2 Tasaloonikanko'en 1:7 - Fulfulde Nigeria

⁷ o waltinay ɓerɗe mooɗon onon torreteeɓe. Minon maa o waltinay ɓerɗe amin. O waɗay non nyalnde nde Yeesu Almasiihu wangata daga dow nder hiite hawti e malaa'ika'en maako gooduɓe bawɗe.

2 Tasaloonikanko'en 1:7 ပူးပေါင်းရင်းမြစ်များ

Wahayu Yahaya 14:13

Sey puɗɗutumi nanmi wonde hononde daga dow e wi'a, “Windu ɗu'um, ‘Ɓe barkiɗinaaɓe maayayɓe daga jooni e tokki Joomiraawo.’ ” Ruuhu Allah wi'ii, “Goonga, ɓe ciwtoto daga kuugal maɓɓe e torra maɓɓe, ngam ko ɓe ngaɗi tokkayɓe.”

Maatiyu 16:27

Ngam Ɓii Neɗɗo waray nder teddungal Nyaako muuɗum Mo Dow e malaa'ika'en maako, o waatanay koo moye ko waɗi.

Wahayu Yahaya 22:16

“Min Yeesu, mi liloyii malaa'ikaajo am to mooɗon e habaru ɗu'um ngam kawte tokkuɓeyam. Min woni fuɗɗoode Dawda e lenyol maako, min woni Jaabiire, hoodere subaka goodunde jayngol.”

Tiitus 2:13

En keɗoo nyalnde barkiɗinaande nde kaaɓuɗen, nyalnde nde teddungal Allah meeɗen mawɗo Yeesu Almasiihu Kisnoowo wangata.

2 Korintiyanko'en 4:17

Ngam torraaji ɗi min torretee jooni ɗi seɗɗanaaji ɗi neeɓataa ɗi ngaɗay min keɓa teddungal ngal haa abadaa ɓurngal koo ɗume.

Wahayu Yahaya 21:4

O moytanayɓe fuu gonɗi maɓɓe, ɗum boo fuɗɗitataa ɗum waɗa mayde koo wannaare koo bojji koo torra ngam koo ɗume ɗum ndenno ƴaɓɓake.”

Roomanko'en 8:17

Jooni nde en ɓiɓɓe, en ngartii donooɓe. En ndonay fii boɗɗum ɗum Allah resani yimɓe maako, kadin en donidooɓe e Almasiihu, to ni en njardii torra e maako ngam keɓen teddungal hawti e maako.

Luka 17:30

Non waɗetee nyalnde nde Ɓii Neɗɗo wangata.

Maatiyu 25:31

“To Ɓii Neɗɗo warii nder teddungal muuɗum e malaa'ika'en fuu, o jooɗoto dow jooɗorgal laamu maako ɗum teddungal.

Wahayu Yahaya 22:9

Ammaa o wi'iyam, “Taa' waɗu non! Min maa, mi maccuɗo Allah bo maaɗa, an e bandiraaɓe maaɗa, e annabo'en, e waɗooɓe ko deftere nde'e wi'i. Allah tan mawnintaa!”

Wahayu Yahaya 22:6

Sey malaa'ikaajo on wi'iyam, “Haala ka'a ɗum goonga tabbutuka. Allah Joomiraawo kokkuɗo annabo'en Ruuhu muuɗum o liloyi malaa'ikaajo maako holla maccuɓe maako ko waɗata naa' ko neeɓi.”

Wahayu Yahaya 20:11

Nden mi yi'ii wongal jooɗorgal laamu mangal danewal e jooɗiiɗo dow maagal. Sey dow e ley doggi majjiti daga yeeso maako ɗum ɓeydaayi yi'ukiɗum.

Wahayu Yahaya 1:7

Raɗɗum e mo wara nder duule, koo moye yi'aymo haa maa e barɓemo. Fuu yimɓe duuniyaaru mboyay ngam gartol maako! Goonga, ɗum waɗay. Aamin.

1 Biiturus 3:22

Yeesu yahi dow, e mo jooɗii to jungo Allah nyaamo, e mo laamoo malaa'ika'en, e gooduɓe laamu, e gooduɓe bawɗe.

Ibraaniyanko'en 9:28

non maa Almasiihu sakkaama nde go'o ngam o itta hakke yimɓe ɗuɗɓe. O wartoyay gartol ɗiɗaɓol naa' ngam o itta hakke, ammaa ngam o hisna ɓen ɗon keɗiiɓemo.

Ibraaniyanko'en 4:11

Ngam non en ngaɗu ko mbaaweten waɗuki ngam natten siwtaare nden ɗon. To' goɗɗo meeɗen waɗa no ɓen ton, wanya ko Allah wi'i dulla siwtaare nden.

Ibraaniyanko'en 4:9

Non hollii haa jooni e woodi wonde siwtaare ngam yimɓe Allah.

Ibraaniyanko'en 4:1

Nde alkawal ngal Allah waɗani'en ngal nattuki to o siwtinta'en e ɗon, en paamu, to' goɗɗo mooɗon dulla nattuki siwtaare nden.

2 Timooti 2:12

To en munyii, en laamodoto e maako. To en nganyiimo, kanko maa o wanyay'en.

