2 Korintiyanko'en 2:4 - Fulfulde Nigeria

⁴ Ko mbindanmi'on, mi winduɗum nder nawɗum ɓernde e wannaare e gonɗi ɗuɗɗi naa' ngam mi mettinana'on ɓerɗe, sey ni ngam mi waɗa'on andon iri yidde luggunde nde ngiɗumi'on.

2 Korintiyanko'en 2:4 ပူးပေါင်းရင်းမြစ်များ

2 Korintiyanko'en 7:12

Ngam non, koo nde mi windaniino'on ɗerewol, naa' ngam neɗɗo gaɗuɗo ko wooɗaa mbindumingol, koo ngam neɗɗo gaɗanaaɗo ko wooɗaa, ammaa mi windungol ngam ngi'anon gite mooɗon no ngirruɗonmin yeeso Allah.

Filibiyanko'en 3:18

Ngam e woodi yimɓe ɗuɗɓe ɓe metanmi'on dow maɓɓe, jooni e mi fuɗɗita e mi wi'a'onka e gonɗi, e ɓe ngaɗa jonde wanywanyɓe gaafaangal Almasiihu.

2 Korintiyanko'en 12:15

Mi nanay belɗum hokkuki hoore am e fuu ko ngoodumi ngam mooɗon. To mi ɓeydii yiɗuki'on, on ustay yiɗukiyam?

2 Korintiyanko'en 11:2

E mi haaja'on no Allah haajirta'on. Mi waɗanii'on alkawal teegal e gorko go'oto, waato Almasiihu. E mi yiɗi mi yaara'on to maako bo debbo ceniiɗo mo andaa gorko.

2 Korintiyanko'en 2:9

Mi windan'on ngol ton ɗerewol ngam mi foonda'on mi yi'a koo on ngaɗay ko mbiimi'on nder koo ɗume.