1 Yahaya 5:4 - Fulfulde Nigeria

⁴ Ngam fuu ɓiɗɗo Allah waaway heɓuki jaalorgal dow duuniyaaru. Hoolaare meeɗen dow Almasiihu, kayre waɗi keɓuɗen jaalorgal dow duuniyaaru.

1 Yahaya 5:4 ပူးပေါင်းရင်းမြစ်များ

1 Korintiyanko'en 15:57

Ammaa yettoore tabbita to Allah kokkuɗo'en jaalorgal barka Yeesu Almasiihu Joomiraawo meeɗen.

1 Yahaya 4:4

Onon ɓiɓɓe am, onon ɗum ɓe Allah, nden on keɓii jaalorgal dow annabo'en fewre ɓen ɗon. Ngam bawɗe Ruuhu Allah gonɗum nder mooɗon ɓurii bawɗe Ceyɗan laamotooɗo yimɓe duuniyaaru sembe.

Yahaya 16:33

Mi wi'u'on ɗu'um ngam keɓon belɗum ɓernde barka sumpootirki e am. Nder duuniyaaru ndu'u on njaray torra. Ammaa to' on ngannu, mi heɓii jaalorgal dow duuniyaaru.”

1 Yahaya 3:9

Fuu ɓiɗɗo Allah waɗataa ka waɗuki hakke, ngam ngikku Allah e nder maako. Nden nde Allah woni Nyaako maako, o waɗataa ka waɗuki hakke.

1 Yahaya 5:5

Moye waawata heɓuki jaalorgal dow duuniyaaru? Sey kooliiɗo Yeesu o Ɓiɗɗo Allah.

Wahayu Yahaya 3:21

Fuu keɓuɗo jaalorgal o laamodoto e am nder laamu am, non no keɓirmi jaalorgal e mi laamodoo e Nyaako am nder laamu maako.

Wahayu Yahaya 12:11

Ɓe keɓii jaalorgal dow maako barka ƴiiƴam Karoori ndin nden e barka Wolde Allah ngam ɓe njaɓii ɓe ndulla yonki maɓɓe.

Wahayu Yahaya 3:5

Fuu keɓuɗo jaalorgal ɗum ɓornaymo kolte daneeje, nden mi ittataa inde maako daga nder deftere yonki. Mi wi'ay kanko ɗum mo am yeeso Nyaako am e yeeso malaa'ika'en maako.

Wahayu Yahaya 2:11

“Fuu gooduɗo noppi nanooji nana ko Ruuhu Allah wi'ata kawte tokkuɓe Yeesu. “Fuu keɓuɗo jaalorgal, mayde ɗiɗawre meemataamo, waato o nattintaake hiite.

Wahayu Yahaya 3:12

Fuu keɓuɗo jaalorgal mi wartiraymo darŋalal nder wuro ceniingo ngo Allah am, o fuɗɗitataa o wurtoo wuro ngon. Mi winday inde Allah am dow maako e inde gariiri Allah am, waato Urucaliima keyri jippoytoondi daga to Allah am ton dow. Ɗonmaa mi winday inde am heyre dow maako.

Wahayu Yahaya 2:26

Fuu keɓuɗo jaalorgal e waɗa ko mbiimi haa timmoode, mi hokkaymo laamu dow leƴƴi duuniyaaru no Nyaako am Mo Dow hokkiriyamɗum.

1 Yahaya 5:1

Fuu kooliiɗo Yeesu woni Almasiihu o ɓiɗɗo Allah. Fuu giɗɗo nyaako suka, e mo yiɗi suka on maa.

Wahayu Yahaya 15:2

Sey ngiimi goɗɗum bo maayo daarolle hawti e hiite. Nden mi yi'i keɓuɓe jaalorgal dow mardi arandeeri ndin ɗon e ngunkiwa nandunga e mayri e lamba kollayɗum inde mayri. E ɓe ndarii daande maayo daarolle ngon e ɓe njogii garaayaaji ɗi Allah hokkiɓe.

Wahayu Yahaya 2:7

“Fuu gooduɗo noppi nanooji nana ko Ruuhu Allah wi'ata kawte tokkuɓe Yeesu. “Fuu keɓuɗo jaalorgal mi alaymo o nyaama ɓikkoy lekki kokkoohi yonki wonki nder ngesa Allah.

Wahayu Yahaya 2:17

“Fuu gooduɗo noppi nanooji nana ko Ruuhu Allah wi'ata kawte tokkuɓe Yeesu. “Fuu keɓuɗo jaalorgal, mi hokkaymo manna cuuɗiiɗum o nyaama. Ɗonmaa mi hokkaymo hayre raneere inde heyre e windii dow mayre. Walaa anduɗo inde nden sey ni kokkaaɗo hayre nden.

Yahaya 1:13

Ɓe ngartaayi ɓiɓɓe Allah ngam ɓe ndanyaama no ɗum danyirta yimɓe, koo ngam yimɓe ngiɗi non waɗa. Allah e hoore muuɗum wartiriɓe ɓiɓɓe maako.

Yahaya 3:3

Yeesu wi'imo, “E mi wi'umaa goonga, walaa baawayɗo natta Laamu Allah sey to ɗum fuɗɗitii ɗum danyiimo.”

1 Yahaya 2:29

To on andi Almasiihu o aadiliijo, on tabbitinii wiiki koo moye gaɗoowo aadilaaku o ɓiɗɗo Allah.

1 Yahaya 5:18

En andi fuu ɓiɗɗo Allah nyamrataa yeeso e waɗuki hakke, ammaa Ɓiɗɗo Allah suranaymo. Ceyɗan meemataamo.