1 Yahaya 5:18 - Fulfulde Nigeria

¹⁸ En andi fuu ɓiɗɗo Allah nyamrataa yeeso e waɗuki hakke, ammaa Ɓiɗɗo Allah suranaymo. Ceyɗan meemataamo.

1 Yahaya 5:18 ပူးပေါင်းရင်းမြစ်များ

1 Yahaya 3:9

Fuu ɓiɗɗo Allah waɗataa ka waɗuki hakke, ngam ngikku Allah e nder maako. Nden nde Allah woni Nyaako maako, o waɗataa ka waɗuki hakke.

1 Yahaya 5:4

Ngam fuu ɓiɗɗo Allah waaway heɓuki jaalorgal dow duuniyaaru. Hoolaare meeɗen dow Almasiihu, kayre waɗi keɓuɗen jaalorgal dow duuniyaaru.

Yahuuda 1:21

Njooɗee nder yidde nde Allah waɗani'en, keɗooɗon yurmeende Joomiraawo meeɗen Yeesu Almasiihu kokkaynde yonki ki re'ataa.

1 Yahaya 5:1

Fuu kooliiɗo Yeesu woni Almasiihu o ɓiɗɗo Allah. Fuu giɗɗo nyaako suka, e mo yiɗi suka on maa.

Yahuuda 1:24

Yettoore tabbita to baawayɗo suruki'on to' njanon, o wadda'on yeeso teddungal maako on ngalaa goɗɗum ko wooɗaa, on nanay belɗum naa' seɗɗa.

1 Yahaya 3:3

Fuu gaɗuɗo ɓernde dow Almasiihu non, o laaɓina hoore maako no Almasiihu laaɓiri.

Yaakubu 1:27

Diina laaɓuka ka Allah Nyaako meeɗen Mo Dow yiɗi, kanka woni walluki maraaya'en e rewɓe ɓe worɓe mu''en maayi torrotooɓe, nden e suruki hoore daga hoccuki tuundi duuniyaaru.

1 Biiturus 1:23

Ngaɗee non ngam Allah hokkii'on yonki kesum barka wolde maako goodunde yonki tabbutunde haa abadaa.

1 Yahaya 2:29

To on andi Almasiihu o aadiliijo, on tabbitinii wiiki koo moye gaɗoowo aadilaaku o ɓiɗɗo Allah.

Yahaya 15:9

Non no Nyaako Mo Dow yiɗiriyam, non min maa e mi yiɗi'on. Njooɗee nder yidde am.

Wahayu Yahaya 2:13

E mi andi to njooɗiiɗon; on njooɗoo to Ceyɗan laamotoo. Fuu e non, on ngaɗa ko mbiimi'on, on alaayi hoolaakiyam koo nde ɗum wari Antifas ga'ajinɗo dow am mo goonga.

1 Yahaya 5:21

Onon ɓiɓɓe am, ngoɗɗitee allaaji fewre.

1 Yahaya 4:6

Enen en yimɓe Allah. Fuu anduɓe Allah e njaɓa ko mbi'eten. Ɓe andaa Allah boo njaɓataa ko mbi'eten. Non andirten neɗɗo gooduɗo Ruuhu Allah wanginoojum goonga e gooduɗo bawɗe Ceyɗan majjinooje yimɓe.

Yahaya 15:7

To on njokkootirii e am nden boliiɗe am e njokkootiri e mooɗon, toree koo ɗume ɗum ngiɗɗon, ɗum hokkay'onɗum.

Yahaya 1:13

Ɓe ngartaayi ɓiɓɓe Allah ngam ɓe ndanyaama no ɗum danyirta yimɓe, koo ngam yimɓe ngiɗi non waɗa. Allah e hoore muuɗum wartiriɓe ɓiɓɓe maako.

1 Yahaya 3:12

To' en ngartu bo Kayinu gartuɗo mo Ceyɗan, o wari minyiraawo maako. Ngam ɗume o warimo? O waru minyiraawo maako ngam ko minyiraawo maako waɗi e wooɗi, ammaa kanko, ko o waɗi ɗum wooɗaa.

Kuuɗe Lilaaɓe 11:23

Nde Barnaba wari yi'i no Allah barkiɗiniri yimɓe naa' Yahuudanko'en tokkuɓe Yeesu, o nani belɗum, o sembiɗiniɓe ɓe ndaroo dow ko ɓe koolii, ɓe tokka Joomiraawo e ɓernde go'o.

Yahaya 15:4

Njooɗee on njokkootiri e am, nden min maa mi jooɗoto e mi jokkootiri e mooɗon. Lisal waawataa rima kanum tan, sey to ngal jokkootirii e layol. Non onon maa on mbaawataa ngaɗon goɗɗum ɗum Allah yiɗi sey to on njokkootirii e am.

Yahaya 14:30

Mi neeɓataa e mi medda e mooɗon, ngam laamiiɗo duuniyaaru ndu'u e wara. O walaa bawɗe dow am.

Yaakubu 1:18

Ɗum cuɓol maako o hokki'en yonki kesum barka wolde goonga, ngam ngarten bo ko arti ɓenduki nder ko o tagi.

Maatiyu 5:37

Al ‘Ee’ mooɗon warta ‘Ee,’ nden ‘Aa'a’ mooɗon warta ‘Aa'a.’ Fuu ko ƴaɓɓii ɗu'um, daga to Ceyɗan ɗum ƴiwoyi.

Maatiyu 6:13

Taa' alu min njaha to min ngaɗata hakke, ammaa hisnumin daga Kalluɗo.’

1 Yahaya 5:15

Nde en andi e mo nana'en koo ndeye to en torakemo goɗɗum, en andi en keɓii ko toriiɗenmo won ɗon.

1 Yahaya 5:19

En andi enen ɗum ɓe Allah, koo nde duuniyaaru fuu e ley laamu Ceyɗan.

1 Yahaya 5:20

En andi Ɓiɗɗo Allah warii duuniyaaru hokki'en andal, ngam anden Allah mo goonga. Barka Yeesu Almasiihu, jooni Allah mo goonga jeyi'en. Kanko woni Allah mo goonga, kokkoowo yonki ki re'ataa.