1 Yahaya 4:16 - Fulfulde Nigeria

¹⁶ Ngam non enen en andi yidde nde Allah waɗani'en en njaɓiinde. Allah o yidde, fuu kolloowo yidde e mo jooɗodii e Allah won ɗon, nden Allah maa e jooɗodii e maako.

1 Yahaya 4:16 ပူးပေါင်းရင်းမြစ်များ

1 Yahaya 3:24

Fuu tokkuɓe ko Allah wi'i ɗum waɗa e ɓe ngondi e maako, kanko maa e mo wondi e maɓɓe. Raa no tabbitinirɗen e mo wondi e meeɗen: en tabbitinii non ngam Ruuhu maako ɗum o hokki'en.

1 Yahaya 3:1

Ndaaree no Nyaako Mo Dow yiɗiri'en, haa e ɗum noddira'en ɓiɓɓe Allah, non boo ngontindirɗen. Ko waɗi yimɓe duuniyaaru ndu'u andaa'en ngam ɓe andaamo.

1 Yahaya 3:16

Ɗu'um woni no andirɗen ko woni yidde: Yeesu hokkii yonki muuɗum ngam meeɗen. E haani enen maa kokken yonki meeɗen ngam bandiraaɓe meeɗen.

1 Korintiyanko'en 2:9

Ammaa non no ɗum windiraa, “Ko hitere meeɗaayi yiiki, ko nowru meeɗaayi nanki, ko neɗɗo meeɗaayi nyumuki, kanjum Allah siryanii yiɗuɓemo.”

Yahaya 6:69

Min njaadake min koolakema, e min andi an woni Ceniiɗo mo Allah.”

Yahaya 9:3

Yeesu wi'i, “Naa' ngam hakke neɗɗo o'o koo ngam hakke danyooɓe maako waɗi o danyaa bumɗo. O danyaa e mo wumi ngam ɗum holla bawɗe Allah dow maako.

1 Yahaya 4:7

Onon ɓe ngiɗumi, sey ngiɗindiren ngam yidde ƴiwoyi daga to Allah. Fuu gooduɗo yidde o ɓiɗɗo Allah, nden e mo andi Allah.