2 Timooti 1:10 - Fulfulde Nigeria

¹⁰ Jooni boo o wanginanii'en yidde nden barka Kisnoowo meeɗen Yeesu Almasiihu, gartirɗo sembe mayde meere. Kanko holli'en laawol ngol tokketen kisen keɓen yonki ki re'ataa barka Habaru Belɗum.

2 Timooti 1:10 ပူးပေါင်းရင်းမြစ်များ

1 Yahaya 1:2

On ɗon kokkoowo yonki on, ɗum wanginaniiminmo, min ngi'imo. Dow maako min kokkata ceyda, ɗonmaa e min nga'ajinana'on wiiki kanko woni mo yonki ki re'ataa. Daga ndenno e mo wondi e Nyaako Mo Dow, nden ɗum wanginaniiminmo.

Roomanko'en 16:26

Ammaa jooni ɗum wanginaama e njayri, ɗum andiniiɗum leƴƴi duuniyaaru fuu laawol defte ɗe annabo'en mbindi. Allah tabiiɗo wi'ii ɗum waɗa non ngam leƴƴi duuniyaaru fuu kooloomo tokka ko o wi'i.

2 Biiturus 3:18

Ammaa ɓeydee yidde e yurmeende e anduki Joomiraawo meeɗen Kisnoowo meeɗen Yeesu Almasiihu. Teddungal tabbita to maako jooni e haa abadaa! Aamin.

Tiitus 2:11

Ngam Allah hollii yidde mawnde nde o waɗi laawol kisndam ngam yimɓe fuu.

1 Korintiyanko'en 15:26

Ganyo kalketeeɗo gaɗa koo ɗume, kanko woni mayde.

Roomanko'en 2:7

Yimɓe munyuɓe nder waɗuki ko wooɗi, ɗaɓɓutuɓe teddungal e mangu e yonki ki re'ataa, kamɓe Allah hokkata yonki ki re'ataa.

2 Timooti 1:1

Min Bulus mo Allah suɓi mi warta lilaaɗo Yeesu Almasiihu windi ɗerewol ngo'ol. Allah suɓiiyam ngam mi hokka habaru yonki ki ɗum waɗi alkawal heɓuki nder tokkuki Yeesu.

Aafisanko'en 1:9

Nder faamu maako e andal maako, o hollii'en sirru ko o yiɗi o waɗa barka Almasiihu.

Yahaya 14:6

Yeesu wi'imo, “Min woni laawol, min woni goonga, min woni yonki. Walaa jahayɗo to Nyaako Mo Dow sey to tokkiiyam.”

Wahayu Yahaya 22:17

Ruuhu Allah e Ɓaŋaaɗo e ɓe mbi'a, “Woroy!” Koo moye nanuɗo ɗu'um fuu wi'a, “Woroy!” Fuu nanɗo ɗonka wara, fuu giɗɗo sey nyeɗa ndiyam yonki caahu.

Wahayu Yahaya 22:14

Ɓe barkiɗinaaɓe laɓɓinɓe kolte maɓɓe ngam ɓe keɓa nattuki gariiri ndin ɓe nyaama ɓikkoy lekki yonki.

Wahayu Yahaya 18:1

Gaɗa non mi yi'ii goɗɗo malaa'ikaajo e jippoyoo daga dow. E mo woodi laamu mawɗum teddungal maako yeynanii duuniyaaru fuu.

Wahayu Yahaya 2:7

“Fuu gooduɗo noppi nanooji nana ko Ruuhu Allah wi'ata kawte tokkuɓe Yeesu. “Fuu keɓuɗo jaalorgal mi alaymo o nyaama ɓikkoy lekki kokkoohi yonki wonki nder ngesa Allah.

2 Biiturus 3:2

E mi yiɗi ciftoron e ko annabo'en Allah mbi'unoo ndenno, e ko Joomiraawo meeɗen Kisnoowo meeɗen wi'i ɗum waɗa daga konduɗe lilaaɓe maako ɓe o liloyi to mooɗon.

2 Biiturus 2:20

To yimɓe kisii daga kuuɗe kalluɗe ɗe duuniyaaru ngam ɓe andii Yeesu Almasiihu Joomiraawo meeɗen e Kisnoowo meeɗen, nden daga gaɗa ɓe co''ii ɓe natti iri kuuɗe kalluɗe ɗen ɗon, haa ɗe njarii ko'e maɓɓe, re'irde jonde maɓɓe ɓuray fuɗɗoode maɓɓe halluki.

2 Biiturus 1:11

Non ɗum jaɓɓortoo'on jaɓɓaaki boɗki nder laamu tabitayɗum ɗum Joomiraawo meeɗen Kisnoowo meeɗen Yeesu Almasiihu.

2 Biiturus 1:3

Allah nder bawɗe muuɗum hokkii'en fuu ko haani ngam waɗuki jonde kulol maako. O hokkii'enɗum ngam en andi Yeesu Almasiihu nodduɗo'en barka teddungal maako e ngikku maako boɗɗum.

Ibraaniyanko'en 10:32

Ammaa ciftoree balɗe arandeeje ɗe ɗum famtini'on dow Almasiihu. On munyii nder yarki torra kalluka.

Tiitus 3:4

Ammaa nde Allah Kisnoowo'en wangini yurmeende e yidde muuɗum,

Tiitus 2:13

En keɗoo nyalnde barkiɗinaande nde kaaɓuɗen, nyalnde nde teddungal Allah meeɗen mawɗo Yeesu Almasiihu Kisnoowo wangata.

