1 Yahaya 4:1 - Fulfulde Nigeria

¹ Onon ɓe ngiɗumi, naa' koo moye biiɗo e woodi Ruuhu Allah koolotooɗon. Ammaa poondeeɓe ngi'on koo Ruuhu Allah e nder maɓɓe koo walaa nder maɓɓe, ngam annabo'en fewre ɗuɗɓe cankitake koo toye nder duuniyaaru.

1 Yahaya 4:1 ပူးပေါင်းရင်းမြစ်များ

1 Tasaloonikanko'en 5:21

ammaa poondee koo ɗume, njogooɗon ko wooɗi.

2 Biiturus 2:1

Ammaa ndenno annabo'en fewre nattii nder yimɓe Joomiraawo. Non moodiɓɓe fewre nattirta nder mooɗon. Ɓe ngadday wongol ekkitinol nder mooɗon e suuɗe pooɗanayngol'on halkere, haa maa ɓe mbi'a ɓe andaa Joomiraawo rimɗinɗoɓe. Non ɓe pooɗiranta ko'e maɓɓe halkere jawnde.

1 Timooti 4:1

Ruuhu Allah tabbitinii wi'uki e balɗe re'uki duuniyaaru woɓɓe yimɓe alay hoolaaki Yeesu, ɓe tokka ekkitinooɓe fewre keɓuɓe andal mu''en to ginni.

2 Yahaya 1:7

Mi wi'u non ngam yimɓe ɗuɗɓe majjinooɓe yimɓe mburtoyake nder duuniyaaru. Ɓe njaɓaayi Almasiihu warii duuniyaaru nder ɓandu. Iri ɓen ɗon yimɓe ɓe majjinooɓe yimɓe, ɓe wanywanyɓe Almasiihu.

1 Korintiyanko'en 14:29

Gaɗooɓe annabaaku maa, to' ɓe ɓura ɗiɗo koo tato. E haani ɓe meta go'o‑go'o, nden kettindaniiɓeɓe poonda ko ɓe mbi'ata e hakkiilo.

1 Yahaya 2:18

Onon ɓiɓɓe am, timmoode duuniyaaru ɓadake, non no nanɗon Ganyo Almasiihu e wara. Nden jooni wanywanyɓe Almasiihu njaadake mbangii. Ngam maajum en andi timmoode duuniyaaru ɓadake.

Luka 12:57

“Ngam ɗume on mbaawataa suɓanki ko'e mooɗon ko haani?

Luka 21:8

O wi'i, “Paamee, to' ɗum majjina'on. Ngam yimɓe ɗuɗɓe ngaroyay nder inde am, ɓe mbi'a kamɓe ngoni min, nden, ‘Carel ɓadake!’ To' on tokkuɓe.

2 Timooti 3:13

Yimɓe kalluɓe e munaafuki'en ɓe ɓeyday halleende maɓɓe ɓe ngaɗay ka majjinki yimɓe, kamɓe maa woɓɓe e majjinaɓe.

Wahayu Yahaya 2:2

E mi andi kuuɗe mooɗon. E mi andi on kuwii naa' seɗɗa, on munyii nder torraaji ɗi njaroton. E mi andi on pijantaa kalluɓe. Nden wi'ooɓe ko'e maɓɓe ɓe lilaaɓe, ammaa naa' ɗum non on poondiiɓe on tawii ɓe pewooɓe.

1 Korintiyanko'en 12:10

goɗɗo kadin dokkal waɗuki fii kayɗiniiɗum, goɗɗo waɗuki annabaaku, goɗɗo boo mbawka feerootirki hakkunde Ruuhu Allah e ginni, goɗɗo boo mbawka waɗirki do'aare ɗemɗe ɗe ɓe andaa, goɗɗo boo mbawka hokkuki ma'ana ɗemɗe ɗen.

Kuuɗe Lilaaɓe 20:29

E mi andi gaɗa mi alii ɗo'o yimɓe kalluɓe bo caafaali no nattay nder mooɗon, kadimaa boo ɓe alataa ornde nden.

Markus 13:21

“E ngel ɗon carel to goɗɗo wi'ii'on, ‘Raa Almasiihu ɗo'o!’ koo boo, ‘Rammo ɗaa'e!’ to' on njaɓu.

Kuuɗe Lilaaɓe 17:11

Yimɓe gariiri Biiriya ɓurii yimɓe Tasaloonika ngikku boɗɗum ngam ɓe njaɓii habaru ɗum Bulus waddaniɓe e juuɗe ɗiɗi. E ɓe lincita Deftere Ceniinde koo ndeye nyalnde, ngam ɓe ngi'a koo ko Bulus ekkitintaɓe ɗum goonga.

1 Tasaloonikanko'en 5:20

To' on njawan annabaaku,

2 Tasaloonikanko'en 2:2

to' hakkiilo mooɗon ummilawoo koo ngannon dow yimɓe bi'ooɓe nyalnde nde Joomiraawo wartoyta warii. Ɗum gaɗotooɗum ɓe mbi'a minon mbi'i non nder annabaaku, koo nder wa'ajinki, koo boo nder ɗerewol min mbindiɗum.

1 Yahaya 2:7

Higooɓe am giɗaaɓe, naa' ɗum goɗɗum dooka kesum mbindanaymi'on, ammaa ɗum dooka kiiɗum ɗum ngoodunooɗon daga arande. Dooka kiiɗum ɗum ɗon woni wolde nde nanunooɗon.

3 Yahaya 1:11

Higo am Gaayus mo ngiɗumi, taa' ekkita halleende, ammaa ekkita ngikku boɗɗum. Koo moye gaɗoowo ko wooɗi o ɓiɗɗo Allah. Koo moye gaɗoowo ko halli o andaa Allah koo seɗɗa.