Koloosiyanko'en 1:16

Barka maako Allah tagi koo ɗume gonɗum dow e ley, ko yi'etee e ko yi'ataake, hawti e malaa'ika'en, e ginni, e koo ɗume gooduɗum laamu e bawɗe. Koo ɗume kanko tagiɗum, nden ngam maako koo ɗume tagaa.

Aafisanko'en 1:2

Allah Nyaako meeɗen e Yeesu Almasiihu Joomiraawo meeɗen barkiɗina'on, hokka'on jam.

Kuuɗe Lilaaɓe 1:11

Worɓe ɓen mbi'iɓe, “Onon yimɓe Galiili, ngam ɗume ndariiɗon ɗo'o on ndaara dow? Yeesu on ɗon koccaaɗo nder mooɗon yaaki dow, o so''oyto non no ngiiruɗon o hocciraama dow.”

Yahaya 1:51

Sey Yeesu ɓeydi wiikiɓe, “E mi wi'a'on goonga, on ngi'ay dow maɓɓitake, malaa'ika'en Allah e ƴenta e njippoyoo yeeso Ɓii Neɗɗo.”

Yahaya 1:3

O tagii koo ɗume. Walaa goɗɗum nder fuu ko tagaa ɗum um tagiraayi laawol maako.

Luka 16:25

Ibraahim wi'imo, ‘Ɓiɗɗo am, siftor carel ko ngonnoɗaa duuniyaaru a heɓii ko ngiɗɗaa fuu, Li'aajaru boo yarii bone kalluɗum. Ammaa jooni e mo nana belɗum ɗo'o, an boo a ɗon yara bone kalluɗum.

Markus 14:62

Yeesu nootii, wi'i, “Ee, ɗum min. On ngi'ay Ɓii Neɗɗo e jooɗii to jungo nyaamo ngo Joomu Bawɗe, e mo waroya nder duule.”

Markus 8:38

Koo moye ganyuɗoyam e boliiɗe am nder ɗu'um jaamanu ɗum hakke, ɗum walaa goonga, min Ɓii Neɗɗo mi wanyaymo to mi wartidoyii e malaa'ika'en ceniiɓe nder teddungal Nyaako am Mo Dow.”

Maatiyu 26:64

Yeesu nootii, wi'i, “Ee, ɗum non no mbiiɗaa. Ammaa e mi wi'a'on, yeeso ɗo'o on ngi'ay Ɓii Neɗɗo e jooɗii to jungo nyaamo ngo Joomu Bawɗe e mo waroya nder duule.”

Maatiyu 16:28

E mi wi'a'on goonga, e woodi woɓɓe dariiɓe ɗo'o ɓe maayataa naa ɓe ngi'ii Ɓii Neɗɗo e waroya nder laamu muuɗum.”

Maatiyu 25:41

“Nden o wi'ay wonɓe nano maako, ‘Cendiree e am, onon laanaaɓe! Nattee hiite nge nyifataa haa abadaa nge ɗum siryanii Ceyɗan e malaa'ika'en muuɗum!

Kuuɗe Lilaaɓe 3:19

Ngam non, tuubee, co''ooɗon to Joomiraawo ngam o yaafanoo'on hakke mooɗon, o sembiɗina'on nder tokkukimo,

1 Korintiyanko'en 3:13

wooɗuki kuugal maako wurtoto e njayri Nyalnde Jaango. E nden ɗon nyalnde hiite wanginay kuugal koo moye, nge foonday kuugal ngal nge holla no ngal wontindiri.

1 Tasaloonikanko'en 3:13

O sembiɗina ɓerɗe mooɗon ngam ngarton ɓe ngalaa goɗɗum ko wooɗaa, ngarton ceniiɓe yeeso Allah Nyaako meeɗen nyalnde wartuki Joomiraawo meeɗen Yeesu e fuu ceniiɓe maako.

Ibraaniyanko'en 10:27

Ammaa ko horii woni keɗooɗen kiita Allah nder kulol, kiita garayka e hiite kallunge kalkaynge ɓen ɗon nganyuɓe Allah.

Ibraaniyanko'en 12:29

Ngam Allah meeɗen o hiite kalkooye.

2 Biiturus 3:7

Ammaa Wolde maako jogii dow e ley ɗum ngi'eten jooni ngam ɗum halkiree hiite. E mo jogiiɗum haa yaaki nyalnde nde o waɗanta ɓe kulataamo kiita o halkaɓe.

Yahuuda 1:7

Non maa, yimɓe gariije Sodom e Gomoora e gariije gonɗe haade maaje ɓe nattini ko'e maɓɓe waɗuki kuuɗe nefniiɗe bo luuɗu e njeenu. Ngam non ɓe kalkiraama hiite nge nyifataa haa abadaa ngam ɗum warta misaalu to koo moye.

Wahayu Yahaya 6:11

Sey ɗum hokki koo moye maɓɓe limcere raneere, ɗum wi'iɓe ɓe ciwtoo seɗɗa, naa ɗum hebbitii waruki horiiɓe nder higooɓe kuugal maɓɓe tokkuɓe Yeesu, ɓe ɗum warata non no ɗum wardiɓe.

Wahayu Yahaya 14:10

o yaray bone kalluɗum ɗum Allah siryii e sembe muuɗum nder tummude monnere muuɗum. Ɗum torriraymo hiite e kibiritu yeeso malaa'ika'en ceniiɓe e Karoori ndin.