2 Biiturus 3:2 - Fulfulde Nigeria

² E mi yiɗi ciftoron e ko annabo'en Allah mbi'unoo ndenno, e ko Joomiraawo meeɗen Kisnoowo meeɗen wi'i ɗum waɗa daga konduɗe lilaaɓe maako ɓe o liloyi to mooɗon.

2 Biiturus 3:2 ပူးပေါင်းရင်းမြစ်များ

Yahuuda 1:17

Ammaa onon ɓe ngiɗumi, to' on ngejjutu ko lilaaɓe Joomiraawo meeɗen Yeesu Almasiihu mbi'unoo.

2 Biiturus 2:21

Ngam ɗum ɓuraniiɓe daa ɓe meeɗaayi anduki laawol aadilaaku e dow gaɗa ɓe andiingol nden ɓe co''ii gaɗa, ɓe ali tokkuki dooka ɗum ɗon ceniiɗum ɗum um hokkiɓe.

Luka 1:70

No o wi'unoo nder konduɗe annabo'en maako cuɓaaɓe daga ko neeɓi,

Luka 24:44

Nden o wi'iɓe, “Ɗu'um woni ko mbiinoomi'on carel ko ngondunoomi e mooɗon: Koo ɗume ko windaa nder Attawra, e Defte Annabo'en, e Jabuura dow am doole ɗum heewa.”

Wahayu Yahaya 19:10

Sey ndicciimi yeeso maako ngam mi mawninamo, ammaa o wi'iyam, “Taa' waɗu non! Min maa, mi maccuɗo Allah bo maaɗa, an e bandiraaɓe maaɗa jogiiɓe goonga boɗɗum ka Yeesu wangini. Mawnin Allah! Ngam goonga ka Yeesu wangini kanka waɗi yimɓe mbaawi waɗuki annabaaku.”

Aafisanko'en 2:20

On mahaama dow fuɗɗoode maadi ndi lilaaɓe e annabo'en mahi, nden Yeesu Almasiihu e hoore muuɗum woni hayre darnunde maadi ndin.

Kuuɗe Lilaaɓe 28:23

Ɓe ndesi nyalnde nde ɓe co''oytoo to maako. Nde nyalnde nden wari, yimɓe ɗuɗɓe ngari, kawriti to Bulus jippii. Ilaa subaka haa alaasara e mo wa'ajinanaɓe, e mo hokkaɓe habaru Laamu Allah. E mo hollaɓe habaru Yeesu nder Attawra e nder defte annabo'en ngam o fooɗaɓe ɓe tokka Yeesu.

Kuuɗe Lilaaɓe 10:43

Annabo'en fuu metii dow maako ɓe mbi'ii kooliiɗomo fuu heɓay yaafaneeki hakke muuɗum barka inde maako.”

Kuuɗe Lilaaɓe 3:21

Doole Yeesu jooɗoo nder wuro Allah ton dow haa yaaki carel ngel Allah wartirta koo ɗume kesum, no o wi'unoo nder konduɗe annabo'en maako ceniiɓe daga ndenno.

Kuuɗe Lilaaɓe 3:18

Non Allah hebbiniri ko annabo'en muuɗum fuu mbi'i ko neeɓi, ɓe mbi'ii Almasiihu torroto.

Luka 24:27

Nden o famtiniɓe ko Deftere wi'i waɗay dow maako, daga Attawra yaaki Defte Annabo'en fuu.

1 Yahaya 4:6

Enen en yimɓe Allah. Fuu anduɓe Allah e njaɓa ko mbi'eten. Ɓe andaa Allah boo njaɓataa ko mbi'eten. Non andirten neɗɗo gooduɗo Ruuhu Allah wanginoojum goonga e gooduɗo bawɗe Ceyɗan majjinooje yimɓe.

2 Biiturus 3:15

To' on ngejjutu, Joomiraawo e munya ngam e mo yiɗi yimɓe kisa. Non maa higo meeɗen Bulus mo ngiɗɗen windani'on nder faamu ɗum Allah hokkimo.

Galaatiyanko'en 6:2

Mballindiree nder torraaji mooɗon. To on ngaɗii non, on ngaɗii ko dooka Almasiihu wi'i.

Aafisanko'en 3:5

Ndenno yimɓe mbi'aaka sirru ɗu'um, ammaa jooni Allah wanginaniiɗum lilaaɓe maako e annabo'en maako ceniiɓe barka Ruuhu maako.

1 Timooti 6:14

e mi wi'umaa, tokku ko Allah wi'i e goonga naa nyalnde nde Joomiraawo meeɗen Yeesu Almasiihu wartoyta.

2 Biiturus 3:16

Koo ndeye e mo meta dow maajum nder ɗereeji maako. Nder ɗereeji ɗin e woodi fii caɗɗum faamuki. Woɓɓe ɓe ngalaa faamu, ɓe ɓerɗe ɗe ndaraaki to go'o e ngaylita ma'ana maajum non no ɓe ngaylitirta goɗɗe aayaaje nder Deftere Ceniinde. Waɗuki non e fooɗanaɓe halkere.