2 Korintiyanko'en 7:4 - Fulfulde Nigeria

⁴ Mi hoolake'on ɓernde go'o, e mi mantoroo'on naa' seɗɗa, on cembiɗiniiyam naa' seɗɗa. Fuu e torraaji ɗi min njarata, welwelo am walaa keerol.

2 Korintiyanko'en 7:4 ပူးပေါင်းရင်းမြစ်များ

2 Korintiyanko'en 1:4

E mo waltina ɓerɗe meeɗen nder fuu torraaji ɗi njareten, ngam enen maa mbaltinen ɓerɗe wonɓe nder koo iri kaye torra. En mbaltinay ɓerɗe maɓɓe e iri waltinki ki o waltini ɓerɗe meeɗen.

2 Korintiyanko'en 3:12

Ngam non, nde e min ngoodi iri nde'e kammunde, e min metira sembe ɓernde naa' seɗɗa.

Yaakubu 1:2

Bandiraaɓe am, to torraaji feere‑feere ngaranii'on, njaɓeeɗi e welwelo,

Koloosiyanko'en 1:24

Jooni e mi nana belɗum nder torraaji ɗi njaraymi ngam mooɗon. E mi yottina torra ka Yeesu siryaniiyam mi yara nder ɓandu ngam ɓeydaari ɓandu maako, waato tokkuɓemo.

Filibiyanko'en 2:17

Kuuɗe ɗe kuwoton ngam on koolake Joomiraawo, bo cakkiri ɗe ngoni to maako. Koo to ɗum rufay ƴiiƴam am dow cakkiri ndin, mi nanay belɗum, mbelmbelten en fuu.

1 Korintiyanko'en 1:4

Koo ndeye e mi yetta Allah ngam mooɗon ngam barka e yidde ɗum o hokki'on ngam sumpootirki mooɗon e Yeesu Almasiihu.

1 Tasaloonikanko'en 2:19

Dow ɓeye min ngaɗi ɓerɗe amin? Ɓeye mbelnantamin ɓerɗe? Ɓeye ngoni ɓe min mantortoo yeeso Joomiraawo meeɗen Yeesu nyalnde wartoyki maako? Naa' ɗum onon?

1 Tasaloonikanko'en 2:2

Ammaa koo nde ndenno min njarii torra e semtineeki e Filibi, non no anduɗon, e ballal Allah meeɗen min kokkii'on Habaru Belɗum ƴiwoyɗum to maako kulol walaa, koo nde yimɓe nganyiimin naa' seɗɗa.

Filibiyanko'en 1:20

Ko kaaɓumi yiiki e ko kammiimi woni to' mi semtina hoore am koo seɗɗa, ammaa mi meta e sembe ɓernde, ngam jooni e koo ndeye ɗum mawnina Almasiihu nder koo ɗume ko ngaɗaymi, koo laawol jonde am, koo laawol mayde am.

2 Korintiyanko'en 11:21

E mi semta wiiki minon min ngalaa sembe waɗanki'on non! Ammaa to woɓɓe e mantoroo goɗɗum, min maa mi mantortoɗum. Too, e mi meta bo kaaŋaaɗo!

2 Korintiyanko'en 8:24

Ngam non, kolleeɓe yidde mooɗon e ko waɗata e min mantitoroo'on, ngam kawte tokkuɓe Yeesu tabbitina mantoraaki'on ki min mantortoo'on ɗum goonga.

2 Korintiyanko'en 2:14

Ammaa yettoore tabbita to Allah kokkoowo'en jaalorgal koo ndeye barka sumpootirki meeɗen e Almasiihu. Laawol meeɗen o sankitii habaru Almasiihu koo toye bo urngol belngol.

2 Korintiyanko'en 1:14

Jooni seɗɗa tan paamuɗonmin, ammaa yeeso ɗo'o e mi yiɗi paamonmin boɗɗum, ngam nyalnde nde Yeesu Joomiraawo meeɗen wartoyta mbaawon mantorooɗonmin non no minon maa min mbaawirta mantoraaki'on.

Roomanko'en 5:3

Naa' non tan, haa maa en mbelmbelta nder torraaji ɗi njareten, ngam en andi yaruki torraaji e wadda munyal.

Kuuɗe Lilaaɓe 5:41

Lilaaɓe ɓen mburtoyii nder Kawtal Mawɓe e welwelo ngam Allah mawniniiɓe haa ɓe kewtii semtineeki ngam Yeesu.

2 Korintiyanko'en 7:14

Mi mantorake'on yeeso Tiitus, onon boo on cemtinaayiyam. Non no koo ɗume ɗum min mbi'i'on ɗum goonga, non maa mantoraaki ki min mantorii'on yeeso Tiitus tabbitinaama ɗum goonga.

2 Korintiyanko'en 10:8

Joomiraawo hokkiimin ardaare ngam min cembiɗina hoolaare mooɗon, naa' ngam min mbonnande. Koo to min mantorake ardaare nden ko ɓuri no haani, min nanataa cemtuɗum waɗuki non.

Filibiyanko'en 1:14

Haɓɓukiyam sembiɗinii tokkuɓe Yeesu ɗuɗɓe nder tokkukimo, ɓe ɓeydii heɓuki sembe ɓernde wa'ajinki Wolde Allah kulol walaa.

Filibiyanko'en 1:26

Non waɗay ngam laawol am keɓon daliila cembiɗɗum ɗum mantortooɗon Almasiihu ngam so''oyaaki am to mooɗon.

2 Tasaloonikanko'en 1:4

Kanjum waɗi minon e ko'e amin e min mantoroo'on nder kawte tokkuɓe Allah. E min ɗiiwitanaɓe no munyirɗon e hoolaare mooɗon nder fuu torraaji e caɗeele ɗe njaroton.

Filimon 1:7

Bandiraawo am, mi nanii belɗum ɗuɗɗum. Ɓernde am fukkake ngam a holla tokkuɓe Yeesu yidde, a sembiɗinaɓe.