Yaakubu 1:18

Ɗum cuɓol maako o hokki'en yonki kesum barka wolde goonga, ngam ngarten bo ko arti ɓenduki nder ko o tagi.

1 Korintiyanko'en 2:6

Fuu e non, to e min metana keewuɓe nder hoolaaki Yeesu, e min metira faamu, ammaa naa' iri faamu ɗum jaamanu ɗu'um, koo faamu laamotooɓe jaamanu ɗu'um ɓe laamu de'oojum.

Kuuɗe Lilaaɓe 2:22

Ɗonmaa Biiturus wi'i, “Yimɓe Israa'iila, nanee boliiɗe ɗe'e: Allah hollii'on o suɓii Yeesu Najarankeejo ngam o hokkiimo bawɗe huwuki kuuɗe mawɗe e kuuɗe kayɗiniiɗe e alaamaaji ɗi o waɗi nder mooɗon. Onon e ko'e mooɗon on andi ko waɗi.

Kuuɗe Lilaaɓe 20:27

Ngam mi wa'ajinanii'on ko Allah yiɗi fuu, mi suuɗaayi'on koo ɗume.

Maatiyu 13:52

Sey o wi'iɓe, “Too, fuu moodibbo Attawra ekkitiiɗo dow Laamu Allah e mo nandi e joomu wuro burtinɗo jawdi keyri e kiindi nder ndesa muuɗum.”

Roomanko'en 16:10

Kownaneeyam Afaalis, mo ɗum tabbitini e tokka Almasiihu e goonga. Kownaneeyam Aristobulus e iyaalu maako e fuu tokkuɓe Yeesu gonɓe nder wuro maako.

Luka 12:42

Yeesu nootii wi'i, “Moye woni kuwoowo mo goonga mo faamu, mo joomu wuro muuɗum yowi dow maccuɓe muuɗum, ngam o hokkaɓe nyamndu nder carel?

Markus 4:33

Yeesu huutirii iri misaalu ɗu'um ɗuɗɗum, o wa'ajinaniɓe Wolde Allah haa keerol no ɓe mbaawi faamuki.

Roomanko'en 6:13

To' on puɗɗutu alanon hakke wonde jokkoode ɓandu mooɗon nde huutiree fii kalluɗum. Ammaa kokkee Allah ko'e mooɗon bo yimɓe ɓe ɗum ummini daga mayde yaaki yonki, nden kokkonmo fuu ko'e mooɗon ngam o huutira'on kuuɗe aadilaaku.

Yaakubu 1:12

O barkiɗinaaɗo fuu munyuɗo nder torra, ngam to o heɓii jaalorgal dow torra kan, Allah hokkaymo giifol ngol o waɗani yiɗuɓemo alkawal, waato yonki ki re'ataa.