1 Yahaya 5:19 - Fulfulde Nigeria

¹⁹ En andi enen ɗum ɓe Allah, koo nde duuniyaaru fuu e ley laamu Ceyɗan.

1 Yahaya 5:19 ပူးပေါင်းရင်းမြစ်များ

2 Korintiyanko'en 4:4

Ceyɗan laamiiɗo duuniyaaru ndu'u wumnii ɓerɗe yimɓe ɓe koolaaki Yeesu, ngam to' ɓe ngi'a jayngol Habaru Belɗum ɗum teddungal Almasiihu nanduɗo e Allah.

Aafisanko'en 2:2

E carel ngel on tokka ɗate duuniyaaru kalluɗe; on tokka Ceyɗan laamiiɗo ginni. Kanko woni tokkinoowo ɓerɗe ganyuɓe tokka ko Allah wi'i.

Galaatiyanko'en 1:4

Yeesu hokkii hoore muuɗum ngam hakke meeɗen ngam o hisna'en daga jaamanu kalluɗum ɗu'um. Non ɗum cuɓol Allah Nyaako meeɗen Mo Dow.

Yahaya 12:31

Jooni woni carel ngel ɗum waɗanta yimɓe duuniyaaru ndu'u kiita. Jooni ɗum riiway laamiiɗo duuniyaaru ndu'u.

Wahayu Yahaya 12:9

Ɗum hubinoyinga nder duuniyaaru. Kanga woni mbooga nga daga ndenno bi'eteenga Gullotooɗo koo Ceyɗan, majjinoowo duuniyaaru. Ɗum hubininga nder duuniyaaru fuu e malaa'ika'en maako.

Yahaya 16:11

Ɓe paamaayi ko woni kiita Allah, ngam laamiiɗo duuniyaaru ndu'u yaadake taƴanaama kiita.

1 Yahaya 5:20

En andi Ɓiɗɗo Allah warii duuniyaaru hokki'en andal, ngam anden Allah mo goonga. Barka Yeesu Almasiihu, jooni Allah mo goonga jeyi'en. Kanko woni Allah mo goonga, kokkoowo yonki ki re'ataa.

1 Yahaya 5:13

Mi windan'on ɗu'um, onon kooliiɓe inde Ɓiɗɗo Allah, ngam andon on ngoodi yonki ki re'ataa.

Yaakubu 4:4

On nyaamooɓe amaana! On andaa waaduki higaaku e duuniyaaru ɗum wanyuki Allah? Ngam non, fuu cuɓuɗo waada higaaku e duuniyaaru, o wartirii hoore maako ganyo Allah.

Yahaya 14:30

Mi neeɓataa e mi medda e mooɗon, ngam laamiiɗo duuniyaaru ndu'u e wara. O walaa bawɗe dow am.

1 Yahaya 5:10

Fuu kooliiɗo Ɓiɗɗo Allah tabbitinii ɗu'um nder ɓernde muuɗum. Ammaa fuu mo hoolaaki Allah, o wartirii Allah pewoowo won ɗon, ngam o wanyii o hooloo ko Allah tabbitini dow Ɓiɗɗo muuɗum.

1 Yahaya 3:24

Fuu tokkuɓe ko Allah wi'i ɗum waɗa e ɓe ngondi e maako, kanko maa e mo wondi e maɓɓe. Raa no tabbitinirɗen e mo wondi e meeɗen: en tabbitinii non ngam Ruuhu maako ɗum o hokki'en.

Wahayu Yahaya 20:3

Malaa'ikaajo on hubiinga nder ngayka kan, o maɓɓika o feɗika ngam to' nga wurtoo nga ɓeyda majjinki lenyi naa duuɓi ɗin ɗon 1,000 keewii. Gaɗa ɗon doole nga yoofee ngam carel seɗɗa.

1 Yahaya 5:18

En andi fuu ɓiɗɗo Allah nyamrataa yeeso e waɗuki hakke, ammaa Ɓiɗɗo Allah suranaymo. Ceyɗan meemataamo.

2 Korintiyanko'en 5:1

Ngam e min andi ɓalli amin e nandi e lukuru ɗum min njooɗotoo nder, nder duuniyaaru ndu'u. To lukuru ɗum sankitaama, e min andi Allah hokkaymin wuro tabitayngo ton dow, ngo mahiraaka e jungo neɗɗo.

Roomanko'en 8:16

Ruuhu Allah e hoore maajum hawti e ɓerɗe meeɗen tabbitinta enen en ɓiɓɓe Allah.

1 Yahaya 3:14

Ndenno en nandi e mayɓe, ammaa jooni en ngoodi yonki, ngam en ngiɗi bandiraaɓe meeɗen. Fuu mo yiɗaa bandiraawo muuɗum e jooɗii nder mayde.

Tiitus 3:3

Ngam enen maa ndenno en andaano ko ngaɗeten, en tokkataa ko ɗum wi'i'en, en majjinaama. Suuno duuniyaaru haɓɓii'en, en ngiɗi koo iri ɗume fii kalluɗum. En ngaɗii jonde meeɗen nder halleende e lawliiru, yimɓe nganyii'en, enen maa en nganyiiɓe.

2 Timooti 1:12

Kanjum waɗi e mi yara bone ɗu'um niini, ammaa fuu e non mi semtaayi ngam e mi andi mo kooliimi. Mi tabbitinii o waaway reenuki ko o hokkiyam yaaki Nyalnde Jaango.

2 Korintiyanko'en 1:12

Ko min mantortoo woni ɓerɗe amin e tabbitinanamin min ngaɗii jonde nder duuniyaaru nder senaaki e goonga ƴiwoyɗum to Allah, hakko maa nder mooɗon. Min njooɗori non naa' dow andal iri ngal yimɓe duuniyaaru, ammaa yidde Allah wallimin.

Luka 4:6

Nden Ceyɗan wi'imo, “Mi hokkete laamu e mangu dow leyɗe ɗe'e fuu, ngam ɗum hokkiiyamɗe. Mi waaway hokkukiɗe koo moye mo ngiɗumi.

Yahaya 17:15

Naa' e mi toromaa ngam ittaaɓe nder duuniyaaru, ammaa e mi toromaa ngam curaaɓe daga on ɗon Kalluɗo.

1 Yahaya 5:15

Nde en andi e mo nana'en koo ndeye to en torakemo goɗɗum, en andi en keɓii ko toriiɗenmo won ɗon.