2 Biiturus 1:1 - Fulfulde Nigeria

¹ Min, Siiman Biiturus, windi ɗerewol ngo'ol. Mi maccuɗo Yeesu Almasiihu lilaaɗo maako. E mi windana keɓuɓe hoolaare bonde bo nde amin laawol aadilaaku Allah meeɗen Kisnoowo meeɗen Yeesu Almasiihu:

2 Biiturus 1:1 ပူးပေါင်းရင်းမြစ်များ

Tiitus 2:13

En keɗoo nyalnde barkiɗinaande nde kaaɓuɗen, nyalnde nde teddungal Allah meeɗen mawɗo Yeesu Almasiihu Kisnoowo wangata.

Tiitus 1:4

Ngo'ol ɗerewol, an mbindanmingol Tiitus, a ɓiɗɗo am mo goonga nder hoolaaki Yeesu. Allah Nyaako meeɗen Mo Dow, e Yeesu Almasiihu Kisnoowo meeɗen barkiɗinmaa, hokkumaa jam.

2 Korintiyanko'en 4:13

Nde e min ngoodi hoolaare go'o e binduɗo aayaare biinde, “Mi hoolake, kanjum waɗi metumi.” Minon maa min koolake, kanjum waɗi min meti.

Yahaya 12:26

Fuu kuwanoowoyam doole tokkayam. Nden to ngonmi, ton kuwanoowoyam wonata, kanko maa. Koo moye kuwanayɗoyam, Nyaako am hokkaymo mangu.”

Roomanko'en 1:12

Ko ngiɗumi woni cembiɗindiren; hoolaare am sembiɗina'on, nden hoolaare mooɗon sembiɗinayam.

2 Biiturus 1:4

Barka fuu fii ɗu'um Allah waɗanii'en alkawal mangal bongal, ngam keɓen ngikku iri ɗum maako, nden keɓen ndaɗen halleende gonde nder duuniyaaru nde suuno kallungo waddata.

1 Biiturus 1:1

Min Biiturus lilaaɗo Yeesu Almasiihu windi ɗerewol ngo'ol. Mi windanngol yimɓe ɓe Allah suɓi, cankitiiɓe, gaɗooɓe jonde koɗaaku e leydi Fantus, e leydi Galaatiya, e leydi Kafadookiya, e leydi Aasiya, e leydi Bitiiniya.

Aafisanko'en 4:11

O suɓii woɓɓe ngarta lilaaɓe, woɓɓe gaɗooɓe annabaaku, woɓɓe wa'ajinooɓe, woɓɓe pasto'en e ekkitinooɓe.

Roomanko'en 1:1

Min Bulus windi ɗerewol ngo'ol. Mi maccuɗo Yeesu Almasiihu lilaaɗo maako cuɓaaɗo mo Allah noddi wa'ajina Habaru Belɗum.

Luka 1:47

E mi nana belɗum ɗuɗɗum nder ɓernde am ngam Allah, Kisnoowoyam,

1 Biiturus 5:1

E mi toroo mawɓe kawtal tokkuɓe Yeesu gonɓe nder mooɗon. Min maa mi mawɗo nder tokkuɓe Yeesu, bandiraawo mooɗon, ceydiiɗo torra ka Almasiihu yari, keɓayɗo geɗal muuɗum nder mangu maako to o wartoyii. E mi toroo'on,

2 Timooti 1:5

Mi siftorii no kooloriɗaa Yeesu e ɓernde go'o, non no maama maaɗa Looyis e maduujo maaɗa Yunis kooloriimo ɓernde go'o, nden jooni boo mi tabbitinii an maa a hoolakemo non.

Filibiyanko'en 3:9

mi warta cumpootiroowo e maako. Mi wartay non naa' ngam aadilaaku ɗum ngoodumi ngam tokkuki Attawra, ammaa ngam aadilaaku keɓeteeɗum nder hoolaakimo, waato aadilaaku ƴiwoyɗum to Allah keɓeteeɗum barka hoolaaki Almasiihu.

Kuuɗe Lilaaɓe 15:14

Jooni Siiman yottini ɗiiwitanki'en no Allah suɓiri woɓɓe nder leƴƴi ɗi naa' Yahuudanko'en, wartiriɓe yimɓe muuɗum.

Maatiyu 10:2

Raa inɗe lilaaɓe sappo e ɗiɗo ɓen: arande e woodi Siiman bi'eteeɗo Biiturus, e minyiraawo maako Andiraawus, e Yaakubu ɓii Jabadi, e minyiraawo maako Yahaya,

1 Biiturus 2:7

Hayre nden ɗon e nde woodi mangu to mooɗon onon kooliiɓe Yeesu. Ammaa to ganyuɓe kooloomo ɓe ngi'ay no, “Hayre nde mahooɓe nganyi, kayre woni hayre ɓurnde koo ndeye darnuki maadi.”

