2 Biiturus 2:1 - Fulfulde Nigeria

¹ Ammaa ndenno annabo'en fewre nattii nder yimɓe Joomiraawo. Non moodiɓɓe fewre nattirta nder mooɗon. Ɓe ngadday wongol ekkitinol nder mooɗon e suuɗe pooɗanayngol'on halkere, haa maa ɓe mbi'a ɓe andaa Joomiraawo rimɗinɗoɓe. Non ɓe pooɗiranta ko'e maɓɓe halkere jawnde.

2 Biiturus 2:1 ပူးပေါင်းရင်းမြစ်များ

Maatiyu 7:15

“Paamanee annabo'en fewre garayɓe to mooɗon nder nandi baali, ammaa nder ɓerɗe maɓɓe e ɓe nandi e caafaali kalluɗi.

Yahuuda 1:4

Mi wi'u ɗu'um ngam woɓɓe yimɓe nattii nder mooɗon e suuɗe. Ɓe kulataa Allah, e ɓe mbi'a Allah yaafanto'en hakke, ngam non en ngaɗu ka waɗuki hakke. Ɓe nganyii Mawɗo meeɗen Joomiraawo meeɗen go'oto tan mo ngooduɗen, Yeesu Almasiihu. Aayaaje bindaaɗe ko neeɓi mbi'i ɗum taƴanayɓe kiita kalluka.

2 Biiturus 2:3

Kamɓe ceede ɓe ngiɗi. Ngam non ɓe majjinay'on e metemeteeji fewre ngam ɓeydaari ko'e maɓɓe. Ammaa daga ndenno ɗum siryake taƴankiɓe kiita, halkere maɓɓe e ɗon heɗiiɓe.

2 Timooti 4:3

Ngam carel e wara ngel yimɓe nganyata ekkitinol goonga, ɓe tokka ko welnantaɓe ɓerɗe, ɓe tokka moodiɓɓe bi'ooɓeɓe ko ɓe ngiɗi nanki.

Maatiyu 24:11

Annabo'en fewre ɗuɗɓe ummoyto, ɓe majjina yimɓe ɗuɗɓe.

Galaatiyanko'en 2:4

koo nde woɓɓe e ngiɗunoo o naadee. Ɓe ngaɗii bo ɓe tokkuɓe Yeesu, ɓe natti nder kawtal meeɗen, e ɓe ndaara iri rimɗinki ki ngooduɗen nder sumpootirki e Yeesu Almasiihu, ngam ɓe ngartira'en maccuɓe.

1 Korintiyanko'en 11:19

Walaa seko doole ɗum heɓa feerootirol hakkunde mooɗon, ngam ɗum waawa heɓtuki ɓeye ngoni dariiɓe e goonga nder mooɗon.

1 Yahaya 4:1

Onon ɓe ngiɗumi, naa' koo moye biiɗo e woodi Ruuhu Allah koolotooɗon. Ammaa poondeeɓe ngi'on koo Ruuhu Allah e nder maɓɓe koo walaa nder maɓɓe, ngam annabo'en fewre ɗuɗɓe cankitake koo toye nder duuniyaaru.

Koloosiyanko'en 2:8

To' on alu goɗɗo huutira faamu duuniyaaru ndu'u waɗa'on alon laawol goonga. Iri ɗu'um faamu walaa ko ɗum nafi ɗum majjinay'on. Naa' to Almasiihu ɗum ƴiwoyi, daga to yimɓe ɗum ƴiwoyi e ginni gooduɗi bawɗe nder duuniyaaru.

Tiitus 3:10

To goɗɗo e wadda feerootirol hakkunde mooɗon, to o wanyii wagginol maaɗa arandewol e ɗiɗaɓol, doggumo.

Tiitus 1:11

Doole ɗum haɓanaɓe ɓe nde''ita, ngam e ɓe ekkitina ko wooɗaa, e ɓe majjina yimɓe wuro‑wuro ngam ɓe keɓa ceede.

