2 Biiturus 2:18 - Fulfulde Nigeria

¹⁸ ngam e ɓe mawnina ko'e maɓɓe e metemeteeji meereeji. E ɓe kuutira suuno ɓalli ngam ɓe pooɗoya hakkiilo yimɓe soɓtiiɓe ko neeɓaayi daga nder yimɓe jooɗiiɓe nder hakke.

2 Biiturus 2:18 ပူးပေါင်းရင်းမြစ်များ

2 Biiturus 2:20

To yimɓe kisii daga kuuɗe kalluɗe ɗe duuniyaaru ngam ɓe andii Yeesu Almasiihu Joomiraawo meeɗen e Kisnoowo meeɗen, nden daga gaɗa ɓe co''ii ɓe natti iri kuuɗe kalluɗe ɗen ɗon, haa ɗe njarii ko'e maɓɓe, re'irde jonde maɓɓe ɓuray fuɗɗoode maɓɓe halluki.

2 Biiturus 1:4

Barka fuu fii ɗu'um Allah waɗanii'en alkawal mangal bongal, ngam keɓen ngikku iri ɗum maako, nden keɓen ndaɗen halleende gonde nder duuniyaaru nde suuno kallungo waddata.

Roomanko'en 13:13

En ngaɗu jonde meeɗen no haani bo yimɓe jooɗotooɓe nder jayngol. To' en njaru yareyareeji pooɗooji jonde meere, to' en ngaɗu njeenu, to' en ngaɗu halleende, to' en kaɓdu e yimɓe koo nanen lawliiru maɓɓe.

Yaakubu 5:5

On ngaɗii jonde nanki belɗum e duuniyaaru, on nyaama, on njara, on ngaɗa no ngiɗɗon. On paynii ko'e mooɗon ngam nyalnde hirsuki.

2 Tasaloonikanko'en 2:4

O wanyay koo ɗume ko yimɓe noddata allah koo boo ko ɓe mawninta, o mawnina hoore maako dow maajum. Haa maa o nattay Wuro Ceniingo ngo Allah, o jooɗoo, o wi'a kanko woni Allah.

Wahayu Yahaya 13:11

Nden mi yi'ii wondi mardi e wurtoyoo daga nder leydi. E ndi woodi luwe ɗiɗi bo ɗe karoori, e ndi meta bo mbooga.

Yahuuda 1:13

E ɓe nandi e geelooɗi ndiyam maayo, ko semtinii ɗum ɓe ngaɗi e ummoo bo guufe. E ɓe nandi e koode giilotooɗe, ɗum siryanakeɓe nyiwre kallunde haa abadaa.

Kuuɗe Lilaaɓe 8:9

Nder gariiri ndin boo e woodi goɗɗo neɗɗo bi'eteeɗo Siiman, o darnoowo. E mo hayɗina Samaariyanko'en naa' seɗɗa e kuuɗe maako, e mo wi'a hoore maako o mawɗo.

Kuuɗe Lilaaɓe 2:40

Gaɗa maajum o wagginiɓe e boliiɗe ɗuɗɗe, e mo torooɓe, e mo wi'a, “Kisnee ko'e mooɗon daga jaamanu kalluɗum ɗu'um!”

Aafisanko'en 4:17

E mi wi'a'on ɗu'um, e mi ɓeyda wagginki'on nder inde Joomiraawo, alee jonde iri nde heeferɓe ɓe nyumooji meere.

2 Biiturus 2:2

Yimɓe ɗuɗɓe tokkay ngikku maɓɓe kalluɗum. Ngam ko ɓe ngaɗata ɗum metay haalaaji kalluɗi dow laawol goonga.

2 Biiturus 2:7

O hisnii Luutu aadiliijo gannuɗo e kuuɗe kalluɗe ɗe yimɓe kalluɓe ngaɗata.

2 Biiturus 2:14

Koo ndeye ɗaɓɓutuki rewɓe woni nyumo maɓɓe. Ɓe comataa waɗuki hakke. E ɓe majjina ɓe cembiɗaa nder tokkuki Yeesu. Ɓe ekkitini ɓerɗe maɓɓe yidde ceede. Allah boo laaniiɓe.

2 Biiturus 3:17

Ngam non, onon ɓe ngiɗumi, nde on andi fii ɗu'um, paamanee yimɓe kalluɓe, to' ekkitinol fewre maɓɓe hocca hakkiilo mooɗon njanon daga dow wigeere cembinde to ndariiɗon.