2 Tasaloonikanko'en 2:8

Gaɗa ɗon ɗum wanginay Kalluɗo on, sey Yeesu Joomiraawo wariramo e foofaango honduko muuɗum, nden halkiramo teddungal wartuki muuɗum.

Aafisanko'en 1:18

E mi waɗa do'aare kadin Allah maɓɓita ɓerɗe mooɗon ngam andon kammunde nde o noddiri'on e barka mawɗum ɗum o waɗani yimɓe maako alkawal.

Galaatiyanko'en 5:4

Onon giɗuɓe wartuki aadili'en ngam tokkuki Attawra, on cendirii e Almasiihu, on cendirii e caahu Allah.

2 Korintiyanko'en 5:4

Nge'el carel ngel min ngondi nder lukuru ɗum duuniyaaru, waato ɓandu amin, e min otta ngam torraaji ɗi ɓandu ndun yarata. Naa' ngam e min ngiɗi sendirki e ɓandu ndun, ammaa e min ngiɗi ɗum ɓornamin ɓandu amin ndu dow, ngam ɓandu ndu maayataa hocca njayri ɓandu maayayndu.

1 Korintiyanko'en 4:5

Ngam non, to' on mbi'u goɗɗo waɗii kuugal ngal Allah hokkimo boɗɗum, koo o waɗaayingal boɗɗum. Keɗee naa nyalnde nde Joomiraawo warti. Koo ɗume cuuɗiiɗum nder nyiwre o wurtinayɗum e njayri, nden o wurtinay nyumooji gonɗi nder ɓerɗe yimɓe e njayri. E carel ngel Allah wi'ay koo neɗɗo waɗii kuugal ngal o hokkimo boɗɗum koo waɗaayingal boɗɗum.

Roomanko'en 6:6

En andi ngikku meeɗen ɗum ndenno ɗum wardaama e Almasiihu dow gaafaangal, ngam ɓandu meeɗen ndu hakke halkee, ngam to' puɗɗiten ngarten maccuɓe hakke.

Roomanko'en 3:31

To ɗum non, en alay tokkuki Attawra ngam en koolake Yeesu? Ɗum waɗataako! Sey ni, en tabbitinaɗum.

Kuuɗe Lilaaɓe 13:23

Daga nder lenyol Dawda on Allah wurtini Yeesu, kisnoowo Israa'iila non no o waarunoo alkawal.

Kuuɗe Lilaaɓe 5:31

Allah hokkiimo mangu, jo''iniimo e jungo muuɗum nyaamo, wartiriimo laamiiɗo e kisnoowo, ngam yimɓe Israa'iila tuuba, ɓe keɓa yaafaneeki hakke maɓɓe.

Yahaya 20:31

Ammaa ɗu'um ɗum windaa ngam koolooɗon Yeesu woni Almasiihu Ɓiɗɗo Allah, nden laawol hoolaakimo keɓon yonki ki re'ataa barka inde maako.

Yahaya 5:40

Ammaa fuu e non on nganyii warki to am keɓon yonki ki re'ataa.

Yahaya 4:42

Ɓe mbi'i debbo on, “Jooni min koolake Yeesu, naa' ngam ko mbiiɗaa tan, ammaa ngam minon e ko'e amin min nanii ko o wi'i, min tabbitinii kanko woni Kisnoowo duuniyaaru.”

Yahaya 1:9

Kangol woni jayngol goongawol yeynotoongol dow koo moye. Ngol boo warii nder duuniyaaru.

Luka 13:7

Ngam non o wi'i neɗɗo kuwanoowomo to ngesa kan, ‘Raa, duuɓi tati e mi wara ɗaɓɓutuki ibbe dow ibbi ki'i, ammaa mi heɓataa. Fe''uki! Ngam ɗume ki surata leydi e meere?’

Luka 11:36

To ɓandu maaɗa fuu e heewi jayngol, to ndu walaa nyiwre koo seɗɗa, ndu yeynoto koo toye no jayngol fitilaaru yeynorantomaa.”

Luka 2:11

Hande nder gariiri Dawda ɗum danyanii'on kisnoowo, kanko woni Almasiihu, Joomiraawo.

1 Yahaya 4:14

Min ngi'ii, min boo ceydake wiiki, Nyaako Mo Dow liloyii Ɓiɗɗo muuɗum o warta kisnoowo duuniyaaru.

2 Biiturus 1:1

Min, Siiman Biiturus, windi ɗerewol ngo'ol. Mi maccuɗo Yeesu Almasiihu lilaaɗo maako. E mi windana keɓuɓe hoolaare bonde bo nde amin laawol aadilaaku Allah meeɗen Kisnoowo meeɗen Yeesu Almasiihu:

Wahayu Yahaya 20:14

Sey ɗum hubini Mayde e Laahira nder mbeela hiite ngan. Ngan ɗon mbeela hiite kanga woni mayde ɗiɗawre.

2 Timooti 1:8

Ngam maajum taa' semtu hokkuki yimɓe habaru Joomiraawo meeɗen, taa' boo semtam min maɓɓaaɗo ngam tokkuki Yeesu. Ammaa en njardu torra hokkuki habaru Yeesu nder bawɗe Allah.

2 Timooti 4:1

E mi wagginmaa yeeso Allah e Yeesu Almasiihu gaɗanoowo ɓe yonki e mayɓe kiita. Ngam so''oyaaki maako duuniyaaru e laamu maako, e mi wi'umaa,

2 Timooti 4:8

Jooni giifol e ton heɗiiyam, ngol ɗum hokkata gaɗuɓe jonde bonde, ngol Joomiraawo gaɗoowo kiita goonga hokkatayam Nyalnde Jaango. Naa' min tan, ammaa fuu giɗɓe yiiki gartol maako.