Filibiyanko'en 3:19

Re'irde maɓɓe ɗum halkere, deeɗi maɓɓe ngoni allah maɓɓe, e ɓe mantoroo ko semtinii ɗum ɓe ngaɗata. Ɓe ngaɗii ɓerɗe maɓɓe dow ko woni nder duuniyaaru.

1 Korintiyanko'en 6:20

Allah hokkii Ɓiɗɗo muuɗum ngam o wartira'on ɓe maako. Ngam non, mawniniree Allah e ɓalli mooɗon.

Markus 13:22

Ngam Almasiihu'en fewre e annabo'en fewre ɓe mburtoyto ɓe ngaɗa alaamaaji e kuuɗe kayɗiniiɗe ngam ɓe majjina yimɓe, haa e cuɓaaɓe ɓen to ɗum waɗoto.

Wahayu Yahaya 5:9

Ɓe ngimi gimol kesol e ɓe mbi'a, “A hewtii njaɓaa deftere nden takkitaa haatimiije mayre, ngam ndenno a waraama, nden barka ƴiiƴam maaɗa a rimɗinanii Allah yimɓe daga koo ngole lenyol, e koo ngale ɗemngal, e daga koo ɓeye yimɓe, e daga koo ndiye leydi.

Wahayu Yahaya 2:9

E mi andi torra ka njaroton, e mi andi on ngalanaa, ammaa on diskuɓe. E mi andi haala kalluka ka yimɓe metata dow mooɗon, wi'ooɓe ɓe yimɓe Allah, ammaa naa' ɗum non, ɓe yimɓe Ceyɗan.

Ibraaniyanko'en 10:29

To neɗɗo wanyii Ɓiɗɗo Allah, kadin o wartirii ƴiiƴam alkawal Allah laaɓinɗanmo daga hakke walaa ko nafi, ɗonmaa o huɗi Ruuhu Allah kollayɗum yidde, iri ɗume bone kalluɗum haani o yara? O yaray bone kalluɗum ɓurɗum ɗum gewoowo dooka yarata.

Koloosiyanko'en 2:18

E woodi woɓɓe yiɗuɓe lesnuki hoore ki fewre e mawninki malaa'ika'en. To' on alu ɓe njawana'on. Iri maɓɓe e ɓe mbi'a e ɓe ngi'a wahayu. E ɓe ƴefta ko'e maɓɓe e meere, ngam nyumooji maɓɓe ɗum ɗi duuniyaaru.

Aafisanko'en 4:14

Nden en puɗɗitataa ngaɗen jonde bo sukahoy, en ngaylita ɓerɗe meeɗen dow ko kooliiɗen ngam majjinooɓe yimɓe ƴoyrii'en e ekkitinol fewre.

Maatiyu 24:24

Ngam Almasiihu'en fewre e annabo'en fewre mburtoyto, ɓe ngaɗa alaamaaji mawɗi e kuuɗe kayɗiniiɗe ngam ɓe majjina yimɓe, haa e cuɓaaɓe ɓen to ɗum waɗoto.

Maatiyu 10:33

Ammaa fuu ganyuɗoyam yeeso yimɓe, min maa mi wanyaymo yeeso Nyaako am Mo Dow.

Wahayu Yahaya 13:14

Ndi majjini yimɓe wonɓe duuniyaaru e kayɗiniiɗum ɗum um alindi ndi waɗa e yeeso mardi arandeeri nawniraandi kaafahi ammaa e ndi woodi yonki. Nden ndi wi'iɓe ɓe ngaɗa ngunkiwa nandunga e mardi arandeeri ndin ngam hokkukindi mangu.

Wahayu Yahaya 2:13

E mi andi to njooɗiiɗon; on njooɗoo to Ceyɗan laamotoo. Fuu e non, on ngaɗa ko mbiimi'on, on alaayi hoolaakiyam koo nde ɗum wari Antifas ga'ajinɗo dow am mo goonga.

Yahuuda 1:18

Ɓe mbi'ii'on, “E balɗe re'uki duuniyaaru yimɓe jukkitooɓe mburtoyto, tokkiranooɓe suuno maɓɓe kallungo ngo ciya kulol Allah.”

