1 Yahaya 4:12 - Fulfulde Nigeria

¹² Walaa neɗɗo meeɗuɗo yiiki Allah koo seɗɗa. Ammaa to en ngiɗindirii, Allah e wondi e meeɗen won ɗon. Ɗonmaa yidde iri nde'e e jooɗii nder ɓerɗe meeɗen e goonga.

1 Yahaya 4:12 ပူးပေါင်းရင်းမြစ်များ

Yahaya 1:18

Walaa neɗɗo meeɗuɗo yiiki Allah. Ɓiɗɗo maako bajjo, gonɗo nder ɓernde Nyaako Mo Dow, kanko holli'en no Allah wa'i.

1 Yahaya 2:5

Ammaa fuu tokkuɗo Wolde Allah, too, e mo yiɗi Allah e goonga. Non tabbitinanta'en en cumpootira e Allah.

1 Timooti 6:16

Kanko tan woni mo maayataa, e mo jooɗii nder jayngol, walaa potuɗo ɓaddoo haade maagol, walaa meeɗuɗo yiikimo, walaa baawayɗo yi'amo. Mangu e laamu ɗum re'ataa tabbita to maako. Aamin.

1 Yahaya 4:20

To goɗɗo wi'ii e yiɗi Allah, ammaa e mo wanya bandiraawo maako, too, o pewoowo. Ngam fuu mo yiɗaa bandiraawo muuɗum mo o yi'ata, no waɗata o yiɗa Allah mo o meeɗaayi yiiki?

1 Yahaya 3:24

Fuu tokkuɓe ko Allah wi'i ɗum waɗa e ɓe ngondi e maako, kanko maa e mo wondi e maɓɓe. Raa no tabbitinirɗen e mo wondi e meeɗen: en tabbitinii non ngam Ruuhu maako ɗum o hokki'en.

1 Yahaya 4:6

Enen en yimɓe Allah. Fuu anduɓe Allah e njaɓa ko mbi'eten. Ɓe andaa Allah boo njaɓataa ko mbi'eten. Non andirten neɗɗo gooduɗo Ruuhu Allah wanginoojum goonga e gooduɗo bawɗe Ceyɗan majjinooje yimɓe.

1 Timooti 1:17

O Laamiiɗo haa abadaa, o walaa keerol, o yi'ataako, kanko tan woni Allah. Mangu e teddungal tabbita to maako haa abadaa abadin.

Ibraaniyanko'en 11:27

Ngam Muusa e hoolii Allah waɗi o ali leydi Masar, o hulaayi monnere laamiiɗo leydi ndin. O wanyi o so''o ngam o yi'ii Allah mo yi'ataake.

1 Korintiyanko'en 13:13

Too, jooni e woodi fii tatum, waato hoolaare, e kammunde, e yidde, ammaa yidde woni ko ɓurii mangu.

1 Yahaya 4:16

Ngam non enen en andi yidde nde Allah waɗani'en en njaɓiinde. Allah o yidde, fuu kolloowo yidde e mo jooɗodii e Allah won ɗon, nden Allah maa e jooɗodii e maako.