1 Yahaya 3:24 - Fulfulde Nigeria

²⁴ Fuu tokkuɓe ko Allah wi'i ɗum waɗa e ɓe ngondi e maako, kanko maa e mo wondi e maɓɓe. Raa no tabbitinirɗen e mo wondi e meeɗen: en tabbitinii non ngam Ruuhu maako ɗum o hokki'en.

1 Yahaya 3:24 ပူးပေါင်းရင်းမြစ်များ

1 Korintiyanko'en 3:16

On andaa ɓalli mooɗon ɗum wuro to Allah jooɗotoo, nden Ruuhu Allah e jooɗoo nder ɓerɗe mooɗon?

2 Timooti 1:14

Joga habaru goonga boɗɗum ɗum Ruuhu Allah gonɗum nder meeɗen hokkumaa.

1 Yahaya 2:6

Fuu biiɗo e sumpootira e Allah, haanii o jooɗoroo no Yeesu Almasiihu jooɗorii.

1 Korintiyanko'en 6:19

On andaa ɓalli mooɗon ɗum wuro to Ruuhu Allah jooɗotoo? Allah hokkii'onɗum ɗum jooɗoo nder mooɗon. Naa' onon njeyi ko'e mooɗon.

1 Yahaya 4:7

Onon ɓe ngiɗumi, sey ngiɗindiren ngam yidde ƴiwoyi daga to Allah. Fuu gooduɗo yidde o ɓiɗɗo Allah, nden e mo andi Allah.

Yahaya 17:21

E mi waɗa do'aare ɓe fuu maɓɓe ɓe ngarta go'o. Nyaako am e mi toromaa, ɓe keɓa ɓe cumpootira e meeɗen non no cumpootirten, ngam duuniyaaru jaɓa an liloyiyam.

1 Yahaya 3:22

En keɓa koo ɗume ko toriiɗenmo ngam en tokkii ko o wi'i ngaɗen, en ngaɗa ko welnantamo ɓernde.

2 Korintiyanko'en 6:16

Nden ko hawti wuro ceniingo ngo Allah e gunkiiji? Ɓalli meeɗen ngoni wuro ceniingo ngo Allah mo yonki. Ngam o wi'i, “Mi jooɗoto nder maɓɓe, mi yaada e maɓɓe. Mi wartay Allah maɓɓe, ɓe ngartay yimɓe am.”

Yahaya 10:38

Ammaa to e mi waɗa kuuɗe maako, koo to on koolaakiyam, koolee kuuɗe ɗen, ngam andon paamon Nyaako Mo Dow e nder am, min maa e mi nder maako.”

Yahaya 14:17

Kanko woni Ruuhu kollayɗum goonga. Yimɓe duuniyaaru ndu'u njaɓataaɗum, ngam ɓe ngi'ataaɗum, ɓe andaaɗum. Ammaa onon on andiɗum ngam e ɗum wondi e mooɗon, nden ɗum jooɗoto nder mooɗon.

1 Tasaloonikanko'en 4:8

Ngam non, fuu ganyuɗo ekkitinol ngo'ol, naa' neɗɗo o wanyi, Allah o wanyi, kokkoowo'on Ruuhu maako.

1 Yahaya 2:3

To en ngaɗa ko Allah wi'i ngaɗen, e holla en tabbitinii en andimo won ɗon.

1 Yahaya 2:5

Ammaa fuu tokkuɗo Wolde Allah, too, e mo yiɗi Allah e goonga. Non tabbitinanta'en en cumpootira e Allah.

1 Yahaya 2:24

Ngaɗee ka jogaaki ko nanɗon daga arande nder ɓerɗe mooɗon. To on njogake ko nanɗon daga arande nder ɓerɗe mooɗon, on cumpootira e Ɓiɗɗo on e Nyaako on.