1 Yahaya 2:26

Mi windan'on ɗu'um dow ɓen ɗon giɗɓe majjina'on.

1 Biiturus 1:8

Koo nde on meeɗaayi yiikimo, on ngiɗimo. Koo nde naa' on ngi'amo jooni, on koolakemo, on nana belɗum mawɗum nder ɓerɗe mooɗon ƴaɓɓiiɗum meteeki.

Aafisanko'en 1:7

Sumpootirki e Yeesu rimɗinii'en barka ƴiiƴam maako o yaafanake'en hakke meeɗen, ngam yidde nde Allah holli'en keerol walaa. Yidde nden nde mawnde.

Galaatiyanko'en 5:20

e mawninki gunkiiji, e huutirki bawɗe ginni, e wanywanytirki, e hawre, e yiɗuki ko jeyaayi, e monnuki, e yidde hoore, e yeddootirki, e wadduki sendirki,

Galaatiyanko'en 4:17

Ɓen ɗon yimɓe ɓe ngaɗii hakkiilo maɓɓe fuu dow mooɗon ngam ɓe ngaɗa'on tokkonɓe, ammaa ko ɓe ngiɗi waɗuki ɗum wooɗaa. Ko ɓe ngiɗi woni ɓe cenda'on e amin, ngam hakkiilo mooɗon so''oo to maɓɓe.

Roomanko'en 16:18

Ngam iri ɓen ɗon yimɓe naa' Joomiraawo meeɗen Almasiihu ɓe kuwanta, ammaa deeɗi maɓɓe ɓe kuwanta. E boliiɗe belɗe e haalaaji boɗɗi ɓe majjinirta yimɓe gooduɓe ciya faamu.

Luka 21:8

O wi'i, “Paamee, to' ɗum majjina'on. Ngam yimɓe ɗuɗɓe ngaroyay nder inde am, ɓe mbi'a kamɓe ngoni min, nden, ‘Carel ɓadake!’ To' on tokkuɓe.

Luka 6:26

“On mbonii to yimɓe fuu manii'on, ngam non maama'en maɓɓe ngaɗannoo annabo'en fewre.

Maatiyu 24:5

Yimɓe ɗuɗɓe ngaroyay ɓe mbi'a kamɓe ngoni min, ɓe mbi'a, ‘Min woni Almasiihu,’ ɓe majjina yimɓe ɗuɗɓe.

Galaatiyanko'en 3:13

Yeesu Almasiihu rimɗinii'en daga laaneeki ki Attawra waddi, nde o warti ko laanaa ngam meeɗen. Ngam aayaare wi'ii, “Koo moye baraaɗo dow lekki o laanaaɗo.”

1 Korintiyanko'en 7:23

Allah hokkii Ɓiɗɗo muuɗum ngam o wartira'on ɓe maako. Ngam non, to' on ngartu maccuɓe yimɓe.

Wahayu Yahaya 3:8

E mi andi kuuɗe mooɗon. Raa mi alanii'on dammugal e maɓɓitii, walaa baawayɗo maɓɓukingal. E mi andi on cembiɗaa, ammaa fuu e non on tokka ko mbiimi, on nganyaayi wi'uki on tokkuɓeyam.

Luka 12:9

Ammaa ganyuɗoyam yeeso yimɓe, mi wanyaymo yeeso malaa'ika'en Allah.

1 Timooti 5:8

Fuu mo wallaayi bandiraaɓe muuɗum, ko ɓuri maa wuro muuɗum, o alii hoolaaki Yeesu e goonga, o ɓurii mo tokkaayi Yeesu halluki.

Wahayu Yahaya 6:10

Sey ɓe ƴefti hononde sembee ɓe mbi'i, “Yaa Joomiraawo Joomu koo ɗume, ceniiɗo, gooduɗo goonga, naa ndeye ngaɗantaa duuniyaaru kiita ngaatanoɗaamin ngam warki ki ɓe mbarimin?”