1 Biiturus 1:7

ngam tabbitinki hoolaare mooɗon. Hoolaare nden nde ɓuri jiinaari. Koo nde jiinaari nyalnde go'o ɗum re'ay, e ɗum foondiree hiite. Non maa ɗum foonday hoolaare mooɗon ɗum tabbitinande ngam keɓon manteeki, e teddineeki, e mawnineeki nyalnde nde Yeesu Almasiihu wartata.

Tiitus 1:1

Min, Bulus maccuɗo Allah lilaaɗo Yeesu Almasiihu windi ɗerewol ngo'ol. O suɓiiyam ngam mi sembiɗina yimɓe Allah cuɓaaɓe dow hoolaaki Yeesu, mi ekkitinaɓe goonga ngam ɓe njooɗoo jonde wooɗunde yeeso Allah.

Filibiyanko'en 1:29

O barkiɗinii'on. Barka ɗum woni naa' keɓon koolooɗon Almasiihu tan, ammaa haa keɓon njaron torra ngam maako.

Aafisanko'en 4:5

E woodi Joomiraawo go'oto, en koolii Yeesu Almasiihu e hoolaare wo'oyre, e woodi baptisma go'o.

Aafisanko'en 3:5

Ndenno yimɓe mbi'aaka sirru ɗu'um, ammaa jooni Allah wanginaniiɗum lilaaɓe maako e annabo'en maako ceniiɓe barka Ruuhu maako.

Galaatiyanko'en 2:8

Ngam no Allah wartiri Biiturus lilaaɗo to Yahuudanko'en, non o wartiriyam lilaaɗo yaaki to yimɓe naa' Yahuudanko'en.

2 Korintiyanko'en 5:21

Almasiihu meeɗaayi waɗuki hakke, ammaa Allah yowii fuu hakkeeji meeɗen dow maako, ngam laawol maako ngarten aadili'en yeeso Allah.

1 Korintiyanko'en 15:9

Ngam min woni ɓurɗo famɗuki nder lilaaɓe maako. Mi hewtaayi maa mi noddee lilaaɗo maako, ngam mi torrii kawtal yimɓe Allah.

1 Korintiyanko'en 9:1

Min, naa' mi dimo? Naa' mi lilaaɗo? Naa' mi yi'ii Yeesu Joomiraawo meeɗen? Naa' on ngartii tokkuɓe Yeesu barka kuugal am ngal Joomiraawo?

1 Korintiyanko'en 1:30

O wartirii'on ɓe Yeesu Almasiihu. Allah wartiriimo faamu meeɗen. Laawol maako ɗum wartiri'en aadili'en, ceniiɓe, rimɗinaaɓe.

Roomanko'en 1:17

Ngam Habaru Belɗum e holla aadilaaku Allah keɓeteeɗum barka hoolaaki Yeesu tan. Non no ɗum windiraa, “Aadiliijo o waɗay jonde hoolaaki Allah.”

Yahaya 20:21

Yeesu fuɗɗiti wi'i, “Jam wonda e mooɗon! Non no Nyaako Mo Dow liliriyam, non min maa e mi lila'on.”

Yahaya 1:42

Sey o yaari Siiman to Yeesu. Yeesu raari Siiman on wi'imo, “An woni Siiman ɓiɗɗo Yahaya. Ɗum noddirte Keefas.” Ma'ana Keefas woni Biiturus, waato “hayre.”

Luka 11:49

Kanjum waɗi Allah wi'i nder andal muuɗum, ‘Mi lilanayɓe annabo'en e lilaaɓe, ɓe mbara woɓɓe ɓe torra woɓɓe.’

Maatiyu 4:18

Yeesu e yaha haade Mbeela Galiili, o yi'i sakiraaɓe ɗiɗo, Siiman bi'eteeɗo Biiturus e minyiraawo maako Andiraawus, e ɓe ngaɗa nangirɗum liƴƴi maɓɓe nder ndiyam, ngam ɓe nangooɓe liƴƴi.

Filibiyanko'en 1:1

Min Bulus e Timooti min maccuɓe Yeesu Almasiihu. Min mbindan fuu yimɓe Allah tokkuɓe Yeesu wonɓe gariiri Filibi e mawɓe e huwooɓe nder kawtal tokkuɓe Yeesu.

Yaakubu 1:1

Min, Yaakubu, windi ɗerewol ngo'ol. Mi maccuɗo Allah e Joomiraawo meeɗen Yeesu Almasiihu. E mi howna'on, onon tokkuɓe Yeesu cankitiiɓe nder duuniyaaru.

Yahuuda 1:1

Min woni Yahuuda, maccuɗo Yeesu Almasiihu, minyiraawo Yaakubu. Mi windan'on ɗerewol ngo'ol, onon ɓe Allah Nyaako Mo Dow yiɗi noddi, ɓe Yeesu Almasiihu suranta.