2 Timooti 2:14 - Fulfulde Nigeria

¹⁴ Waɗu ka siftorankiɓe fuu fii ɗu'um, wagginɓe yeeso Allah ɓe ngoɗɗitoo yeddootirki dow boliiɗe, ngam walaa ko ɗum nafi, sey ni ɗum wonna nanooɓe.

2 Timooti 2:14 ပူးပေါင်းရင်းမြစ်များ

2 Timooti 2:23

Taa' nattin hoore maaɗa nder geddi meereeji ɗi ngalaa hoore, ngam a andi e ɗi ngadda hawre.

2 Timooti 4:1

E mi wagginmaa yeeso Allah e Yeesu Almasiihu gaɗanoowo ɓe yonki e mayɓe kiita. Ngam so''oyaaki maako duuniyaaru e laamu maako, e mi wi'umaa,

Roomanko'en 14:1

Njaɓee fuu tokkuɗo Yeesu gooduɗo hoolaare nde sembiɗaa, ammaa to' on ngeddootir e maako dow nyumol maako.

Ibraaniyanko'en 13:9

To' on njaɓu ekkitinol ngol tokkaayi laawol goonga majjina'on. E ɗum wooɗi yidde Allah sembiɗina ɓerɗe meeɗen, naa' tokkuki dookaaji dow nyamndu. Iri ɗin ɗon dookaaji nafantaa tokkooɓeɗi.

1 Timooti 5:21

Yeeso Allah e Yeesu Almasiihu e malaa'ika'en ceniiɓe, e mi wagginmaa taa' waɗu yidde hoore nder waɗuki ko mbiimaami.

Kuuɗe Lilaaɓe 15:24

Min nanii habaru woɓɓe nder amin umminanii'on hakkiilo e metemeteeji maɓɓe e ɓe nganna'on, koo nde naa' minon liliɓe.

2 Biiturus 1:13

E yiiki am e haani, to ni e mi woodi yonki, mi waɗa ka siftoranki'onɗum.

1 Timooti 6:13

Yeeso Allah gaɗanɗo koo ɗume yonki, e yeeso Yeesu Almasiihu biiɗo goonga dow muuɗum yeeso Bilaatus kulol walaa,

2 Tasaloonikanko'en 3:6

Bandiraaɓe, e min mbi'a'on nder inde Joomiraawo meeɗen Yeesu Almasiihu, doole ngoɗɗitooɗon koo moye dakkiiɗo tokkuɗo Yeesu mo tokkataa ko min ekkitini'on.

2 Timooti 2:16

Woɗɗita haala meereha ka walaa kulol Allah, ngam ka waɗay yimɓe ɓeyda woɗɗitaaki Allah.

1 Timooti 4:8

Koo nde ekkitinki ɓandu nafante seɗɗa, tokkuki Allah nafante keerol walaa. Ngam taa waɗii non, ɗum nafante jooni, nden ɗum nafante nder yonki ki keɓataa gaɗa mayde.

Aafisanko'en 4:17

E mi wi'a'on ɗu'um, e mi ɓeyda wagginki'on nder inde Joomiraawo, alee jonde iri nde heeferɓe ɓe nyumooji meere.

Galaatiyanko'en 1:7

Goonga, walaa goɗɗum Habaru Belɗum feere, ammaa e woodi woɓɓe yimɓe gannooɓe'on. E ɓe ngiɗi waylutuki Habaru Belɗum ɗum Almasiihu.

Kuuɗe Lilaaɓe 13:10

wi'imo, “An ɓii Ceyɗan, a ganyo koo ɗume boɗɗum, keewuɗo ƴoyre kallunde e nganyaandi. A yiɗi waylutuki goonga Joomiraawo ka warta fewre?

Maatiyu 16:26

Ko ɗum nafanta neɗɗo to o heɓii duuniyaaru fuu, ammaa dullii yonki maako? Koo boo ko neɗɗo waawata hokkuki ngam jaɓtoya yonki muuɗum?

2 Timooti 1:6

Ngam non e mi toromaa, ɓeydu huutirki dokkal ngal Allah hokkumaa carel ko njowanmaami juuɗe.

1 Timooti 1:6

Woɓɓe yimɓe nde ali waɗuki non, ɓe majjii laawol goonga, ɓe puɗɗi metuki haalaaji meereeji.

1 Timooti 1:4

Wi'uɓe ɓe cendira e habaruuji fewre ɗin ɗon e feerootirki lenyol ki walaa keerol, ngam iri non hollataa no ɗum hoolortoo Allah, sey ni ɗum ummina geddi tan.

1 Tasaloonikanko'en 4:1

E re'irde bandiraaɓe, e min toroo'on, ngam Yeesu Joomiraawo, ngaɗee jonde kaanunde nde Allah nanata belɗum mayre, non no ekkitiiɗon to amin, non no njooɗoriiɗon jooni. Ɓeydee jooɗoraaki non.

Tiitus 3:1

Ciftoranaa tokkuɓe Yeesu ɓe tokka laamiiɓe e ardiiɓe ɓe ngaɗa ko ɓe mbi'i, ɓe ciryoo ngam huwuki koo iri ngale kuugal bongal.