2 Timooti 1:5 - Fulfulde Nigeria

⁵ Mi siftorii no kooloriɗaa Yeesu e ɓernde go'o, non no maama maaɗa Looyis e maduujo maaɗa Yunis kooloriimo ɓernde go'o, nden jooni boo mi tabbitinii an maa a hoolakemo non.

2 Timooti 1:5 ပူးပေါင်းရင်းမြစ်များ

1 Timooti 1:5

Ko waɗi mbiimi ngaɗaa non woni ngam ɗum waɗa'en ngiɗindiren yidde ƴiwoynde nder ɓernde lamnde e ɓernde kollaynde en ngaɗa ko wooɗi, e ɓernde kooliinde Yeesu e goonga.

Kuuɗe Lilaaɓe 16:1

Bulus yahi gariiri Darbe e gariiri Listira. To Listira boo e woodi goɗɗo kooliiɗo Yeesu bi'eteeɗo Timooti. Maduujo maako no Yahuudankeejo tokkuɗo Yeesu, nyaako maako boo no Helenankeejo.

1 Timooti 4:6

Taa ekkitinii tokkuɓe Yeesu niini, a wartay kuwanoowo Yeesu Almasiihu boɗɗo mawnoowo nder boliiɗe goonga ɗe hoolaaki Yeesu e ekkitinol bongol ngol tokkuɗaa.

2 Timooti 3:15

A andi daga a sukayel pamarel anduɗaa defte ceniiɗe, baawayɗe kollumaa laawol kisndam barka hoolaaki Yeesu Almasiihu.

Roomanko'en 15:14

Bandiraaɓe am, min e hoore am mi tabbitinii onon e ko'e mooɗon on ngoodi ngikku boɗɗum naa' seɗɗa, on keewuɓe andal, nden on mbaaway ekkitindiron.

Ibraaniyanko'en 6:9

Koo nde e min metira niini, fuu e non, onon ɓe min ngiɗi, min tabbitinii onon on dow laawol bongol, laawol kisndam.

2 Timooti 1:12

Kanjum waɗi e mi yara bone ɗu'um niini, ammaa fuu e non mi semtaayi ngam e mi andi mo kooliimi. Mi tabbitinii o waaway reenuki ko o hokkiyam yaaki Nyalnde Jaango.

2 Korintiyanko'en 6:6

Min kollii min maccuɓe Allah ɓe goonga nder laɓki ɓerɗe ki min ngoodi, e andal, e munyal, e no min mballirta yimɓe, e Ruuhu Allah ɗum min ngoodi, e yidde nde goonga,

Roomanko'en 8:38

Ngam mi tabbitinii walaa ko waawata haɗa Almasiihu yiɗuki'en, koo mayde, koo yonki, koo malaa'ika'en, koo ko laamotoo dow, koo jaamanu ɗu'um, koo jaamanu garayɗum, koo bawɗe,

Roomanko'en 4:21

O tabbitinii Allah waaway waɗa ko waɗi alkawal.

Ibraaniyanko'en 11:13

Yimɓe ɓe'e fuu maayii e koolii Allah. Ɓe keɓaayi alkawal ngal, ammaa ɓe kaynakengal ɓe nanii belɗum maagal. Ɓe mbi'ii e njayri ɓe hoɓɓe ɓe garɓe nder duuniyaaru ndu'u.

Roomanko'en 14:14

E mi andi mi tabbitinii ngam sumpo am e Yeesu Joomiraawo, walaa nyamndu ndu laaɓaa yeeso Allah. Ammaa fuu koccuɗo wondu nyamndu bo ndu laaɓaa, too, to maako ndu laaɓaa.

Roomanko'en 14:5

Goɗɗo hoccii wonde nyalnde ɓurii wonde mangu, goɗɗo boo hoccii nyalɗe fuu e pottidi. Koo moye mooɗon tabbitina ko faami.

Kuuɗe Lilaaɓe 26:26

Agarifa laamiiɗo e andi fii ɗu'um fuu. Kanjum waɗi mi hulaayi metuki yeeso maako. Mi tabbitinii e mo andi koo ɗume no wontindiri, ngam ɗum waɗaaka e suuɗe.

Yahaya 1:47

Nde Yeesu yi'i Nataaniyal e waroya to muuɗum, sey meti dow maako, wi'i, “Raa Israa'iilankeejo mo goonga mo fewataa.”

1 Biiturus 1:22

Tokkuki goonga laaɓinanii'on ɓerɗe on ngiɗindiri yidde nde goonga. Ngam maajum, ngiɗindiree e ɓernde go'o.