2 Timooti 1:1 - Fulfulde Nigeria

¹ Min Bulus mo Allah suɓi mi warta lilaaɗo Yeesu Almasiihu windi ɗerewol ngo'ol. Allah suɓiiyam ngam mi hokka habaru yonki ki ɗum waɗi alkawal heɓuki nder tokkuki Yeesu.

2 Timooti 1:1 ပူးပေါင်းရင်းမြစ်များ

Ibraaniyanko'en 9:15

Ngam maajum Almasiihu woni ciryiiɗo alkawal kesal hakkunde Allah e yimɓe, ngam ɓen ɗon ɓe Allah noddi keɓa ndonu tabitayɗum ɗum o waɗi alkawal. Mayde maako rimɗinii yimɓe daga hakke ɗum ɓe ngaɗi carel ngel ɗum huutirta alkawal arandewal.

Yahaya 17:3

Yonki ki re'ataa woni ɓe andumaa, an tan woni Allah goongaajo, nden ɓe anda Yeesu Almasiihu mo liloyɗaa.

2 Korintiyanko'en 1:1

Min Bulus mo Allah suɓi warta lilaaɗo Yeesu Almasiihu e bandiraawo meeɗen Timooti minon mbindi ɗerewol ngo'ol. Min mbindanngol kawtal yimɓe Allah gonɓe gariiri Korinti, e fuu yimɓe Allah gonɓe nder fuu leydi Akaaya.

Yahaya 10:28

Mi hokkiiɗi yonki ki re'ataa, ɗi kalkataa haa abadaa, nden walaa teetayɗoɗi daga jungo am.

Tiitus 1:2

Goonga ka'a waɗay ɓe ngaɗa ɓerɗe dow heɓuki yonki ki re'ataa. Allah waɗii alkawal dow yonki kin ko duuniyaaru tagee, o boo fewataa.

Aafisanko'en 3:6

Sirru ɗum woni barka Habaru Belɗum dow Yeesu Almasiihu yimɓe naa' Yahuudanko'en keɓay koo ɗume ko Allah hokkata Yahuudanko'en. Ɓe ngartii bo ɓandu go'o e Yahuudanko'en. Hawti e Yahuudanko'en ɓe keɓay ko Allah waɗi alkawal barka Yeesu Almasiihu.

Yahaya 6:40

Ngam ko Nyaako am yiɗi woni koo moye daaruɗo Ɓiɗɗo on hooliimo heɓa yonki ki re'ataa, nden min boo mi umminaymo Nyalnde Jaango.”

1 Yahaya 2:25

Nga'al kangal woni alkawal ngal Almasiihu waɗani'en, waato yonki ki re'ataa.

1 Timooti 6:19

To ɓe ngaɗii non, ɓe ndesanii ko'e maɓɓe risku tabbutuɗum ngam Nyalnde Jaango, ngam ɓe mbaawa heɓuki yonki tabbitayki.

2 Korintiyanko'en 1:20

Ngam Almasiihu hebbinii koo ngale alkawal ngal Allah waɗi. Kanjum waɗi mbi'eten “Aamin” laawol maako ngam teddinki Allah.

1 Korintiyanko'en 1:1

Min, Bulus mo Allah suɓi warta lilaaɗo Yeesu Almasiihu e bandiraawo meeɗen Sastaanis mbindi ɗerewol ngo'ol.

Roomanko'en 6:23

Ngam njoɓaari hakke ɗum mayde, ammaa caahu Allah woni yonki ki re'ataa keɓeteeki barka sumpootirki e Yeesu Almasiihu Joomiraawo meeɗen.

Roomanko'en 5:21

Hakke laamake yimɓe ngam ɗum pooɗaniiɓe mayde. Ammaa jooni yidde Allah e laamoo laawol aadilaaku, nden Allah jaɓii'en barka Yeesu Almasiihu Joomiraawo meeɗen. Non waɗay keɓen yonki ki re'ataa.

Roomanko'en 1:1

Min Bulus windi ɗerewol ngo'ol. Mi maccuɗo Yeesu Almasiihu lilaaɗo maako cuɓaaɗo mo Allah noddi wa'ajina Habaru Belɗum.

Yahaya 6:54

Fuu nyaamuɗo ɓandu am nden yari ƴiiƴam am e woodi yonki ki re'ataa, nden mi umminaymo Nyalnde Jaango.

Yahaya 5:24

“E mi wi'a'on goonga, koo moye nanɗo boliiɗe am hoolii on ɗon liloyɗoyam e woodi yonki ki re'ataa, o taƴantaake kiita, o yaadake o ƴaɓɓake mayde o heɓii yonki ki re'ataa.

Galaatiyanko'en 3:26

On fuu on ɓiɓɓe Allah barka hoolaaki Yeesu Almasiihu.

Galaatiyanko'en 3:28

Ngam non walaa feerootirol hakkunde Yahuudanko'en e naa' Yahuudanko'en, e hakkunde maccuɓe e naa' maccuɓe, e hakkunde worɓe e rewɓe. On fuu on ngartii go'o nder sumpootirki e Yeesu Almasiihu.

2 Timooti 1:9

Kanko hisni'en, noddi'en ngam ngarten yimɓe maako kuwen kuugal maako. O waɗu non naa' ngam goɗɗum boɗɗum ɗum ngaɗɗen, ammaa non o yiɗiri fii ɗum waɗoroo e yidde nde o holli'en nder Yeesu Almasiihu ko duuniyaaru tagee.

2 Timooti 1:10

Jooni boo o wanginanii'en yidde nden barka Kisnoowo meeɗen Yeesu Almasiihu, gartirɗo sembe mayde meere. Kanko holli'en laawol ngol tokketen kisen keɓen yonki ki re'ataa barka Habaru Belɗum.

2 Timooti 1:13

Ko ekkitinmaami ɗum goonga. Jogaɗum boɗɗum, tokkuɗum e yidde nde keɓɗen nder hoolaaki Yeesu Almasiihu.

2 Timooti 2:1

An, ɓiɗɗo am Timooti, sembuɗu nder barka gonɗum nder sumpootirki e Yeesu Almasiihu.

2 Timooti 2:3

Munyu nder torra ka njareten bo soojiijo Yeesu Almasiihu boɗɗo.

2 Timooti 2:10

Ngam maajum mi munyii nder koo ɗume ngam yimɓe ɓe Allah suɓi, ngam kamɓe maa ɓe keɓa kisndam to Yeesu Almasiihu, hawti e mangu tabbitayɗum.

2 Timooti 3:15

A andi daga a sukayel pamarel anduɗaa defte ceniiɗe, baawayɗe kollumaa laawol kisndam barka hoolaaki Yeesu Almasiihu.

Tiitus 1:4

Ngo'ol ɗerewol, an mbindanmingol Tiitus, a ɓiɗɗo am mo goonga nder hoolaaki Yeesu. Allah Nyaako meeɗen Mo Dow, e Yeesu Almasiihu Kisnoowo meeɗen barkiɗinmaa, hokkumaa jam.