1 Yahaya 5:13 - Fulfulde Nigeria

¹³ Mi windan'on ɗu'um, onon kooliiɓe inde Ɓiɗɗo Allah, ngam andon on ngoodi yonki ki re'ataa.

1 Yahaya 5:13 ပူးပေါင်းရင်းမြစ်များ

Yahaya 20:31

Ammaa ɗu'um ɗum windaa ngam koolooɗon Yeesu woni Almasiihu Ɓiɗɗo Allah, nden laawol hoolaakimo keɓon yonki ki re'ataa barka inde maako.

Yahaya 1:12

Ammaa fuu jaɓuɓemo kooliiɓe inde maako, o hokkiiɓe bawɗe wartuki ɓiɓɓe Allah.

1 Yahaya 3:23

Ko Allah wi'i ngaɗen, kanjum woni koolooɗen inde Ɓiɗɗo maako Yeesu Almasiihu, nden ngiɗindiren non no Almasiihu wi'i ngaɗen.

Yahaya 3:18

“Koo moye kooliiɗomo taƴantaake kiita, ammaa mo hoolaakimo o yaadake o taƴanaama kiita, ngam o hoolaaki Ɓiɗɗo Allah bajjo.

1 Yahaya 2:21

Mi windan'on, naa' ngam on andaa goonga, ammaa ngam on andika, nden on andi goonga rimataa fewre.

Galaatiyanko'en 4:6

Ngam on ɓiɓɓe Allah, o liloyi Ruuhu Ɓiɗɗo maako nder ɓerɗe meeɗen, e ɗum nodda Allah e ɗum wi'a, “Nyaako am, Nyaako am.”

1 Yahaya 5:10

Fuu kooliiɗo Ɓiɗɗo Allah tabbitinii ɗu'um nder ɓernde muuɗum. Ammaa fuu mo hoolaaki Allah, o wartirii Allah pewoowo won ɗon, ngam o wanyii o hooloo ko Allah tabbitini dow Ɓiɗɗo muuɗum.

1 Yahaya 2:1

Onon ɓiɓɓe am, e mi windana'on ɗu'um ngam to' ngaɗon hakke. Ammaa to goɗɗo waɗii hakke, en ngoodi torotooɗo Nyaako Mo Dow ngam meeɗen. Kanko woni Yeesu Almasiihu aadiliijo.

1 Yahaya 1:4

E min mbindonoya'on ɗu'um ngam nanen belɗum naa' seɗɗa.

1 Biiturus 5:12

Silbaanus walliyam mbindanmi'on ɗerewol ngo'ol pamarol. E yiiki am o tokkuɗo Yeesu kooleteeɗo. E mi yiɗi mi sembiɗina'on mi wi'a'on ɗu'um woni caahu Allah ɗum goonga. Ndaree dow maajum e goonga.

2 Korintiyanko'en 5:1

Ngam e min andi ɓalli amin e nandi e lukuru ɗum min njooɗotoo nder, nder duuniyaaru ndu'u. To lukuru ɗum sankitaama, e min andi Allah hokkaymin wuro tabitayngo ton dow, ngo mahiraaka e jungo neɗɗo.

Kuuɗe Lilaaɓe 4:12

To maako tan kisndam heɓetee, ngam walaa wonde inde feere nder duuniyaaru nde Allah hokki nde ɗum hisirta to naa' inde Yeesu.”

Yahaya 2:23

Carel ngel Yeesu woni Urucaliima ngam Humto Sakkinki, yimɓe ɗuɗɓe kooliimo ngam ɓe ngi'ii kuuɗe kayɗiniiɗe ɗe o waɗi.

1 Yahaya 2:26

Mi windan'on ɗu'um dow ɓen ɗon giɗɓe majjina'on.

Kuuɗe Lilaaɓe 3:16

Ngam daga nder bawɗe gonɗe nder inde Yeesu, neɗɗo jaraaɗo o'o mo ngi'oton mo anduɗon heɓi njamu. Ngam hoolaaki inde Yeesu waɗi o heɓi njamu yeeso mooɗon, on fuu on ceydu'en maajum.

Yahaya 21:24

O'o woni on ɗon tokkuɗo Yeesu e mo hokka ceyda dow fuu fii ɗu'um nden o windiiɗum. En andi boo ceyda maako ɗum goonga.

Yahaya 5:24

“E mi wi'a'on goonga, koo moye nanɗo boliiɗe am hoolii on ɗon liloyɗoyam e woodi yonki ki re'ataa, o taƴantaake kiita, o yaadake o ƴaɓɓake mayde o heɓii yonki ki re'ataa.

1 Yahaya 2:25

Nga'al kangal woni alkawal ngal Almasiihu waɗani'en, waato yonki ki re'ataa.

1 Yahaya 4:9

Allah hollii'en yidde muuɗum nde o liloyi Ɓiɗɗo maako go'oto tan mo o woodi nder duuniyaaru, ngam keɓen yonki ki re'ataa barka Ɓiɗɗo on.

1 Yahaya 5:11

Ɗu'um woni ko tabbitinani'en Allah hokkii'en yonki ki re'ataa, nden yonki kin to Ɓiɗɗo maako keɓetenki.

1 Yahaya 5:20

En andi Ɓiɗɗo Allah warii duuniyaaru hokki'en andal, ngam anden Allah mo goonga. Barka Yeesu Almasiihu, jooni Allah mo goonga jeyi'en. Kanko woni Allah mo goonga, kokkoowo yonki ki re'ataa.