2 Korintiyanko'en 7:1 - Fulfulde Nigeria

¹ Too, bandiraaɓe am ɓe ngiɗumi, nde en ngaɗanaama alkawal dow fuu ɗu'um, en laaɓin ko'e meeɗen daga koo ɗume gaɗoojum ɓalli meeɗen e ɓerɗe meeɗen ngarta ko laaɓaa yeeso Allah. En ngartu ɓe senaaki keewuki, kulooɓe Allah.

2 Korintiyanko'en 7:1 ပူးပေါင်းရင်းမြစ်များ

1 Tasaloonikanko'en 4:7

Allah noddaayi'en ngam ngarten ɓe cenaaki, ammaa o noddu'en ngaɗen jonde ceniinde.

1 Biiturus 2:11

Onon ɓe ngiɗumi, on hoɓɓe nder duuniyaaru ndu'u, onon naa' ɗum ɓe ɗo'o. Ngam non e mi toroo'on, cendiree e suunooji ɓandu giɗɗi halkuki'on.

Yaakubu 4:8

Ɓaddoyee haade Allah, kanko maa o ɓaddoto haade mooɗon. Onon gaɗooɓe hakke, mo''inee jonde mooɗon. Laaɓinee ɓerɗe mooɗon, onon gooduɓe ɓerɗe ɗiɗi.

1 Yahaya 3:3

Fuu gaɗuɗo ɓernde dow Almasiihu non, o laaɓina hoore maako no Almasiihu laaɓiri.

1 Tasaloonikanko'en 5:23

Allah Joomu Jam e hoore muuɗum wartira'on laaɓuɓe gaɗa e yeeso. O sura yonkiiji mooɗon e ɓerɗe mooɗon e ɓalli mooɗon boɗɗum, ngarton ɓe ngalaa goɗɗum ko wooɗaa nyalnde wartuki Joomiraawo meeɗen Yeesu Almasiihu.

1 Biiturus 1:22

Tokkuki goonga laaɓinanii'on ɓerɗe on ngiɗindiri yidde nde goonga. Ngam maajum, ngiɗindiree e ɓernde go'o.

1 Korintiyanko'en 6:20

Allah hokkii Ɓiɗɗo muuɗum ngam o wartira'on ɓe maako. Ngam non, mawniniree Allah e ɓalli mooɗon.

1 Yahaya 1:7

Ammaa to en njooɗake nder jayngol non no Allah jooɗorii nder jayngol, en cumpootira hakkunde meeɗen won ɗon. Ɗonmaa ƴiiƴam Yeesu Ɓiɗɗo maako e lootana'en hakkeeji fuu.

Ibraaniyanko'en 4:1

Nde alkawal ngal Allah waɗani'en ngal nattuki to o siwtinta'en e ɗon, en paamu, to' goɗɗo mooɗon dulla nattuki siwtaare nden.

Maatiyu 5:48

Ngam non, ngartee keewuɓe no Nyaako mooɗon Mo Dow o kewɗo.

Maatiyu 5:8

“Ɓe barkiɗinaaɓe ɓe ɓerɗe laɓɗe, ngam ɓe ngi'ay Allah.

1 Yahaya 1:9

Ammaa to en mbi'ii Allah hakke ɗum ngaɗuɗen, o yaafanto'en hakke meeɗen, o loota'en daga ko wooɗaa ɗum ngaɗuɗen, ngam kanko o kebbinoowo alkawal, e mo woodi aadilaaku.

Aafisanko'en 2:3

Goonga, non ngikku meeɗen wa'unoo: en ngaɗa ko ngiɗɗen, en tokka ko ɓalli meeɗen e ɓerɗe meeɗen ngiɗi. En danyiraama ngikku kalluɗum bo horiiɓe nder duuniyaaru, monnere Allah boo e dow meeɗen.

Roomanko'en 5:20

Attawra waddaama ngam ko wooɗaa ɗum yimɓe ngaɗata wurtoo e njayri. Ammaa fuu to hakke ɓeydii, sey yidde Allah ɓura ɓeydaaki.

1 Biiturus 5:10

Nden gaɗa on njarii torra carel seɗɗa, Allah gooduɗo yidde fuu, nodduɗo'on ngam keɓon geɗal nder teddungal maako tabotoongal barka Almasiihu, kanko e hoore maako o wartiray'on keewuɓe, o joɗɗina'on, o sembiɗina'on bo tafaare.

Ibraaniyanko'en 12:28

Ngam maajum en ngettu Allah ngam en keɓii laamu ɗum dimbataako. En mawnin Allah nder kulol, mawninki ki o jaɓata.

Ibraaniyanko'en 12:23

On ngarii to kawtal afo'en Allah, ɓe ɗum windi inɗe maɓɓe nder wuro maako ton dow. On ngarii to Allah, gaɗanoowo fuu yimɓe kiita, to yonkiiji aadili'en gartiraaɓe keewuɓe.

1 Tasaloonikanko'en 3:13

O sembiɗina ɓerɗe mooɗon ngam ngarton ɓe ngalaa goɗɗum ko wooɗaa, ngarton ceniiɓe yeeso Allah Nyaako meeɗen nyalnde wartuki Joomiraawo meeɗen Yeesu e fuu ceniiɓe maako.

2 Korintiyanko'en 1:20

Ngam Almasiihu hebbinii koo ngale alkawal ngal Allah waɗi. Kanjum waɗi mbi'eten “Aamin” laawol maako ngam teddinki Allah.

Kuuɗe Lilaaɓe 9:31

Gaɗa maajum kawtal tokkuɓe Yeesu nder leyɗe Yahuudiya e Galiili e Samaariya fuu keɓi jonde jam. Ruuhu Allah walliɓe, ɓe cembiɗi, ɓe ɓeydi kulol Joomiraawo, ɓe ɗuuɗi.

Maatiyu 12:33

“Lekki boɗki e rima ɓikkoy mboɗkoy, non maa lekki ki wooɗaa e rima ɓikkoy koy mbooɗaa. Koo kiye lekki e andiree ɓikkoy maaki.

Ibraaniyanko'en 6:9

Koo nde e min metira niini, fuu e non, onon ɓe min ngiɗi, min tabbitinii onon on dow laawol bongol, laawol kisndam.

1 Biiturus 1:15

Ammaa non no Allah nodduɗo'on o ceniiɗo, onon maa, ngartee ceniiɓe nder ko ngaɗoton fuu.

1 Biiturus 1:17

On nodda Allah Nyaako Mo Dow nder do'aare mooɗon. Nde e mo waɗana koo moye kiita dow kuuɗe ɗe waɗi, o hollataa feerootirol, ngaɗee jonde mooɗon nde koɗaaku e duuniyaaru ndu'u nder kulol Allah.