2 Timooti 2:12 - Fulfulde Nigeria

¹² To en munyii, en laamodoto e maako. To en nganyiimo, kanko maa o wanyay'en.

2 Timooti 2:12 ပူးပေါင်းရင်းမြစ်များ

Roomanko'en 8:17

Jooni nde en ɓiɓɓe, en ngartii donooɓe. En ndonay fii boɗɗum ɗum Allah resani yimɓe maako, kadin en donidooɓe e Almasiihu, to ni en njardii torra e maako ngam keɓen teddungal hawti e maako.

Maatiyu 10:33

Ammaa fuu ganyuɗoyam yeeso yimɓe, min maa mi wanyaymo yeeso Nyaako am Mo Dow.

Wahayu Yahaya 20:4

Nden mi yi'ii jooɗorle laamu, woɓɓe e njooɗii dow maaje. Kamɓe ngoni kokkaaɓe laamu waɗuki kiita. Ɗonmaa mi yi'ii yonkiiji ɓe ɗum ittani ko'e ngam ɓe nga'ajinii habaru Yeesu e Wolde Allah. Kamɓe ngoni ɓe mawninaayi ndin ɗon mardi koo ngunkiwa nandunga e mayri, ɓe njaɓaayi ɗum waɗanaɓe alaama mayri e tiiɗe maɓɓe koo e juuɗe maɓɓe. Ɓe puɗɗiti ɓe keɓii yonki, ɓe laamodii e Almasiihu haa duuɓi 1,000.

Wahayu Yahaya 20:6

Ɓe barkiɗinaaɓe ɓe ceniiɓe yimɓe gooduɓe geɗal nder kin ɗon ummaaki arandehi. Mayde ɗiɗawre meemataaɓe, waato ɓe nattataa wuro hiite, ɓe ngartay kuwanooɓe Allah e Almasiihu, ɓe laamodoto e maako haa duuɓi 1,000.

Luka 12:9

Ammaa ganyuɗoyam yeeso yimɓe, mi wanyaymo yeeso malaa'ika'en Allah.

Wahayu Yahaya 5:10

A wartiriiɓe yimɓe maaɗa ardiiɓe diina ngam ɓe kuwana Allah meeɗen, ɓe laamoto e duuniyaaru.”

Luka 9:26

Koo moye ganyuɗoyam, min Ɓii Neɗɗo e boliiɗe am, mi wanyaymo to mi wartoyii nder teddungal am, e nder teddungal Nyaako am Mo Dow, e malaa'ika'en maako ceniiɓe.

Wahayu Yahaya 2:13

E mi andi to njooɗiiɗon; on njooɗoo to Ceyɗan laamotoo. Fuu e non, on ngaɗa ko mbiimi'on, on alaayi hoolaakiyam koo nde ɗum wari Antifas ga'ajinɗo dow am mo goonga.

Wahayu Yahaya 1:9

Min woni Yahaya bandiraawo mooɗon nder tokkuki Yeesu. En njara torra ngam en yimɓe nder laamu maako, ammaa o hokkii'en ɓerɗe munyal. Ɗum yaariiyam leydi ngondi caka ndiyam bi'eteendi Batamos ngam mi wa'ajinii Wolde Allah mi hokkii habaru Yeesu.

Yahuuda 1:4

Mi wi'u ɗu'um ngam woɓɓe yimɓe nattii nder mooɗon e suuɗe. Ɓe kulataa Allah, e ɓe mbi'a Allah yaafanto'en hakke, ngam non en ngaɗu ka waɗuki hakke. Ɓe nganyii Mawɗo meeɗen Joomiraawo meeɗen go'oto tan mo ngooduɗen, Yeesu Almasiihu. Aayaaje bindaaɗe ko neeɓi mbi'i ɗum taƴanayɓe kiita kalluka.

Filibiyanko'en 1:28

naa' nder kulol wanywanyɓe mooɗon koo seɗɗa. Non woni alaama tabbitinanayɗumɓe ɓe kalkay, ammaa onon ɗum tabbitinki kisndam mooɗon. Ɗum fuu Allah woni gaɗayɗoɗum.

Markus 8:38

Koo moye ganyuɗoyam e boliiɗe am nder ɗu'um jaamanu ɗum hakke, ɗum walaa goonga, min Ɓii Neɗɗo mi wanyaymo to mi wartidoyii e malaa'ika'en ceniiɓe nder teddungal Nyaako am Mo Dow.”

Maatiyu 26:35

Ammaa Biiturus wi'imo, “Koo ɗum wardayyam e maaɗa, mi wi'ataa mi andaama.” Horiiɓe ɓen maa mbi'i non.

Wahayu Yahaya 3:8

E mi andi kuuɗe mooɗon. Raa mi alanii'on dammugal e maɓɓitii, walaa baawayɗo maɓɓukingal. E mi andi on cembiɗaa, ammaa fuu e non on tokka ko mbiimi, on nganyaayi wi'uki on tokkuɓeyam.

Kuuɗe Lilaaɓe 14:22

E ɓe cembiɗina ɓerɗe tokkuɓe Yeesu, e ɓe mbagginaɓe ɓe ndaroo e sembe nder tokkuki Yeesu. Ɓe mbi'iɓe, “Sey e torraaji ɗuɗɗi keɓeten nattuki Laamu Allah.”

Markus 10:33

o wi'i, “Raɗɗum, en njahay Urucaliima, nden ɗum waɗay Ɓii Neɗɗo nder juuɗe mawɓe ardiiɓe diina e moodiɓɓe Attawra. Ɓe taƴanaymo kiita mayde, nden ɓe ngaɗamo nder juuɗe yimɓe naa' Yahuudanko'en,

Maatiyu 26:75

Sey Biiturus siftori ko Yeesu wi'unoomo wi'uki, “Ko njakardi hana a wi'ay nde tati a andaayam.” Sey o wurtii yaasi o woyi bojji nawɗi.

Wahayu Yahaya 1:6

O wartirii'en yimɓe maako ardiiɓe diina kuwanooɓe Allah Nyaako maako. Mangu e laamu tabbita to Yeesu Almasiihu haa abadaa abadin. Aamin.

Luka 22:29

No Nyaako am Mo Dow hokkiriyam laamu, non min maa, mi hokkii'on laamu

Luka 22:30

nyamdon e am njardon e am nder laamu am, nden njooɗooɗon dow jooɗorle laamu, on laamoo lenyi Israa'iila sappo e ɗiɗi.

Roomanko'en 5:17

Ngam hakke ɗum neɗɗo go'oto waɗi, mayde fuɗɗi laamaaki dow koo moye. Ammaa laamu ɗum, ɗum hewtaayi koo ɗume to ɗum hawtaama e laamu ɗum neɗɗo go'oto waddi, waato Yeesu Almasiihu. Koo moye mo Allah holli yidde mawnde wartiriimo aadiliijo caahu, o heɓay jaalorgal dow hakke barka Almasiihu.

1 Timooti 5:8

Fuu mo wallaayi bandiraaɓe muuɗum, ko ɓuri maa wuro muuɗum, o alii hoolaaki Yeesu e goonga, o ɓurii mo tokkaayi Yeesu halluki.

Wahayu Yahaya 3:10

Nde on njogake wolde am nder munyal e sembe ɓernde, mi suranay'on torra garanayka duuniyaaru ngam ɗum foonda yimɓe mayru.

Wahayu Yahaya 3:21

Fuu keɓuɗo jaalorgal o laamodoto e am nder laamu am, non no keɓirmi jaalorgal e mi laamodoo e Nyaako am nder laamu maako.