2 Biiturus 3:17 - Fulfulde Nigeria

¹⁷ Ngam non, onon ɓe ngiɗumi, nde on andi fii ɗu'um, paamanee yimɓe kalluɓe, to' ekkitinol fewre maɓɓe hocca hakkiilo mooɗon njanon daga dow wigeere cembinde to ndariiɗon.

2 Biiturus 3:17 ပူးပေါင်းရင်းမြစ်များ

Ibraaniyanko'en 3:14

To en njogake hoolaaki ki ngoodunooɗen daga arande boɗɗum haa keerol balɗe meeɗen, en ngarti gonduɓe e Almasiihu.

Koloosiyanko'en 2:8

To' on alu goɗɗo huutira faamu duuniyaaru ndu'u waɗa'on alon laawol goonga. Iri ɗu'um faamu walaa ko ɗum nafi ɗum majjinay'on. Naa' to Almasiihu ɗum ƴiwoyi, daga to yimɓe ɗum ƴiwoyi e ginni gooduɗi bawɗe nder duuniyaaru.

Aafisanko'en 4:14

Nden en puɗɗitataa ngaɗen jonde bo sukahoy, en ngaylita ɓerɗe meeɗen dow ko kooliiɗen ngam majjinooɓe yimɓe ƴoyrii'en e ekkitinol fewre.

1 Korintiyanko'en 15:58

Ngam non, bandiraaɓe am ɓe ngiɗumi, ndaree boɗɗum, to' goɗɗum dimba'on. Koo ndeye ngaɗee ko mbaawoton waɗuki kuwon kuugal Joomiraawo, ngam on andi kuugal ngal kuwantonmo naa' e meere ngal woni.

1 Korintiyanko'en 10:12

Ngam non, taa nyuma a darii boɗɗum, waɗu hakkiilo to' njanaa.

Maatiyu 7:15

“Paamanee annabo'en fewre garayɓe to mooɗon nder nandi baali, ammaa nder ɓerɗe maɓɓe e ɓe nandi e caafaali kalluɗi.

Roomanko'en 16:18

Ngam iri ɓen ɗon yimɓe naa' Joomiraawo meeɗen Almasiihu ɓe kuwanta, ammaa deeɗi maɓɓe ɓe kuwanta. E boliiɗe belɗe e haalaaji boɗɗi ɓe majjinirta yimɓe gooduɓe ciya faamu.

2 Timooti 4:15

An maa faamanmo boɗɗum, ngam o wanyii ekkitinol meeɗen naa' seɗɗa.

2 Korintiyanko'en 11:3

Ammaa e mi hula to ɗum warta no mboodi ƴoyriri Hawwaa'u e ƴoyre mayri kallunde, onon maa ɗum majjina'on alon tokkuki Almasiihu e ɓernde go'o e ɓernde laaɓunde.

Maatiyu 16:6

Sey Yeesu wi'iɓe, “Paamee, ngaɗee hakkiilo e ƴuufinirɗum Faarisanko'en e Saadusanko'en.”

Kuuɗe Lilaaɓe 2:42

Ɓe ngaɗi ka tokkuki ekkitinol lilaaɓe, e ɓe cumpootira, e ɓe nyamda, e ɓe ngaada do'aare.

Maatiyu 16:11

No ɗum waɗi on paamaayi naa' dow buroodi metaymi? Mi wi'ii paamanee ƴuufinirɗum Faarisanko'en e Saadusanko'en.”

Wahayu Yahaya 2:5

Ciptoree ko njoofunooɗon, tuubee, ngaɗon ko ngaɗaynooɗon ndenno. To naa' non, mi waranay'on mi itta fitilaaru mooɗon to ndu resaa, sey ni to on tuubii.

1 Biiturus 5:9

Nganyeemo, ndarooɗon dow hoolaaki Yeesu e sembe. On andi bandiraaɓe mooɗon fuu nder duuniyaaru e njara iri kan ɗon torra.

Koloosiyanko'en 2:5

Koo nde mi wondaa e mooɗon nder ɓandu, fuu e non e mi nyuma dow mooɗon koo ndeye. E mi nana belɗum nde nanmi habaru on jooɗoo no haani njooɗorooɗon, e no cembiɗirɗon nder hoolaaki Almasiihu.

Filibiyanko'en 3:2

Ngaɗee hakkiilo e ɓen ɗon yimɓe ɓe ngikku bo ɗum kutiiji, kuwooɓe kuuɗe kalluɗe, wi'ooɓe doole ɗum naada ko ɗum heɓa kisndam.

Yahaya 16:4

Ammaa mi wi'u'onka ngam to carel ngel waɗii ciftoron ko mbiimi'on. Mi wi'aayi'onka daga arande ngam e mi wondi e mooɗon.

Galaatiyanko'en 5:4

Onon giɗuɓe wartuki aadili'en ngam tokkuki Attawra, on cendirii e Almasiihu, on cendirii e caahu Allah.

2 Biiturus 2:7

O hisnii Luutu aadiliijo gannuɗo e kuuɗe kalluɗe ɗe yimɓe kalluɓe ngaɗata.

2 Biiturus 3:1

Onon ɓe ngiɗumi, ngo'ol woni ɗerewol am ɗiɗaɓol ngol mbindanmi'on. Nder ɗereeji am ɗi fuu ɗiɗi mi siftoranii'on ko anduɗon ngam nyumooji mooɗon ngarta laɓɗi.