1 Yahaya 3:1 - Fulfulde Nigeria

¹ Ndaaree no Nyaako Mo Dow yiɗiri'en, haa e ɗum noddira'en ɓiɓɓe Allah, non boo ngontindirɗen. Ko waɗi yimɓe duuniyaaru ndu'u andaa'en ngam ɓe andaamo.

1 Yahaya 3:1 ပူးပေါင်းရင်းမြစ်များ

Yahaya 1:12

Ammaa fuu jaɓuɓemo kooliiɓe inde maako, o hokkiiɓe bawɗe wartuki ɓiɓɓe Allah.

Galaatiyanko'en 3:26

On fuu on ɓiɓɓe Allah barka hoolaaki Yeesu Almasiihu.

2 Korintiyanko'en 6:18

Mi wartay Nyaako mooɗon, onon boo on ngartay ɓiɓɓe am worɓe e rewɓe. Non Joomiraawo Joomu Bawɗe wi'i.”

Yahaya 17:25

Yaa Nyaako am aadiliijo, yimɓe duuniyaaru andaama, ammaa min e mi andumaa, nden e ɓe andi an liloyiyam.

Yahaya 3:16

Ngam yidde nde Allah yiɗi duuniyaaru haa o hokkii Ɓiɗɗo maako bajjo, ngam koo moye kooliiɗomo to' halka ammaa heɓa yonki ki re'ataa.

Wahayu Yahaya 21:7

Fuu keɓuɗo jaalorgal heɓay fii ɗu'um fuu daga to am, mi wartay Allah maako, kanko o warta ɓiɗɗo am.

Roomanko'en 5:8

Ammaa laawol ngol Allah hollii'en yidde maako woni, carel ko ngonɗen nder hakke, Almasiihu maayii ngam meeɗen.

Galaatiyanko'en 3:29

To Almasiihu jeyi'on, onon ngoni ɓiɓɓe Ibraahim, onon keɓata ko Allah waɗi alkawal.

Roomanko'en 8:32

Allah haɗaayi Ɓiɗɗo muuɗum yarki torra, ammaa o hokkiimo ngam o sakkee ngam meeɗen en fuu. Nde o waɗii non, o hokkataa'en koo ɗume caahu?

Yahaya 16:3

Yimɓe ngaɗanay'on non ngam ɓe andaa Nyaako Mo Dow, ɓe andaayam.

Koloosiyanko'en 3:3

ngam on ngartii bo mayɓe, nden jooni on ngoodi yonki kesi ki goɗɗo waawataa yiiki iri yonki ki Almasiihu woodi gonduɗo e Allah.

Roomanko'en 8:21

ngam ko tagaa e hoore maajum ɗum dimɗinteeɗum daga maccungaaku nyoluki, ɗum heɓa rimɗineeki e teddineeki ɗum yimɓe Allah njeyi.

Luka 20:36

Ɓe puɗɗitataa ɓe maaya, ngam ɓe ngartay bo malaa'ika'en. Ɓe ɓiɓɓe Allah ngam ɓe ummake daga mayde.

Yahaya 11:52

O maayay naa' ngam Yahuudanko'en tan, ammaa haa e yimɓe Allah cankitiiɓe nder goɗɗe leyɗe, o hawritaɓe o wartiraɓe go'o.

Yahaya 15:21

Ammaa ɓe ngaɗanay'on fuu fii ɗu'um ngam onon ɗum ɓe am, ngam ɓe andaa on ɗon liloyɗoyam.

Roomanko'en 8:19

Fuu ko tagaa e heɗii e haaɓi ngam yi'a Allah wanginii ɓiɓɓe muuɗum.

1 Yahaya 3:2

Onon higooɓe am ɓe ngiɗumi, jooni en ɓiɓɓe Allah. Ɗum hollaayi'en ko ngarteten ɗo'o yeeso taw. Ammaa en andi to Almasiihu wartii, en ngartay bo maako, ngam en ngi'aymo non no o woni.

1 Yahaya 3:10

Raa no ɗum feerootirta ɓiɓɓe Allah e ɓiɓɓe Ceyɗan. Fuu mo waɗataa ko wooɗi koo yiɗaa bandiraaɓe muuɗum, kanko naa' o ɓiɗɗo Allah.

1 Yahaya 4:17

To en ngiɗi yimɓe e goonga, en ngaɗa jonde no Yeesu jooɗorii nder duuniyaaru, en kulataa Nyalnde Jaango.