1 Yahaya 3:5 - Fulfulde Nigeria

⁵ On andi Yeesu Almasiihu warii ngam itta hakke. Kanko o walaa hakke.

1 Yahaya 3:5 ပူးပေါင်းရင်းမြစ်များ

2 Korintiyanko'en 5:21

Almasiihu meeɗaayi waɗuki hakke, ammaa Allah yowii fuu hakkeeji meeɗen dow maako, ngam laawol maako ngarten aadili'en yeeso Allah.

Ibraaniyanko'en 9:28

non maa Almasiihu sakkaama nde go'o ngam o itta hakke yimɓe ɗuɗɓe. O wartoyay gartol ɗiɗaɓol naa' ngam o itta hakke, ammaa ngam o hisna ɓen ɗon keɗiiɓemo.

1 Biiturus 3:18

Ngam Almasiihu maayii nde go'o ngam ittuki hakkeeji meeɗen. Kanko o gooduɗo aadilaaku, ammaa o maayii ngam ɓe ngalaa aadilaaku ngam o yaara'en to Allah. Ɗum wariimo, ammaa Ruuhu Allah hokkiimo yonki.

1 Biiturus 2:24

Kanko e hoore maako jaɓi o yowanee hakke ɗum ngaɗuɗen o ɓilee dow gaafaangal. O waɗu non ngam laawol mayde maako alen waɗuki hakke, njooɗooɗen jonde aadilaaku. No aayaare wi'i, “Barka nawnooɗe maako on njamɗitii.”

Ibraaniyanko'en 9:26

Daa ɗum non, daa Almasiihu yarii torra nde ɗuɗɗum daga carel ngel duuniyaaru tagaa. Ammaa raɗɗum jooni e re'irde duuniyaaru o warii nde go'o tan ngam o itta hakke barka sakkuki hoore maako.

Yahaya 1:29

Gaɗa ɗu'um waɗii nde fini Yahaya yi'i Yeesu e waroya to muuɗum, o wi'i, “Raa Karoori Allah, ittayndi hakkeeji duuniyaaru!

Wahayu Yahaya 1:5

e Yeesu Almasiihu, ceyduujo Allah mo goonga, barkiɗina'on, hokka'on jam. Yeesu artuɗo ummaaki daga mayde kanko woni laamiiɗo laamiiɓe duuniyaaru. E mo yiɗi'en, o hisnii'en daga hakkeeji meeɗen barka ƴiiƴam mayde maako.

1 Yahaya 1:7

Ammaa to en njooɗake nder jayngol non no Allah jooɗorii nder jayngol, en cumpootira hakkunde meeɗen won ɗon. Ɗonmaa ƴiiƴam Yeesu Ɓiɗɗo maako e lootana'en hakkeeji fuu.

1 Yahaya 1:2

On ɗon kokkoowo yonki on, ɗum wanginaniiminmo, min ngi'imo. Dow maako min kokkata ceyda, ɗonmaa e min nga'ajinana'on wiiki kanko woni mo yonki ki re'ataa. Daga ndenno e mo wondi e Nyaako Mo Dow, nden ɗum wanginaniiminmo.

Tiitus 2:14

Yeesu hokkii hoore muuɗum ngam meeɗen ngam o rimɗina'en daga koo ndeye halleende, o wartira'en yimɓe maako laɓɓe, giɗɓe waɗuki boɗɗum.

1 Biiturus 2:22

O meeɗaayi waɗuki hakke koo seɗɗa, ɗum meeɗaayi nanki fewre wurtake daga honduko maako.

Ibraaniyanko'en 1:3

E mo holla jayngol teddungal Allah, nden nder koo ɗume e mo nandi e Allah. E mo jogorii koo ɗume wolde maako goodunde bawɗe. Gaɗa o waɗii laawol yaafaaki hakke, o jooɗii ton dow to jungo nyaamo ngo Allah Joomu Mangu.

