2 Biiturus 1:3 - Fulfulde Nigeria

³ Allah nder bawɗe muuɗum hokkii'en fuu ko haani ngam waɗuki jonde kulol maako. O hokkii'enɗum ngam en andi Yeesu Almasiihu nodduɗo'en barka teddungal maako e ngikku maako boɗɗum.

2 Biiturus 1:3 ပူးပေါင်းရင်းမြစ်များ

1 Biiturus 5:10

Nden gaɗa on njarii torra carel seɗɗa, Allah gooduɗo yidde fuu, nodduɗo'on ngam keɓon geɗal nder teddungal maako tabotoongal barka Almasiihu, kanko e hoore maako o wartiray'on keewuɓe, o joɗɗina'on, o sembiɗina'on bo tafaare.

2 Timooti 1:9

Kanko hisni'en, noddi'en ngam ngarten yimɓe maako kuwen kuugal maako. O waɗu non naa' ngam goɗɗum boɗɗum ɗum ngaɗɗen, ammaa non o yiɗiri fii ɗum waɗoroo e yidde nde o holli'en nder Yeesu Almasiihu ko duuniyaaru tagee.

Roomanko'en 8:32

Allah haɗaayi Ɓiɗɗo muuɗum yarki torra, ammaa o hokkiimo ngam o sakkee ngam meeɗen en fuu. Nde o waɗii non, o hokkataa'en koo ɗume caahu?

2 Korintiyanko'en 12:9

ammaa e mo wi'ayam, “Yidde am heƴiima, ngam carel ngel ndulluɗaa sembe, sey bawɗe am kewɗe mbanga.” Ngam non, nder belɗum ɓernde mi ɓeyday mantoraaki ciya sembe am, ngam bawɗe Almasiihu njooɗoo nder am.

1 Biiturus 2:21

Dow iri kan ɗon torra Allah noddi'on, ngam Almasiihu maa yarii torra ngam mooɗon. O alanii'on ko tokkoton ngam njooɗorooɗon no o jooɗorii.

2 Tasaloonikanko'en 2:14

Ngam maajum Allah noddi'on barka Habaru Belɗum ɗum min nga'ajinani'on. O noddu'on ngam keɓon nattuki teddungal Joomiraawo meeɗen Yeesu Almasiihu.

1 Biiturus 2:9

Ammaa onon ɗum lenyol ngol Allah suɓi, on kawtal ardiiɓe diina kuwanooɓe laamiiɗo mawɗo, yimɓe ceniiɓe, ɓe Allah jeyi. O suɓu'on ngam nga'ajinon habaru kuuɗe maako kayɗiniiɗe. O wurtinoy'on nder nyiwre ngam natton jayngol maako kayɗiniingol.

1 Tasaloonikanko'en 2:12

Min mbagginii'on, min cembiɗinii'on, min mbi'ii'on doole ngaɗon jonde belnanaynde Allah ɓernde nodduɗo'on nder Laamu maako e teddungal maako.

1 Tasaloonikanko'en 4:7

Allah noddaayi'en ngam ngarten ɓe cenaaki, ammaa o noddu'en ngaɗen jonde ceniinde.

1 Biiturus 1:15

Ammaa non no Allah nodduɗo'on o ceniiɗo, onon maa, ngartee ceniiɓe nder ko ngaɗoton fuu.

Aafisanko'en 4:1

Ngam non, e mi toroo'on, min curaaɗo ngam huwanki Joomiraawo meeɗen, ngaɗee jonde pottudunde e ko Allah noddiri'on.

1 Korintiyanko'en 1:9

Allah o gaɗoowo ko o wi'i. Kanko noddi'on ngam cumpootiron e Ɓiɗɗo maako Yeesu Almasiihu Joomiraawo meeɗen.

2 Biiturus 1:2

Allah ɓeyda barkiɗinki'on hokka'on jam laawol andukimo, kanko e Yeesu Joomiraawo meeɗen.

2 Biiturus 1:5

Ngam non, ngaɗee ko mbaawoton waɗuki ɓeydanon hoolaare mooɗon ngikku boɗɗum, ɓeydanon ngikku ɗum andal.

