1 Yahaya 4:7 - Fulfulde Nigeria

⁷ Onon ɓe ngiɗumi, sey ngiɗindiren ngam yidde ƴiwoyi daga to Allah. Fuu gooduɗo yidde o ɓiɗɗo Allah, nden e mo andi Allah.

1 Yahaya 4:7 ပူးပေါင်းရင်းမြစ်များ

1 Yahaya 4:20

To goɗɗo wi'ii e yiɗi Allah, ammaa e mo wanya bandiraawo maako, too, o pewoowo. Ngam fuu mo yiɗaa bandiraawo muuɗum mo o yi'ata, no waɗata o yiɗa Allah mo o meeɗaayi yiiki?

1 Yahaya 4:8

Fuu mo walaa yidde, o andaa Allah, ngam Allah o yidde.

1 Biiturus 1:22

Tokkuki goonga laaɓinanii'on ɓerɗe on ngiɗindiri yidde nde goonga. Ngam maajum, ngiɗindiree e ɓernde go'o.

1 Yahaya 2:10

Ammaa fuu giɗɗo bandiraawo muuɗum, nder jayngol jooɗii, o walaa goɗɗum gaɗayɗum o waɗa hakke.

Galaatiyanko'en 5:22

Ammaa Ruuhu Allah e wadda yidde, e welwelo, e jonde jam, e munyal, e yurmeende, e ngikku boɗɗum, e waɗuki goonga,

2 Timooti 1:7

Ngam Joomiraawo hokkaayi'en ngikku kulol, ammaa o hokkii'en ngikku yidde e bawɗe e suruki ko'e meeɗen.

1 Yahaya 4:12

Walaa neɗɗo meeɗuɗo yiiki Allah koo seɗɗa. Ammaa to en ngiɗindirii, Allah e wondi e meeɗen won ɗon. Ɗonmaa yidde iri nde'e e jooɗii nder ɓerɗe meeɗen e goonga.

1 Yahaya 2:29

To on andi Almasiihu o aadiliijo, on tabbitinii wiiki koo moye gaɗoowo aadilaaku o ɓiɗɗo Allah.

Yahaya 17:3

Yonki ki re'ataa woni ɓe andumaa, an tan woni Allah goongaajo, nden ɓe anda Yeesu Almasiihu mo liloyɗaa.

2 Korintiyanko'en 4:6

Ngam Allah biiɗo jayngol wurtoyoo daga nder nyiwre, kanko waɗi jayngol maako yeynii nder ɓerɗe amin ngam min anda teddungal Allah ngal ɗum yi'ii e yeeso Yeesu Almasiihu.

Galaatiyanko'en 4:9

Ammaa jooni nde anduɗon Allah, koo boo nde Allah andi'on, ngam ɗume co''antooɗon ɗin ɗon ginni tampuɗi ɗi nafantaa'on? Ngam ɗume ngiɗɗon wartuki maccuɓe maaji kadin?

Yahaya 13:34

Jooni raa goɗɗum kesum ɗum ngiɗumi ngaɗon: ngiɗindiree. Non no ngiɗirmi'on, onon maa sey ngiɗindiron.

1 Korintiyanko'en 8:3

Ammaa neɗɗo giɗɗo Allah, Allah e andimo.

1 Yahaya 2:3

To en ngaɗa ko Allah wi'i ngaɗen, e holla en tabbitinii en andimo won ɗon.

1 Yahaya 2:4

Fuu biiɗo e andi Allah, ammaa o tokkaayi ko Allah wi'i, too, o pewoowo, goonga walaa nder ɓernde maako.

1 Yahaya 2:7

Higooɓe am giɗaaɓe, naa' ɗum goɗɗum dooka kesum mbindanaymi'on, ammaa ɗum dooka kiiɗum ɗum ngoodunooɗon daga arande. Dooka kiiɗum ɗum ɗon woni wolde nde nanunooɗon.

1 Yahaya 3:9

Fuu ɓiɗɗo Allah waɗataa ka waɗuki hakke, ngam ngikku Allah e nder maako. Nden nde Allah woni Nyaako maako, o waɗataa ka waɗuki hakke.

1 Yahaya 4:11

Onon ɓe ngiɗumi, nde Allah yiɗirii'en non, enen maa e haani ngiɗindiren.

1 Yahaya 4:16

Ngam non enen en andi yidde nde Allah waɗani'en en njaɓiinde. Allah o yidde, fuu kolloowo yidde e mo jooɗodii e Allah won ɗon, nden Allah maa e jooɗodii e maako.

1 Yahaya 5:1

Fuu kooliiɗo Yeesu woni Almasiihu o ɓiɗɗo Allah. Fuu giɗɗo nyaako suka, e mo yiɗi suka on maa.

2 Yahaya 1:5

Jooni e mi toroo'on, en ngiɗindir. Ɗu'um naa' ɗum dooka kesum mbindanmi'on, ammaa ɗum dooka ɗum ngoodunooɗen daga arande.