2 Timooti 1:3 - Fulfulde Nigeria

³ E mi yetta Allah mo kuwanaymi e ɓernde lamnde, no maama'en am ngaɗi. E mi yettamo koo ngele carel ngel ngaɗanaymaami do'aare jemma e nyalawma.

2 Timooti 1:3 ပူးပေါင်းရင်းမြစ်များ

Ibraaniyanko'en 13:8

Yeesu Almasiihu e ɗon no wontindiri keenya e hande e haa abadaa.

Kuuɗe Lilaaɓe 23:1

Bulus sutii Kawtal Mawɓe, wi'iɓe, “Bandiraaɓe am, e ɓernde laaɓunde tokkirmi Allah daga arande haa warki hande.”

Kuuɗe Lilaaɓe 24:14

E mi andi e ɓe mbi'a Laawol Yeesu ngol tokkumi ɗum fewre, ammaa e mi mawnina Allah mo maama'en amin, e mi hoolii ko windaa nder Attawra e defte annabo'en fuu.

1 Timooti 1:19

a hooloomo e ɓernde lamnde. Woɓɓe yimɓe nde nganyi waɗuki non, ɓe lallinii hoolaare maɓɓe.

1 Timooti 1:5

Ko waɗi mbiimi ngaɗaa non woni ngam ɗum waɗa'en ngiɗindiren yidde ƴiwoynde nder ɓernde lamnde e ɓernde kollaynde en ngaɗa ko wooɗi, e ɓernde kooliinde Yeesu e goonga.

Kuuɗe Lilaaɓe 24:16

Kanjum waɗi koo ndeye nyalnde e mi yiɗi jooɗodaaki e ɓernde laaɓunde yeeso Allah e yeeso yimɓe.

Kuuɗe Lilaaɓe 22:3

“Min mi Yahuudankeejo danyaaɗo gariiri Tarsus nder leydi Kiliikiya. Ammaa ɗo'o Urucaliima mawnumi. Gamaaliya woni moodibbo am. Kanko janginiyam Attawra maama'en meeɗen. E mi tokki Allah e ɓernde go'o non no tokkirɗonmo hande.

2 Timooti 3:15

A andi daga a sukayel pamarel anduɗaa defte ceniiɗe, baawayɗe kollumaa laawol kisndam barka hoolaaki Yeesu Almasiihu.

2 Timooti 1:5

Mi siftorii no kooloriɗaa Yeesu e ɓernde go'o, non no maama maaɗa Looyis e maduujo maaɗa Yunis kooloriimo ɓernde go'o, nden jooni boo mi tabbitinii an maa a hoolakemo non.

1 Tasaloonikanko'en 3:10

Jemma e nyalawma e min ngaɗa do'aare naa' seɗɗa ngam min puɗɗita min ngi'a'on gite e gite, min kebbitina ko ndulluɗon nder hoolaare mooɗon.

Aafisanko'en 1:16

mi alaayi yettuki Allah ngam mooɗon, e mi waɗana'on do'aare koo ndeye.

Galaatiyanko'en 1:14

Mi luggii nder diina Yahuudanko'en haa mi ɓurii ɗuɗɓe nder Yahuudanko'en walde'en am, e mi woodi yidde tokkuki ndonuuji maama'en am naa' seɗɗa.

2 Korintiyanko'en 1:12

Ko min mantortoo woni ɓerɗe amin e tabbitinanamin min ngaɗii jonde nder duuniyaaru nder senaaki e goonga ƴiwoyɗum to Allah, hakko maa nder mooɗon. Min njooɗori non naa' dow andal iri ngal yimɓe duuniyaaru, ammaa yidde Allah wallimin.

Roomanko'en 9:1

Ko mbi'aymi ɗum goonga. Almasiihu jeyiyam, ngam non mi fewataa. Ruuhu Allah e laamoo ɓernde am nde tabbitinaniiyam ko mbi'aymi naa' ɗum fewre.

Kuuɗe Lilaaɓe 27:23

Allah jeyɗoyam mo mawninaymi liloyii malaa'ikaajo muuɗum, o warii to am jemma.

Kuuɗe Lilaaɓe 26:4

“Yahuudanko'en fuu e andi jonde am daga ko mi sukayel pamarel. E ɓe andi no njooɗoriimi nder leydi am e nder Urucaliima fuu.

Luka 2:37

Gaɗa goriiko maayi, o jooɗii o te'aaka haa duuɓi maako ngaɗi 84. Koo ndeye e mo yaha Wuro Ceniingo e mo mawnina Allah, e mo suumoo, e mo waɗa do'aare jemma e nyalawma.

1 Timooti 5:5

Debbo mo gorko muuɗum maayi alaaɗo kanum tan walaa ballayɗomo, o waɗii ɓernde maako dow Allah won ɗon, e mo waɗa ka do'aare e mo toroomo jemma e nyalawma.