2 Biiturus 2:4 - Fulfulde Nigeria

⁴ Koo malaa'ika'en, Allah alaayiɓe nde ɓe ngaɗi hakke, ammaa o waɗiɓe nder wuro hiite nder gayɗe lugguɗe gooduɗe nyiwre ɓaleere ngam ɗum suraɓe naa Nyalnde Kiita.

2 Biiturus 2:4 ပူးပေါင်းရင်းမြစ်များ

Yahuuda 1:6

Ciftoree malaa'ika'en ɓe curaayi mangu laamu maɓɓe, ammaa ɓe ali to ɓe njooɗii. Allah suriiɓe haɓɓiriɓe ɓoggi njamndi ɗi haa abadaa nder nyiwre kallunde e ɓe maɓɓii naa Nyalnde mawnde nde kiita.

Maatiyu 25:41

“Nden o wi'ay wonɓe nano maako, ‘Cendiree e am, onon laanaaɓe! Nattee hiite nge nyifataa haa abadaa nge ɗum siryanii Ceyɗan e malaa'ika'en muuɗum!

Roomanko'en 8:32

Allah haɗaayi Ɓiɗɗo muuɗum yarki torra, ammaa o hokkiimo ngam o sakkee ngam meeɗen en fuu. Nde o waɗii non, o hokkataa'en koo ɗume caahu?

Wahayu Yahaya 20:10

Ceyɗan majjinɗoɓe boo hubinaa nder mbeela hiite kibiritu to mardi ndin e annabiijo fewre on ɗon woni. Ɗum waɗay ka hokkukiɓe bone jemma e nyalawma haa abadaa abadin.

Luka 10:18

O wi'iɓe, “Mi yi'ii Ceyɗan yanoyii bo maƴƴere daga dow.

1 Yahaya 3:8

Fuu gaɗɗo ka waɗuki hakke, Ceyɗan jeyimo, ngam daga arande Ceyɗan o gaɗoowo hakke. Ko waɗi Ɓiɗɗo Allah wari duuniyaaru woni ngam o halka kuuɗe Ceyɗan.

2 Biiturus 2:11

Ammaa malaa'ika'en, koo nde ɓe ɓurii ɓe'e moodiɓɓe fewre bawɗe e laamu, ɓe ngullirtaa ɓe'e gooduɓe teddungal haalaaji kalluɗi yeeso Joomiraawo.

2 Biiturus 2:5

Nden e jaamanu Nuhu, Allah alaayi yimɓe ɓe kulataamo, ammaa o halkiriɓe ndiyam tufaana. Nuhu gaɗoowo wa'aju aadilaaku tan o hisni hawti e woɓɓe njoweeɗiɗo.

Luka 8:31

Ɗi ngaɗi ka toraaki Yeesu to' o wi'a ɗi natta ngayka kalluka lugguka.

Yahaya 8:44

Onon on ɓiɓɓe nyaako mooɗon Ceyɗan, ko ngiɗɗon woni ngaɗon ko nyaako mooɗon yiɗi. Daga arande o gaɗoowo warhoore. Walaa ko wannimo e goonga, ngam o walaa goonga. To o fewii, ɗum ngikku maako, ngam o pewoowo, nyaako fewre.

Markus 5:7

O wulli sembee o wi'i, “Ko wannumaa e am, Yeesu Ɓiɗɗo Allah Joomu Mangu? E mi toromaa ngam Allah, taa' torram.”

Maatiyu 8:29

Ɗon e ɗon ɓe ngulli, e ɓe mbi'a, “Ko wannumaa e amin, Ɓiɗɗo Allah? A warii ngam torraamin ko carel waɗa?”

Yahuuda 1:13

E ɓe nandi e geelooɗi ndiyam maayo, ko semtinii ɗum ɓe ngaɗi e ummoo bo guufe. E ɓe nandi e koode giilotooɗe, ɗum siryanakeɓe nyiwre kallunde haa abadaa.

2 Biiturus 2:9

Fuu fii ɗu'um hollii'en Joomiraawo e andi no hisnirta kulooɓemo daga torraaji, e no o waɗata ka torrirki kalluɓe haa o hiitooɓe Nyalnde Jaango.

Roomanko'en 11:21

Ngam nde Allah itti ɗen ɗon lice lekki jaytun aawaaki, on nyuma onon maa o alay'on?