1 Timooti 1:15

Yeesu Almasiihu warii nder duuniyaaru ngam hisna gaɗooɓe hakke. Haala ka'a ka tabbutuka ka hewtii ɗum jaɓaka. Min boo, mi ɓurii koo moye waɗuki hakke.

Maatiyu 1:21

O danyay ɓiɗɗo gorko nden a noddaymo Yeesu, ngam o hisnay yimɓe maako daga hakke maɓɓe.”

1 Yahaya 2:1

Onon ɓiɓɓe am, e mi windana'on ɗu'um ngam to' ngaɗon hakke. Ammaa to goɗɗo waɗii hakke, en ngoodi torotooɗo Nyaako Mo Dow ngam meeɗen. Kanko woni Yeesu Almasiihu aadiliijo.

1 Biiturus 1:20

Kanko Allah suɓi daga ko ɗum taga duuniyaaru, ammaa ɗum wanginimo ngam mooɗon e balɗe ɗe'e ɗe re'uki duuniyaaru.

Ibraaniyanko'en 4:15

Mawɗo Mawɓe Ardiiɓe Diina mo ngooduɗen naa' o goɗɗo mo waawataa yurminanki'en enen tampuɓe. Ammaa o foondaama e koo ngole laawol no ɗum foondirta'en, fuu e non o waɗaayi hakke.

Ibraaniyanko'en 7:26

Iri o'o Mawɗo Mawɓe Ardiiɓe Diina haanani'en. O ceniiɗo, o walaa goɗɗum kalluɗum, o walaa hakke, o wurtinaama nder gaɗooɓe hakke o mawninaa dow koo ɗume ton dow.

1 Timooti 3:16

Walaa wongo seko, sirru diina meeɗen e mawni, wiiki: Almasiihu warii nder ɓandu neɗɗo, Ruuhu Allah hollii e mo waɗa ko Allah yiɗi, malaa'ika'en ngi'iimo, ɗum hokkii habaru maako nder lenyi, ɗum hoolakemo nder duuniyaaru, ɗum hocciimo yaaki dow nder mangu maako.

Yahaya 14:30

Mi neeɓataa e mi medda e mooɗon, ngam laamiiɗo duuniyaaru ndu'u e wara. O walaa bawɗe dow am.

Yahaya 8:46

Moye nder mooɗon waawata tabbitinki mi waɗii hakke? To ni goonga mbi'aymi, ngam ɗume on koolataakoyam?

Yahaya 1:31

Min e hoore am mi andaamo, ammaa mi warii e mi waɗira baptisma e ndiyam ngam o wanginanee yimɓe Israa'iila.”

Luka 23:47

Nde mawɗo sooji'en on yi'i ko waɗi, sey o manti Allah, o wi'i, “Goonga, neɗɗo o'o o aadiliijo!”

Luka 23:41

Enen en keɓii ko haani ɗum waɗana'en, ngam ko ngaɗɗen wooɗaa. Ammaa neɗɗo o'o, o waɗaayi goɗɗum ko wooɗaa.”

1 Biiturus 1:18

On andi ɗum rimɗinii'on daga ngikkuuji meereeji ɗi ndonuɗon to maama'en mooɗon. Ɗum rimɗiniraayi'on fii re'oojum bo ajurfaari e jiinaari.

1 Yahaya 2:2

Kanko woni mo ɗum sakki ngam yaafaaki hakke meeɗen. Naa' hakke meeɗen tan, ammaa haa e hakke yimɓe duuniyaaru fuu.

1 Yahaya 2:29

To on andi Almasiihu o aadiliijo, on tabbitinii wiiki koo moye gaɗoowo aadilaaku o ɓiɗɗo Allah.

1 Yahaya 3:8

Fuu gaɗɗo ka waɗuki hakke, Ceyɗan jeyimo, ngam daga arande Ceyɗan o gaɗoowo hakke. Ko waɗi Ɓiɗɗo Allah wari duuniyaaru woni ngam o halka kuuɗe Ceyɗan.