1 Biiturus 3:9

To' on ngaato halleende e halleende, koo huɗuki e huɗuki, ammaa ngaatoree barkiɗinki, ngam Allah noddii'on ngaɗon non ngam o barkiɗina'on.

Koloosiyanko'en 1:16

Barka maako Allah tagi koo ɗume gonɗum dow e ley, ko yi'etee e ko yi'ataake, hawti e malaa'ika'en, e ginni, e koo ɗume gooduɗum laamu e bawɗe. Koo ɗume kanko tagiɗum, nden ngam maako koo ɗume tagaa.

1 Timooti 4:8

Koo nde ekkitinki ɓandu nafante seɗɗa, tokkuki Allah nafante keerol walaa. Ngam taa waɗii non, ɗum nafante jooni, nden ɗum nafante nder yonki ki keɓataa gaɗa mayde.

Aafisanko'en 4:4

En ngartii bo ɓandu go'o, en ngoodi Ruuhu go'o, non maa en ngoodi kammunde wo'oyre nde Allah noddiri'en.

Filibiyanko'en 4:8

E re'irde bandiraaɓe am, ngaɗee ka nyumuki dow koo ɗume ko woni ɗum goonga, e ko mawninee, e ko haani, e ko laaɓi, e ko welnanta yimɓe ɓerɗe, e ko ɗum yi'ata e wooɗi, e koo ɗume ngikku boɗɗum, e ko hewti manteeki.

Maatiyu 28:18

Sey Yeesu ɓaddii haade maɓɓe, wi'iɓe, “Ɗum hokkiiyam fuu laamu dow e ley.

Ibraaniyanko'en 1:3

E mo holla jayngol teddungal Allah, nden nder koo ɗume e mo nandi e Allah. E mo jogorii koo ɗume wolde maako goodunde bawɗe. Gaɗa o waɗii laawol yaafaaki hakke, o jooɗii ton dow to jungo nyaamo ngo Allah Joomu Mangu.

1 Biiturus 1:5

Onon bawɗe Allah e surana'on barka hoolaaki Yeesu, ngam keɓon kisndam ɗam o siryii wanginki nyalnde re'uki duuniyaaru.

Roomanko'en 9:24

Waato enen ɓe Allah noddi naa' daga nder Yahuudanko'en tan, ammaa haa maa daga nder yimɓe naa' Yahuudanko'en.

Filibiyanko'en 3:8

Ko ɓuri non woni mi hoccii koo ɗume meere, ngam ko ɓuri mangu woni anduki Yeesu Almasiihu Joomiraawo am. Ngam maako cendirmi e koo ɗume ngartirmi ɗum meere, ngam mi tokkamo,

2 Biiturus 1:6

Nden ɓeydanee andal mooɗon suruki hoore, ɓeydanon suruki hoore mooɗon munyal, ɓeydanon munyal mooɗon kulol Allah.

2 Biiturus 1:8

To on ngoodi iri ɗu'um ngikku naa' seɗɗa, ɗum haɗay'on ngarton ɓe ɓerɗe baatuɗe tampuɓe nder anduki Yeesu Almasiihu Joomiraawo meeɗen.

2 Biiturus 1:10

Ngam non, bandiraaɓe, ngaɗee ko mbaawoton waɗuki tabbitinon noddol e cuɓol ngol Allah waɗani'on. To on ngaɗii non, on njanataa.

2 Biiturus 2:20

To yimɓe kisii daga kuuɗe kalluɗe ɗe duuniyaaru ngam ɓe andii Yeesu Almasiihu Joomiraawo meeɗen e Kisnoowo meeɗen, nden daga gaɗa ɓe co''ii ɓe natti iri kuuɗe kalluɗe ɗen ɗon, haa ɗe njarii ko'e maɓɓe, re'irde jonde maɓɓe ɓuray fuɗɗoode maɓɓe halluki.

2 Biiturus 3:18

Ammaa ɓeydee yidde e yurmeende e anduki Joomiraawo meeɗen Kisnoowo meeɗen Yeesu Almasiihu. Teddungal tabbita to maako jooni e haa abadaa! Aamin.